معانا النهارده تجربتى الخاصه اللى من خلالها حصلت على حساب ادسنس عادى وغير مستضاف بسهوله جدااا ومن خلال بلوجر وليس موقع خاص ولا اى شىء !!
الاول الكل عارف يعنى ايه حساب مستضاف وحساب عادى
وباختصار تانى للجديد اللى ميعرفش
المستضاف هو حساب ادسنس بيستخدم فى مواقع جوجل بس زى يوتيوب وبلوجر ومينفعش تستخدمه فى اى موقع تانى
الحساب العادى تقدر تستخدمه فى اى موقع ,, زى هنا
البدايه كانت ان مدونتى كانت شغاله عادى وحساب ادسنس بتاعها حساب مستضاف وشغال عااادى وكنت وصلت لارباح تعدت ال 55 دولار لكن فجأه وبدون مقدمات قفلو حسابى وقالو لخطورة حسابك على معلنينا وكلام من ده :d
المهم عوضى على الله ,, يأست شويه بس رجعت تانى بقاا وقولت لا لازم ارجع واكمل تااانى
عملت اكونت جوجل جديد عادى جداا وعملته مشرف ف مدونتى تمام ؟؟
ورحت للاكونت الجديد ده وقدمت ع ادسنس من خلال المدونه عاااادى جدااا وبعد اقل من 24 ساعه بقاا عندى الحساب الاساسى بتاع وكلمه حساب مستضاف خااااااااالص من عندى
وشغال بالحساب ده هنا اهو بقالى كام يوم , اى نعم مكاسبى دلوقتى 0.01 دولار :d بس يعنى مش هيأس برده
مش عارف المعلومات دى حد عارفها ولا اول مره تعرفوها
عموما اهو قولتها ويارب تكون المعلومه وصلت للى ميعرفهاش