لكل اعضاء وزوار منتدى نجوم مصريه ولكل البنات النهارده جايب لكم طريقه رائعه لتطويل وتنعيم الشعر ومنع سقوطه لان كل البنات يعانون من هذه المشكله فعشان كده عندى لكم وصفه ممتازه لكل مشاكل الشعر يارب تعجبكم
المكونات
جرجير
فلفل اخضر من غير البذر
خص
معلقة قرفه مطحونة
معلقة عسل ابيض
الطريقه:-
تجيبى الخلاط وتضربيهم كويس مع كوب ميه عشان المكونات تنسجم مع بعضها والعسل يدوب كويس
وبعدين صفيه كويس فى مصفى ضيقه او شاشه عشان الشوائب متجيش فى فروة شعرك وضيفى عالميه بتعته معلقة خل تفاح وقلبيهم كويس وبعد ذلك هاتى طبق غويط وحطيه فى الحوض واقلبى شعرك وابدئى حطى الخلطه على شعرك وهتلاقى الميه بتقع فى الطبق تخدى من الى بيقع وتحطى كمان لغاية مالخلطه تتحط كويس ولو اتبقى من الميه فى الطبق حطى اطراف شعرك فيها شويه وبعدين خلى اطراف شعرك مرفوعه على شعرك من فوق وبعدين غطى راسك بونيه بلاستيك او شاور كاب وخليه على شعرك لمده من نص ساعه الى ساعه
وبعدين اغسلى شعرك بالشامبو كويس عشان اى شوائب متفضلش فيه وخاصه القرفه ولو تقدرى اعملى الخلطه دى مرتين فى الاسبوع واتفرجى على النتيجه