نجوم مصرية
منتديات نجوم مصرية منتدى المدونين واصحاب المواقع منتدى الربح من موقعك



كيف تجني ثروة من الدولارات من يوتيوب "أسرار لايعرفها العرب"

 

بسم الله الرحمن الرحيم

إلى كل شباب وبنات مصر خاصة والوطن العربى عامة
موضوعنا بيتكلم عن الربح من الانترنت والحصرى فى موضوعنا هو الربح من اليوتيوب نعم يمكنك الربح من اليوتيوب عن طريق الفيديوهات التى تقم برفعها على موقع اليوتيوب وقبل ما نتكلم عن طريقة الربح أحب أعرفك بموقع اليوتيوب وطريقة عمله

موقع youtube





ترتيبه عالميا 3 وهو أفضل موقع فيديو على مستوى العالم ويعد من إحدى شركات جوجل العديدة
معناها بث نفسك you tube كلمة
وهى الفكرة التى يعتمد عليها موقع اليوتيوب بحيث أن كل مشترك لديه حساب على موقع اليوتيوب يمكنه تصوير نفسه ومشاركة هذا المقطع الخاص به ليشاهده مئات وألاف المشاهدين من جميع أنحاء العالم

عدد المشتركين فى موقع اليوتيوب



وصل عدد المشتركين فى اليوتيوب إلى 55 مليون مشترك فى 2006
أى أنه يوجد على الأقل 55 مليون مقطع فيديو لو افتردنا ان كل مشترك له فيديو واحد فقط
وهذا ما أمكن نجاح هذا الموقع الشهير ,تزايدت عليه الاشتراكات والشركات المعلنه الخارجيه لأنه يلقى المليارات من المشاهدات اليوميه فى شتى بلدان العالم وفى شتى المجالات حيث أنه يعرض من الاخبار والتعليم ونمط الحياة والمسلسلات والان يعرض البث المباشر للقنوات الفضائيه. وهذه باختصار معلومات عن موقع اليوتيوب .

كيف تربح من اليوتيوب



أولا لابد أن يكن لديك قناة على يوتيوب ولو مش عندك قناة على اليوتيوب يمكنك عمل قناه من هنا
youtube.com/account?feature=mhee&hl=ar

ثانيا لابد أن يكن لديك حساب على جوجل أدسينس وهى أكبر شركة إعلانات فى العالم وهى أيضا من إحدى شركات جوجل ولو مش عندك حساب على جوجل أدسينس يمكنك عمل حساب من هنا
google.com.eg/adsense

يفضل عمل قناه على يوتيوب وجوجل أدسينس بإيميل واحد ويكون على جمايل "gmail"
من هنا
accounts.google.com/SignUp

بالنسبة لحساب جوجل أدسينس لابد من كتابة المعلومات المطلوبة عنك بالتفصيل الاسم بالكامل العنوان الصحيح والرمز البريدى لمنطقتك والمحافظة والحى
لان بدون كتابة المعلومات الخاصة بك بطريقة صحيحة لا تستطيع أخذ أرباحك التى حققتها من حسابك

طريقة العمل فى يوتيوب







أولا لابد من وجود كاميرا أو هاتف ذكى أو كاميرا اللابتوب أو كاميرا الجهاز المكتبى الخاص بك

ثانيا تخصيص مجال واحد فقط للعمل به وتكون بتحبه وفاهمه لتتفوق وتعمل بنشاط فيه مثلا لو كنت ناشط سياسى فيمكنك تصوير نفسك والتعليق على الاحداث الجاريه أو التقاط مقاطع صغيره من الكاميرا الخاصة بك ونشرها على قناتك وفكرة تخصيص مجال واحد فقط هى لانتشار قناتك ولتزويدها بفرصة نجاح أكبر لأن القناة هتكون كلها فيديوهات عن الاخبار فقط
وطبعا كتير مننا مش بيحب السياسة والهوايات مفيش أكثر منها كل واحد على حسب مجاله أو هوايته


ثالثا ممنوع منعا باتا تحميل أى مقطع أو فيديو من موقع أو قناة أو غيره ثم رفعه على قناتك على أساس إنه من تصويرك أنت هذا العمل مخالف وبيتم كشفه من قبل مهندسى يوتيوب وماتفتكرش إنك تقدر تضحك عليهم كان غيرك أشطر حسابك هيتقفل وهتتحط فى البلاك ليست باسمك اللى وضعته فى جوجل ادسينس

رابعا يجب أن تكون اسم القناة الخاصة بك لها علاقة عن التخصص اللى حضرتك هتشتغل فيه لو طبقنا المثال على ان قناتك اخباريه هيكون فى اسمها كلمة الاخباريه أو البيان أو الاسبوعيه أو الصحفيه وهكذا فى التخصصات الاخرى وده بالنسبه للاسم أما الرابط فبيكون باللغة الانجليزيه فقط بجانب رابط اليوتيوب هكذا
youtube.com/user/egynews
ايجى نيوز هو اسم قناتك بالعربى أما الرابط يوتيوب دوت كوم سلاش ايجى نيوز

خامسا حاول بقدر الامكان التصوير من كاميرات عالية الوضوح وبعد التصوير شاهد الفيديو بنفسك لعدم وجود الاخطاء به قبل الرفع ثم إرفع الفيديو على قناتك سوف يطلب منك كتابة عنوان ووصف وكلمات بحثيه للفيديو الذى رفعته
وهذه نصائحى لك فى الكتابة

العنوان يفضل أن يكن مختصرا قدر الإمكان حد أقصى 5 كلمات

الوصف دقيق وشرح مفصل لمحتوى الفيديو الذى أنت وضعته قم بشرح كل لقطة قمت بتصويرها

الكلمات البحثيه حد أقصى أكتب 9 كلمات مفصوله بفواصل كهذه, ,, بالضغط على شيفت وحرف الواو

هذه النصائح فى الكتابه تساعد الباحثين فى محركات البحث بالعثور على القناة الخاصة بك والاشتراك بها وبالتالى ستزيد عدد المشاهدات وعدد الارباح اليوميه وتزيد فرصتك فى زيادة الارباح إن شاء الله

من أين تدفع لى اليوتيوب ولماذا



كما تحدثنا عن اليوتيوب من قبل تحصد أكثر من مليار مشاهدة كل ساعة
لكثرة الزيارات على الموقع فتقوم الشركات المعلنه مثل شيبسى وجلاكسى وغيرها من أصحاب المنتجات بشراء فترة زمنيه أو عدد مشاهدات أو كليكات لزيارة موقعها أو التعرف على المنتج الخاص بهم والمقابل الدفع للموقع

أما حضرتك اللى قائم على العمل فى الموقع بالفيديوهات اللى رفعتها وحققت مشاهدات للموقع وبكده المعادله اتظبطت
موقع مشهور+ فيديو ممتاز+معلن = أرباح 30% عشان يوتيوب
و70 عشانك
واللى بيقوم بعملية النسبه المئويه دى هى جوجل أدسينس واللى من خلالها حضرتك هتاخد أرباحك منها

ما هى وسيلة الدفع



جوجل أدسينس بتقدم أكثر من طريقة ولكن أفضلهم هما التحويل البنكى السريع من خلال بنك ويسترن يونيون والدفع على حسابك البنكى الخاص من خلال وضع رقم الماستر كارد الخاص بك.

بالنسبة للناس اللى أول مرة يعملوا حساب على جوجل أدسينس

جوجل أدسينس بتعملك إختبار فى أو 10 دولار لو شغلك مظبوط وموافى للشروط بتبعتلك جواب للبيت فى العنوان اللى انت كتبته لما اشتركت عندهم والجواب ده فيه رقم البن كود اللى حضرتك هتفعله فى صفحتك بجوجل أدسينس ومبروك عليك الحساب مفعل ومبروك الوظيفة الجديده
وغالبا الجواب بيتأخر لمدة 3 أسابيع من تاريخ الارسال اللى جوجل ادسنس هتبلغك بيه والتاخير ده مش منهم ده من البريد المصرى وإسأل مجرب

أما لو الـ 10 دولار الاولانيين كملم ومفيش حد بلغك بإرسال البن كود لمنزلك تأكد انك خالفت الشروط وحاول تظبط شغلك لان الشروط صارمة مفيش ياما ارحمينى

إنتهى الموضوع وتمنياتى للجميع بأرباح وفيره ورزق حلال إن شاء الله
وأتمنى من كل من قرأ موضوعى بالدعاء لى ولوالديا بالرحمة والمغفرة








المقال "كيف تجني ثروة من الدولارات من يوتيوب "أسرار لايعرفها العرب"" نشر بواسطة: Google Plus   بتاريخ:
sun_shine
حضرتك انا عايزة اسال سؤال
ازاى فى برامج واغانى على اليوتيوب نازل عليها اعلانات مش المفروض ان ده مخالف ؟
ارجو الرد
popoflop
أولا شكرا لحضرتك على قراءة الموضوع .
ثانيا بالنسبة للاغانى واللى بعض الناس بتفكر انها مخالفة انا معاكى ان فى حجات كتير جدا مخالفة للشروط والسياسات
إنما ده مش معناه ان الكل مخالف فى مثلا ملفات صوتية غير محفوظة الحقوق ودى اغلبها اللى بيستعملها مستخدمى ادسينس للربح منها
اما بالنسبة للملفات المحفوظة الحقوق بينزل عليها الاعلانات وبتحقق اعلى ايرادات واعلى مشاهدات
لكن فى لوحة تحكم الناشر الخاصة بأدسينس وبالاخص يوم 10 من كل شهر يتم خصم هذا المبلغ بعد ارشفته واثبات المخالفة وارسالها بالبريد لمرتين فقط على سبيل الانذار ثم بعدها الخصم ولو تكرر الموضوع امتر من مرتين فى الشهر بتكون النتيجة بلوك لصاحب الحساب.
أتمنى تكون المعلومة وصلت وأتمنى لحضرتك ربحا حلال وفيرا مباركا فيه.
رد زائر_
الموضوع جميل جدا بس انا كنت عايزه اسئل هى المشاهده عليه كام

يعنى الفلوس بتيجى من المشاهده
وبرده بخده ازاى من على أدسينس يعنى مثلا لو انا معنديش حساب بنكى يبعتولى على البيت ولا ايه
يريت استفاد لانى عامله واحد ومش عارفه ازاى استفاد منه
popoflop
اسعار المشاهدات غالبا مش ثابته ود بيحدده المعلن وغالبا الاعلانات العربية رخيصة فى الثمن بالنسبة للاعلانات باللغات التانية وأعلى سعر أنا شخصيا حققته بالنسبة لعدد المشاهدات هو ١٠٠٠ دولار للمليون مشاهدة وكان المحتوى عربى بالاضافة الى ترجمته باللغة الانجليزية
وبالنسبة لطريقة سحب الارباح فى بنك ويسترن يونيون وده اللى انا شخصيا باستخدمه لسهولة وسرعة تعاملاته وكمان بدون اى خصومات او قيود وده متوفر فى محافظات كتيره تقريبا وتقدرى تعرفى اقرب فرع ليكى من موقعهم الالكترونى . كمان جوجل موفرة الخدمة لو انتى حابة انك تسحبى من ويسترن يونيون .
اتمنى اكون وفيت الرد وآسف جدا عالتاخير
عنوان مخادع
هي فين الاسرار في اللي في الموضوع اخي الكريم
اي مبتدئ في عالم اليوتيوب يعرف المعلومات المذكورة
لا تخدعو الناس بمثل هذه العناوين الخادعة
amjada1
شكرا جزيلا اخي الفاضل
Ahmed daoud
شكرا لك
لقد كفيت ووفيت بدكر المختصر المفيد في طريقة العمل
الا وهو مجال يمكن أن تبدع فيه ويكون محتوي مفيد وحصري
popoflop
شكرا للجميع وان شاء الله جارى العمل على تحديث الموضوع باستمرار
AnaAhmed
الربح من ادسنس عن طريق فيديوهات يوتيوب طريقة ممتازة
ولكن تحتاج لتعلم بعض الاستراتيجيات للوصول لربح ممتاز.
بالتوفيق للجميع



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
مفاجاة..الاعلامى "احمد منصور" على تويتر يكشف بالارقام عن ثروة "ساويرس"...لن تصدق المبلغ
محرّك "بينج" يمنع العرب من البحث عن المصطلحات الجنسية
حملة بعنوان "الرحلة"..إسرائيل تجند "الفيس بوك" لمحاربة انتشار الإسلام بين اليهود


Powered by vBulletin Version 3.8.8
Copyright ©2000 - 2018, Jelsoft Enterprises Ltd
جميع الحقوق محفوظة © nmisr.com نجوم مصرية