اغنية إحنا شعب وإنتو شعب والتى يغنيها الفنان المبدع على الحجار وهى من كلمات مدحت العدل ومن الحان الفنان احمد الحجار وهو اخو الفنان على الحجار والاغنية كما يقول الفنان على الحجار مهداة الى كل شعب مصر وقد اثارت هذه الاغنية الجدل ,الاستنكار من الكثيرين على صفحات التواصل الاجتماعى الفيس بوك وتويتر وهاجموا الفنان على الحجار هجوما شديدا بسبب هذه الاغنية واكد البعض ان هذه الاغنية ستزيد الفتنة والفرقة بين طوائف الشعب المصرى

برية وبراءة..

إحنا بنشوف الطفولة

وإنتو شايفينها سبايا

تثبتوا بيها الفحولة

إحنا يسعدنا خيالها..

لما ترسم ف الكتاب

وإنتو لو عدى خيالها

يطلعلكوا فى ثانية ناب

إنتو بتحبوا الجهامة

وإحنا بنحب ابتسامة

إحنا حرية وكرامة

وإنتو سجن وشرع غاب

إحنا شعب وإنتو شعب

........................

مصر بالنسبه لنا ثومة

والا ناصر.. أو حليم

مصر بالنسبه لكو خيمة

أو إمارة أو حريم

إحنا نفديها بحياتنا

ونحبها ونرضى بقليلها

وإنتو عايزين تنهبوها

وتسرقوا خيرها ونيلها

إحنا يسقط منا شهدا

زينة الدنيا وشبابها

وإنتوا قلتوا كنتوا سعدا

لما داسوا فوق ترابها

إحنا أقرب وإنتوا بعدا

إحنا ثورة وإنتو ردة

ياطابور خامس وقاعدة

للعدو الواقف ببابها

إحنا شعب وإنتو شعب

.............................

إحنا بنشوف ربنا

رحمة للعبد اللى تاه

عفو عن مخطئ مسىء

توبة أو طوق للنجاة

وإنتو تِعبان القبور

والمقارع للحريم

سد باب الرحمة غية

واللى يغلط ف الجحيم

واللى يضحك يبقى كافر

والعبوس آخره النعيم

إحنا بنحب الحياة

وإنتو أعداء الحياة

إحنا شعب وإنتو شعب

............................

إحنا بنشوف الحقيقة

والعقيدة ف أى دين

كنت قبطى أو يهودى

والا ضمن المسلمين

رب واحد... معنى واحد

الرسالة يا مؤمنين

ماتكدبوش ماتغيروش

ف النوايا والوشوش

حب جارك زى أهلك

احفظه ولا تخونوش

وإنتو تيجو تخونوه

يختلف ف الرأى عنكو

تحلوا دمه وتقتلوه

وتقولوا ديننا قالنا

أى دين يا أدعيا

والا نبى م الأنبيا

يأمر بكافر تصلبوه

والا بوذى تبهدلوه

والا شيعى تكفروه

واللى بيفكر دا ضال

وتحرموا حتى الحلال

وتحللوا فكر الضلال

وتحكمونا يا أغبيا

إحنا شعب وإنتو شعب

...........................

إحنا شايفين الرسول

رحمة مهداة للبشر

سعى من أجل الوصول

للكمال المنتظر

إحنا شايفين إن ديننا

دعوة للنور والحضارة

وإنتوا حاصرينه ف حكاية

توب قصير أو ستارة

إحنا شايفين ابن سينا

وابن رشد والحسين

وإنتوا شايفين ابن لادن

والكهوف المظلمين

إحنا عشاق الإرادة

والحقيقة واليقين

وإنتو تجار المنابر

والبخور والمجذوبين

الخادعين للخاضعين

والآكلين الشاربين

النازلين الصاعدين

للمصالح والمناصب

وأما أمريكا بتأمر

تصرخوا بقولة آمين

إحنا شعب وإنتو شعب

.............................

إحنا مصرى بسيط وراضى

عسكرى جاى م النجوع

يسمع الراديو الصغير

الأدان يملاه خشوع

يدعى ف الليل للى خلقه

يحمى عيلته يزيد ف رزقه

ف الدعا تنزل دموع

عند رب العالمين

صادقة من غير فلسفة

لا صوت جهورى ف ميكروفون

يصرخ يهدد بالوعيد

وكأنه واخد م السما

توكيل يكفر بعضنا

يهدينا نرجع مسلمين

يا عم مااحنا مسلمين

ومؤمنين وموحدين

من قبل حتى ما تتولد

وإحنا اللى وحدنا الإله

قبل الديانة ما تتوجد

ولإن مصر المؤمنة

قبل التاريخ فى دمنا

عمرنا ما حنبقى زيك

ولا أنت حتكون زينا

لِمّ غنمك أو جمالك

أو مباخرك أو عيالك

والمشانق من حبالك

والعشيرة والخيام

خد زعيقك خد صريخك

خد فتاويك واللجام

خد حرام حرام حرام

حلال عليك يا مسيلمة

اللى سرقته مننا

وإبعد بعيد عن أرضنا

لأنكوا... ولإننا

إحنا شعب......وإنتو شعب

فعلا كل يوم تثبتون بانكم حثالة مصر.. ويسمونكم "نجوم".. تراب الارض اشرف منكم .. هذا عفن لا فن. يبيعون بلد و يقسمونه من اجل حفنة دولارات. قبح الله سعيكم ... فعلا انتم "طراطير" العسكر ليس الا ...

من أحط ما قرأت. على اساس أني لو برفض الانقلاب برفض قتل الناس برفض الاعتقال برفض التعذيب ولو لابسة نقاب ولو حتى اخوان يبقى اخدت من مصريتي و كفرتني و خلتني بدعي الاسلام والاسلام مني برىء!!!!!!!!!!!!! فين عقولكم شوفوا مين بيكفر التاني ومين الي بينزع عن التاني هويته!!!!!!!!! ايه اختلال المفاهيم ده!!!!!!! فين الحرية ...حرية اعتناق رأي.....هيفضل كل مصري مصري و هيفضل كل مسلم مسلم (لا اسلامي ولا متأسلم) وربنا وحده هو الأعلم بقلب كل واحد وهو يحكم بيننا

خيالكم المريض صور لكم هذه لاهل الطاعه والطهاره اتبا ؟ع محمد صلى الله عليه وسلم الذى قال عليكم بسنتى ؟؟ فعلى سنة من انتم تسيرون مع العلم ان للشيطان سنه وهى العرى والخمر والاختلاط الذى انتم عليه ندعو لكم بالهدايه فانتم مسلمون ايضا

اولا على الحجار موش مغنى وليس له شعبية وبعتبر من المغنيين الذين يركبون اى موجه لكى يطهر ويبقى له اسم انما هو فاشل بجدارة والاحسن يعود فى بتهم لانه لا شكل ولا صوت

رائع كالعادة يا علي الحجار ......
ربنا يهديهم و يغفر لهم