وكانت نص رسالته لنقيب الصحفيين :
ده العسكري وهو عايز يكسر الموبايل بتاعي عشان صورتهم لما رفضو يعدونا ورفضو يعترفو ان الصحافه من حقها تشتغل في اي وقت.. الصحافه مش بالختم الميري يا فشله.. ديه العصبيه وارجع للواقعه.. داخلين من علي الدائري نزله الجيزه نزلت بكارنيه النقابه استاذنهم اننا نعدي واخبرتهم اننا كنا في مهمه عمل وراجعين الجرنال .. بكل تعالي رد عليا عسكري "لا لا لا مفيش ولا صحافه ولا اعلام".. انت بتكلمني كده ليه حضرتك ده شغلنا ونقيب الصحفيين اعلن انه منسق مع وزاره الدفاع ان النقابيين يتحركو بكارنيه النقابه لان ده شغلنا.. حضرتك مجتليش تعليمات.. طيب حضرتك ده مش زنبي وانا راجع من شغل وديه عربيه الجرنال ومعانا تصريح من الجرنال.. في الوقت ده عدي ضابط شرطة.. وبعديه مستشار.. وجه الضابط هتلاقوه في .. قالي مش هعديك وما تتعبش نفسك قولتله حضرتك لسه معدي مستشار وده مش قانوني والصحافه المفترض انها حره مش بتاخد اذن عشان تشتغل والمفروض انكم تساعدونا في شغلنا.. لا احنا ملناش دعوه غير بتصريح وزاره الدفاع.. طيب انا هصور الكلام ده وانشره ونبقي نشوف وزاره الدفاع هتقول ايه.. وطلعت الموبايل وبدات اصور وهنا جري عليه العساكر والضابط ومسكو فيه وهددوني انهم هيضربو عليه نار قولتلهم انا عايز اموت عشان العالم يتفرج عليكم يلا اعتقولني دلوقتي احسن من القرف ده.. وحطيت الموبايل ورا ضهري ومسكته بايدي جامد وقولت ليهم مش هتحرك من هنا وبدا تدخل ناس عشان تحوش وبدات تبان في عنيهم نظره خوف اني ياريت امشي عشان محرجهمش اكثر من كده.. بصراحه مشيت عشان اهدي القصه ديه لنقيب الصحفيين اللي وعدنا بحريه الصحافه..
ملاحظات.. سائق جرنال اليوم السابع شاهد علي الواقعه.. وانا كان معايا كارنيه النقابه وتصريح من الجرنال وكنت في مهمه عمل