نجوم مصرية
منتديات نجوم مصرية المنتدى العام منتدى الحوار العام



تابع نجوم مصرية على أخبار جوجل




كارثه اسمها ..... البطاله ...

 

السلام عليكم ورحمه الله وبركاته



اخواتىا فىا الله حبيت النهارد اتكلم عن كارثه بكل المقاييس وهىا البطاله


أنها حقا كارثه تستوجب الوقوف ...ولفت الانتباه...فالواقع يؤكد ان معادلات البطاله فىا تزايد مستمر...الجميع يحاول البحث عن طريق للخروج من الأزمه ولكن الواضح انه يزداد ابتعاد...


فىا السطور نحاول الأقتراب من جذور المشكله بشكل موضوعىا بعيدا عن المزايدات
والقاء الاتهامات فىا محاوله للوقوف علىا تفاصيل وابعاد القضيه فىا محاوله لايجاد الطريق الصحيح.
تابع نجوم مصرية على أخبار جوجل




لكن مفهوم البطاله ... أو نقص التشغيل.. يمتد الىا الحالات التىا يمارس فيها فرد عملا ولكن لوقت اقل من وقت العمل المعتاد ... أو المرغوب .... وتسمىا هذه البطاله الجزئيه الظاهره أو نقص التشغيل الظاهر ... ويمكن اعتبار نقص التشغيل تنويعه علىا صنف البطاله السافره..


ويحدث فىا بعض هذه المجتمعات أن يعانىا بعض من أفرادها ..فىا الوقت نفسه .. من زياده فىا التشغيل بمعنىا عملهم وقتا اطول من معيار معتاد لكىا يتمكنوا من الوفاء..بأحتياجاتهم.....
وهو وجه اخر من اوجه أختلال التشغيل فىا المجتمع




أسباب مشكله البطاله؟؟؟



ترجع أسباب مشكله البطاله فىا الجزء الأكبر منها الىا طبيعه نمو الأقتصاد المصرىا ...
كأقتصاد نامىا يعانىا أختلالات داخليه .. وخارجيه ..تتمثل فىا الاختلال فىا ميزان المدفوعات
والأختلال فىا الموازنه العامله للدوله .......الىا جانب وجود فجوه كبيره بين كل من الأدخار والأستثمار
وبالتالىا الأنتاج والأستهلاك...






المقال "كارثه اسمها ..... البطاله ..." نشر بواسطة: بتاريخ:
kaki
هى البطالة مشكلة بقالها سنين والتعيينات متوقفة من سنة 82 يعنى احنا عندنا تكدس بطالة
اما بقى حل المشكلة سهل مش صعب بس لازم تشترك الحكومة والمجتمع فيه ونظرا لان ده مستحيل يبقى يظل الوضع كما هو عليه
lionhmada
موضوع جميل يا بنوته تسلم ايديك عليه

مشكلة البطالة في مصر مشكلة معقدة ومتعددة الاسباب وكثير من الشباب المصري يعانون من تلك المشكلة.

فعلا جميعا نرى معاناة الشباب في الحصول على فرصة عمل لكم يحزنني عندما ان شاب قد تخرج من الجامعة ولا يجد فرصة عمل او وسيلة للعيش .
للاسف مصر تمتلك ثورة بشرية ولكنها غير مستغلة

طبعا الحديث يطول حول اسباب البطالة وما يترتب على تلك المشكلة من زيادة الفقر وارتفاع معدل الجريمة والعنوسة وخلافه

تحياتي على الموضوع الرائع يا بنوته
عفوا شكسبير فالحب خدعة
فعلا المشكلة دى سبب كل المشاكل اللى ظهرت ف المجتمع

مشكلة الادمان والاغتصاب وغيرهم كتير سببها البطالة

المفروض ان الشباب ميستسلمش يشتغل اى حاجة

يسافر يحاول ميتهزمش عشان ميضعش

ميرسي ع التوبيك
أسير الغرام
تسلم ايديك يا بنوته بس على فكره البطاله دي للناس الى عايزينها
معلش سوق العمل قبل كده كان بياخذ الخرجين الجدد وبعدين مع التقدم بدء سوق العمل بيطلب موظفبن ولكن ذو خبرات او بمعنى يكونون موظفين متعلمين
يعني اي حد عايز يشتغل الايام دي وعايز مرتب محترم لازم على الاقل معاه لغه
لازم معاه كومبيوتر
لازم معاه على الاقل بعض الشهادات في مجال تخصصو
مثلا كليه تجاره الخريج على الاقل لازم يكون جايب جيد معاه انجليزي كويس معاه كومبيوتر ومعاه اخيرا كورسات او شهادات من اكاديميات متخصص بالمحاسبه
لمه تتوفر الحجات دي في الموظف هيلاقي شغل في اي مكان وبالمرتب الى هو عايزو
انا مثلا باخذ كورسات في الشبكات (سيسكو ) وان شاء الله ناوي اتخصص في (security) وبعدين لمه اخلص ده كلو اروح لاي شركه عايزه التخصص ده ومش هترفضني باذن الله لان همه عايزين موظف منتج مش همه الى يعلموه
وشكرا على الموضوع
hebaahmed
موضوع حلو ياروان وبقى منتشر اوى
لدرجة اننا مبقيناش نستغرب منة
او نحاول نحلة وبقينا نقول يالة اهى حالة البلد بقت كدة
وبقينا بنحلها بنفسنا باننا نهاجر برة او فى اى دولة عربية
يمرمطونا وياخدوها خبرتنا وعمرنا وخلاص
هنعمل اية
etch evil
بالنسبه ليا انا ردي مختلف شويه

يمكن علشان موضوع البطاله ده ملوش تاثير عليا مش هقدر اتكلم فيه

بس اللي اقدر اقوله

ان الانسان لو عنده الامكانيات اللي تخليه يشغل الوظيفه اكيد هيشتغل ومش هيترفض

انا قبل مسافر بره مصر قدمت في كذا وظيفه والحمد لله قبلت بس الظروف المحيطه مكنتش بتساعد اني اكمل في الوظيفه

وبعدين متنسوش ان دي ارزاق

وربنا قال اسعى يا عبد

وطول منتا بتسعى وبتدور وبتطور من نفسك اكيد ربنا مش هيضيع تعبك

بس اصبر ............ أصبر

وحاول تحسن من نفسك اكتر واكتر

على فكره يا جماعه انا مليش واسطه علشان متقولوش اني كنت بشتغل بالواسطه

بس وسطتي هي ربنا

الدعاء والاستغفار

تطوير النفس

تعرف ازاي تسيطر على اللي قدامك وتدخل دماغه

يعني تخيله بفكرك ومهاراتك تخليه يحلم بيك من الاخر


الحمد لله انا سني صغير وشغال بمرتب محترم ومركز اكبر من سني كمان

الثقه بالله والاعتماد عليه

الثقه بالنفس

تطوير الذات

السعي وراء رزقك

الصبر

عدم اليأس

القرب من الله

واخيرا


لا تنسى ان خير الخلق وافضلهم محمد رسول الله صلى الله عليه وسلم

كان راعي غنم ..... وبعدين اشتغل في التجاره

اي شغل ميغضبش ربنا يبقى مش عيب انك تشتغله

تحياتي

تقبلوا راي ومروري
scorpion
موضوع متميز ياروان
بس بجد الموضوع دا بقي ليه عواقب كبيرة
اكبر مما نتخيل
يعني دلوقتي بقينا نشوف حاجات غريبة
واحد خريج كلية صيدلة يشتغل في المطافي
ازاي معرفش
طبعا دا مش موضوعنا
بس المهم دلوقتي
احنا ازاي نوفر طرق اننا نشتغل
طبعا في بتبقي فرص كتير واحنا اللي بنضيعها
وفي كمان فرص مش تحت شرط نستني القوي العاملة والكلام دا
لا طبعا احنا ندور وربنا قال اسعي ياعبد
يعني نسعي ونشوف شغل مش نقعد كدة
ووالله في كتير بس احنا اللي ندور وبذمة شوية
وتعرفي ممكن يترتب عليها نوع من الشباب الفاشل اللي بيعمل حجته القوي العاملة
وبيشتغلوا فعلا بس بيشتغلوا في التسول
ربنا يهديهم يارب
بس برضو في عيوب كتير احنا عندنا حاجات كتير جدا في بلدنا بس للاسف مفيش مخ كافي يقدر الحاجات دي الموجودة لو استغلناها صح هنعرف ازاي نديرها كويس
وشكرا ليكي ياروان علي الموضوع الجميل دا
تسلم ايدك
وجزاكي الله كل خير
حب بلا جراح
افكار مواضيعك في قمة الروعة يا روان
وهادفة جدا
اعذريني يا قمر تاخرت في الرد
تسلمي بجد ع الموضوع
ويا رب يبقى اخرة الغم والمشاكل دي خير
ولون مش باينلها
....
مانجة
مواضيعك كلها جميلة زيك
وفعلا البطالة بئيت من اهم العناصر الاساسية فى الجرائم اللى بتحصل
وطبعا اسبابها كتير جداااااااا
بس ده متوقف ع المسؤلين اللى مش بيعرفوا يستغلوا الشباب صح
وفى الاخر لما الشاب بيضمر مستقبله يلومه عليه
طب كنتوا فين قبل كدة
ومهما كتر الكلام عن البطالة بردك مش هنلاقيلها ل
عشان الحل بايد ناس تانية
ميررسى على موضوعك ياعسل
reallove87
موضوع جميل ومتميزه كعادتك يا بنوته...

مشكله ومحتاجه لحل بأسرع وقت وموجوده في كل الدول...

والمشكله إنها بتزيد مش بتقل...

تسلمي يا بنوته...
!!بــ،،ــنــ،،ــوتـ،ـه!!
ميرسىا ليكم جميعا يااخواتىا العساسيل

وميرسىا لمروركم الراقىا هذا... تسلمولىا جميعا,,
مفيش فايده
اولا الموضوع هايل والردود اجمل
بس انا بختلف معاكم

انا شايف ان الناس هيا السبب ف البطاله
ايه المانع انى اشتغل اى حاجه لحد ما الاقى وطيفه بالشهادة بتاعتى

لا ازاى هو انا ادخل كليه واقعد ازااكر ويطلع عينى وف الاخر ما اشتغلش بالشهادة

طب ما انت عارف كده من قبل ما تتدخل الكليه
يبقى ارضى باى وظيفه امشى بيها حالى على ما ابقى الاقى حاجه بالشهادة

لكن معظم الشباب وقدام عينى
تيجى تقوله على شغل يقولك لا والشهادة بتاعتى اعمل بيها ايه

عايز وظيفه تفصيل ويقعد على مكتب وخلاص
الايام ديه راحت خلاص

دلوقتى عشان تقعد على مكتب وترتاح لازم تتعب ف الاول وده مش عيب

وكل واحد قاعد ف البيت ويقولك مفيش شغل
طب انزل لف ودور يقول انا عارف الرد سيب بيانتك ولو احتاجنا هنبقى نتصل بيك

ليه الروح الانهزاميه ديه

لازم ما نستسلمش بسهوله

ونرضى بالمتاح دلوقتى


وحب ما تعمل حتى تعمل ما تحب

وشكرا واسف انى طولت
!!بــ،،ــنــ،،ــوتـ،ـه!!
نايس ليك بجد يااسلام
وانا معاك فىا وجهه نظرك هما فعلا بيكونوا
عايزين ياخدوا الشهاده ويقعدوا فىا البيت مستنيين
بس ربنا قال اسعه ياعبده وانا اسعىا معاك
ازاىا ربنا هيسعىا معاك وانت اصلا مبتسعاش
اسعىا ياابن ادم وصدقنىا ربنا هيكون جمبك فىا اىا وقت وفىا كل مكان
وديما قول يــــــــــًٍَِـــًٍَِـــًٍَِــــــارب...


وميرسىا لمرورك يااسلام..
مفيش فايده
وحتى الشغل لما بيجيى لحد عنده وهو قاعد ف بيته مش بيرضى بالشغل
خد على القاعده
خصلت قدامى والله واحد جاله شغل يقعد على مكتب وكل حاجه حاجه ويقعد يحرق ف سجاير ويشرب شاى

مرضيش ليه متفهمش زى ما يكون القاعده ف البيت عجبته

انا عن نفسى انا لسه طالب ف كليه ف اخر سنه انا ف اول سنه ف الكليه اول ما فكرت انى اشتغل بجد والله لاقيت شغل كتييييييير بس مفيش ناس
هو طبعا مالوش علاقه بدراستى بس دلوقتى انا دلوقتى كبرت وطالب لازم ابدأ اغطى مصاريفى بنفسى
اتعود ازاى اتحمل مسئوليه وبقيت انقى الشغل على مزاجى من كتره



بس فين اللى يعمل كده وينزل يدور ويلف

عشان كده (( مفيش فايدة))
!!بــ،،ــنــ،،ــوتـ،ـه!!
بحييك يااسلام علىا كلامك ومتابعتك للتوبيك

ولك منىا تقديرىا واحترامىا...



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
مى عز الدين تغير اسمها لتصبح فنانة مشهورة لن تتخيل ما هو اسمها الحقيقى
لاول مره سماء المصري تطلق قناه ولكن اسمها غريب جدا ادخل واعرف اسمها ايه ونشاط القناه هيبقي ايه
انتشار البطاله فى المجتمع
حل مشكله البطاله نهائيا

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية