السلام عليكم ورحمه الله وبركاته
الى كل اعزائى واخواتى اعضاء وزوار منتدى نجوم مصريه والى كل عشاق الاكلات اللذيذه فالنهارده جايب لكم طريقه عمل صينيه الفراخ بالبطاطس ومقلوبه فلسطينى وتعتبر هذه الانواع من الاكلات المحبوبه والمفضله واليكم اجمل واسهل طريقه لعمل صينيه البطاطس والمقلوبه يارب تعجبكم
اولا:-طريقه عمل صينيه الفراخ بالبطاطس
نجيب الفراخ وننضفها كويس وننقعها بالليمون والملح وبعدين انا بفضل انك تخلى جلدها عشان الدهون الكتير مش صحيه وبتكون افضل وبعد لما ننضفها نتبلها بالملح والفلفل وبعدين نقطع البصل والفلفل الرومى وطماطم بالكميه اللى تعوزيها وبطاطس وكلهم طرانشات واخلطيهم كلهم مع بعض كويس وزودى كوب ميا بس والفراخ حتنزل ميتها وسيبيها على النار فوق ولازم تغطيها لحد ما تشرب ميتها كويس وبعد ما تشرب ميتها دخليها الفرن وكل ده من غير سمن نهااااااااائى وبجد طعمها خرافى وماثرتش عليها خالص
********************************
ثانيا: المقلوبه بشوربه الفراخ
تجيبى شوربه فراخ وتقطعى فيها بصل ترانشات وفلفل رومى ترانشات وبطاطس حلقات واقليها
وطماطم طرانشات وطبعا حمص الشام مسلوق ورز مغسول وعليه كركم وملح وفلفل اسود وبعد ذلك
حمرى البصل فى الزيت ولما يبدا يحمر ضيفى الفلفل والطماطم وسيبيهم يتسبكو كويس وبعدين نحضر الحله اللى حنعمل بيها اول حاجه نحط التسبيكه بتاعه البصل والفلفل والطماطم وبعدها البطاطس اللى قليناها وبعد كده شويه الحمص وعليهم الرز اللى غسلينوا وحاطين عليه الكركم والفلفل والملح وبعدها طبقه باقى التسبيكه وفوقيها باقى البطاطس وعليهم باقى الرز وبعدين الشوربه فى الاخر
(ودى اكتر مكن معيار الرز العادى بكوبايه وممكن تزودى حسب الحاجه) وتحطيها على النار واول ما تغلى وطى عليها وحطى الشياطه ولما تستوى حطى الحله على رخامه بارده لحد لما تبرد واقلبيها بتكون رووووووووعه