ليه الزمالك خسر - مش ليه الاهلي كسب

انا شايف من وجهة نظري ان الزمالك خسر والاهلي مكسبش ، الزمالك نازل المتش ومش فدماغو الفوز
هناك عدة اسباب لخسارة الزمالك :
1- اللاعبين انفسهم نازلين وفبالهم التعادل والخسارة والفوز مستحيل، يعني عندهم استعداد نفسي كبير للخسارة على عكس الاهلي اللي عارف ان جمهوره هيزعل جدا
2- بعض لاعبي الزمالك مالاخر عاوزين يخسروا عشان ممدوخ عباس يمشي، عشان هما ميمشوش وغيرهم عاوز يكسب عشان المندوه الحسيني لو جه هيشيل كتير
3- اعداد الزمالك كان بملاقاة البنك الاهلي ( اول مرة حد يعرف ان له نادي) وواتعادل معاه والاهلي اعداده فالمانيا وكسب هناك
4- راينز هولمان واضح انه مش عارف حاجة عن الزمالك وولا عمل اي فرق
5- ازاي نتوقع ان فرقة لسه متكونة وفيها شوية لاعيبة عواجيز ع المعاش ومجموعة مش فاهمة بعض ولا لعبت قبل كدا مع بعض بالشكل دا تحت مدير فني جديد انها تكسب فرقة بقالها 3 او 4 مواسم هي هي وتحت قيادة مستقرة ومجلس ادارة مستقر


في النهاية انا شايف ان الجمورين خرجوا زعلانين لان اولا المتش دون المستوى ثانيا جمهور الزمالك كان حاطط عينه ع التعادل وجمهور الاهلي كان حاطط عينه على فوز بفارق كبير
وايضا يجب ان نقول ان اجوجو افضل بديل لعمرو زكي وهو مكسب للزماك ولكن 17 مليون دول كان ممكن ممدوح عباس يجيب بيهم فرقة كاملة ودا اللي محتاجه الزمالك