ماشيين موانى ماشيين حوارى فى كل حتة تلاقى الغش
على كل لون نصابين فى الجون وبردو بنيجى نقول معلش
قال اية يا سيدى قرشى فى ايدى
بلف اشوف لا لقيت ايدى ولا لقيت القرش
زمن العجايب ومالكش نايب
دى الدنيا لا ليها افا ولا وش
عجلة ودايرة دى دنيا فايرة اخرتنا فيها تحت الكاوتش
فوق قوم وصحصح دا ما لكش مطرح وها يجى يوم تلاقى العشرة منك بقرش
دا فية ناس قامو قومة وعملوها كومة ما هو لازم ضميرنا يبقى استريتش
معلش يا ابنى كان نفسى ابنى جواك حاجات بس خسارة الزمن ما سمحش
البلوة جاية جاية ولا انا مستحية
ما عتش لبلدى حاكم والحاكم هاهاها بيقول معلش
أرانب رايحة جاية دا بقى زمن الحرامية وكله فى الكليتش
بنبص من بعيد على جيمى وأم فريد ونقول ما تفوقو ا يا هووه يردو الهووووووه معلش
قعدت من حسرتى ببلاويا وكسرتى عدا عليا فقير قال اية عابر سبيل
سألته عن السبيل قالى والله ما خبرش
سيبتة جريت عل الميدان وسط جماعة شبان لا قيتهم بيقولو كمان يلا نعلى الصوت يلا حقنا هايبان
صرخت من جوايا كله يسمع صدايا
ولا ما يجى اليوم اللى اقول فية ما خبرش دا احنا فى زمن المعلش
منتظر ارائكو