الى كل الاعضاء وزوار المنتدى والى كل عشاق حلويات الكيك تعتبر الكيك من انواع الحلويات المفضله والمحبوبه لدى الكبار والاطفال فعشان كده قررت اعملكم كيكتين أسهل من بعض وروعة فى الطعم والشكل وهما كيكة البسكويت بالجيلى وكيكة الكاستر كيك .واليكم اجمل واسهل طريقتين لعمل الكيك بخطوات سهله وبسيطه جدا
اولا :- كيكة البسكويت بالجيلى
المقادير:
3 باكو بسكويت أولكر أو اى نوع سادة ( بسكويت شاى) +كوب كريم شانتية سايب ( او 2 كيس دريم ويب) + علبة كريم كراميل +كوب لبن +1/2 كوب ماء +علبة جيلى - 2 معلقة قشطة أو جبنة كيرى ( وممكن الاستغناء عنهم)
الطريقه
نضع الكريم شانتيه والماء واللبن وبودرة الكريم كراميل وملعقتين القشطة ونخفقهم مع بعض فى الخلاط او المضرب وبعد ذلك ندهن طبقة خفيفة فى قاع البيركس او الصينية المستخدمة والخطوة دى مهمة جدا حتى لا يلتصق البسكويت فى القاع ونبدا فى رص الطبقات وكده نكون وصلنا لاخر طبقة نضعها فى الثلاجة لمدة ساعتين او ثلاثة وبعد كده نبدا نحضر الجيلى كما هو مكتوب على علبة الجيلى نفسها ونسيبة يبرد خالص بره الثلاجة وبعد اما يبرد خالص هنطلع كيكة البسكويت من الثلاجة ونصب الجيلى بالراحة خالص عليها هو هيكون سايل وبعدين ندخلها الثلاجة لحد اما الجيلى يجمد ودا شكلها بعد ما خرجت من الثلاجة
ودا شكلها بعد التقطيع
********************************
ثانيا :- كيكة الكاستر
المقاديـــــر:
3 بيضات + فانيليا + كوب سكر+ 1/2 كوب زيت + 1/2 كوب لبن رايب أو لبن عادى + 2 معلقة كبيرة بودرة الكاستر + كوب ونصف دقيق ينقص معلقتين كبار + معلقة كبيرة بكينج بودر أو كيس
طريقة التحضير
نخفق البيض ونضيف له السكر على دفعات ثم نضيف الزيت وحدة وحدة ثم نضيف اللبن واحدة واحدة ثم بالمضرب اليدوى نضيف الدقيق المنخول مرتين مع بودرة الكاستر والبكيج بودر ونضيف الدقيق شويه شويه مع التقليب بالمضرب اليدوى من فوق لاسفل بخفه حتى ينتهى مقدار الدقيق ونصب الخليط فى الصنيه المبطنه بالدقيق وندخلها الفرن اللى احنا مشغلينه على 180 قبل البدء فى عمل الكيك حتى تنضج وممكن تعملى كاستر بالشيكولاته وتصبيه على الكيك من فوق وممكن تخليها سادة .
. وبالهنا والشفا