السلام عليكم ورحمه الله وبركاته
لكل اخواتى وحبايبى الحلوين اعضاء وزوار المنتدى ولكل عشاق الحلويات النهارده اختكم وحبيبتكم العسولة داليا جيبالكم اجمل طريقه لعمل الكيكه الاسفنجيه ويعتبر هذا النوع من الكيك من الحلويات المحبوبه والمفضله لدى الكبار والصغار واليكم طريقه عمل الكيك الاسفنجيه بخطوات سهله وبسيطه جدا وغير مكلفه
واهم حاجة فى نجاح الكيكة محسن الكيك وبتجبية من عند العطار ومش مكلف خالص وكمان تضربى فى الكيكة براحتك ومتخافيش لا الهوى يطلع وتبوظ
المكونات:-
6 بيضات +كوب سكر مش مطحون+ كوبايتين دقيق + كوب ماء+ فانيليا +معلقة صغيرة بكنج بودر
+معلقة كبيرة محسن كيك
الطريقة
هنضيف كل المكونات على بعضها اللى هى السكر والبيض والمية وتكون دافية والفانيليا ومحسن الكيك واقعدىا ضربى فيها ماترحمهاش لغاية ما تتقل وتملى الطبق ومتخافيش ان شاء الله مش هاتهبط
طبعا لازم مضرب كهربى وطبعا تكونى ناخلة الدقيق والبكنج بودر وتضيفى شوية بشوية وانتى بتضربى بالمضرب على السرعة الهادي وتكونى مسخنة الفرن من قبل ماتشتغلى وتدخليها تقريبا على حرارة 200 او على حسب فرنك التورتة الاسفنجية بتحب الحرارة الهادية بس مش هادية اوى يعنى
واوعى تفتحى الفرن قبل تلت ساعة وتكون فتحة صغيرة ولما تستوى اقلبها على منخل سلك وسبيها تبرد خالص وبعدين قطعيها وذوقيها طبعا كل واحدة وزوقها