اهلا وسهلا بكل الاعضاء وزوار منتدى نجوم مصريه النهارده جايب لكم طريقه عمل العيش الفينو فى البيت بطريقه صحيه وامنه ويعتبر العيش الفينو محبوب ومفضل جدا وخاصه لدى الاطفال واليكم اجمل واحلى واطعم طريقه لعمل العيش الفينو فى البيت بخطوات سهله وبسيطه وغير مكلفه اتمنى ان تعجبكم
المقادير:
5كوب دقيق
2 كوب ماء دافىء
معلقه كبيرة خميرة
2معلقه كبيرة لبن نيدو
فنجان سكر
معلقه صغيرة ملح
1/2 كوب زيت
التحضير:
2كوب دقيق مع الخميرة والملح ولبن نيدو والسكر والميه ونقلبهم بمضرب يدوى او بمعلقه حتى تصبح العجينه سايله وتترك لتخمر عشر دقائق وبعد ذلك ضيفى باقى الدقيق ( 3 كوب ) وقلبى العجينه طبعا هاتلاقيها ملزقه مش مشكله ضيفى شويه من الزيت واعجنى بايدك وكل شويه تضيفى الزيت بالتدريج وتعجنى لغايه ما العجينه تلم من الطبق وغطيها وسيبيها تخمر نص ساعه وبعد كدة هاتى حته وافرديها على صينيه فيها دقيق وافرديها بالنشابه او بايدك ابرميها او لفيها بالسكينه اعملى علامات من فوق وحطيها فى صينيه مدهونه زيت بس يبى مسافه بينهم بفرشاة ادهنى الوش بزيت ولبن وحطى سمسم وسيبيها تخمر ساعتين و حطيها فى فرن سخن لمدة عشر دقائق بعد كدة حطيها تحت الشوايه