لو فى عندك حلم محيرك ممكن تحطه فى الموضوع ده وانا هفسره ليك أنشاء الله وعشان أكون صادق هكون موجود أنشاء الله دائما يوم الخميس والجمعه أما باقى الأيام هيكون على حسب الظروف بس أنشاء الله هكون كل أسبوع موجود وأفسر اللى موجود من الأحلام بإذن الله ولو حاجه مخجله ومش عاوز تقولها أمام الجميع ممكن ترسلها لى على الخاص وأنشاء الله أفسرها ليك فى سريه تامه انشاء الله ....

وأرجو تثبيت الموضوع من المشرف
للأفاده أنشاء الله

تفسير حلمة:انا كنت بامتحان دين وكانو جايبين الي في الامتحان خريطة هلاء انا شفت الثلاجة منقولة من مكانها وقلت بنقل الثلاجة لمكانها اول بعدين بروح احل الخريطة مع العلم حليت معظم اسئلة الدين بس الخريطة ما حليت منها اي شي واشي قلي ارجعي ركزي اطلعي بالخريطة كويس ارجو التفسير بسرعة وجزاك الله كل خير

يارب يتم تفسير الحلم ده
بابا حلم ليا انى بتخطب من شخص بس الشخص دا مش معروف وواقفين كلنا فلاقى زفة كبيرة جاية علينا لاول مرة وكانت جدتى الله يرحمها واقفة بتقلى طعمية وبدنجان وبتعطيه خمسين جنيه ليا بس تقريبا مااخدهاش
وشوية وجت زفة تانية فيها بنت لابسة فستان ابيض وبتقول للعريس منك لله بقى تسبنى بعد اللى بينا وكمان حامل ودعت عليه فبابا قال لماما قومى مش هنجوزه بنتنا وصحى على كده
معلومة:انا اتقرات فتحتى الاسبوع اللى فات بس ماكملتش الموضوع لسبب معين وهو كان خاطب وماقليش سبب فسخ خطوبته الاولى ودلوقتى جايلى عريس وانا عاوزاه

بسم الله الرحمن الرحيم
أناحلمت أنا كنت رايحة مناسبه وكان معايا فستانين سهرة حلوين أوى و كنت محتاره بينهم
الأول كان ملون (زهرى ) والتانى مش فاكرة أوى بس هوتقريبا كان أسود والفستانين كانو مطرزين و حلوين أوى وكنت فرحانة بيهم جدا
المهم قابلت واحدة صاحبتى و قولتلها عالفستانين و كنت عاوزه أفرجها عليهم فروحنا محل فساتين سهرة و دخلت البروفه أأقيسهم و هى كمان أحتارت اوى و قلتلى أختارى اللى أنتى حباه
فتقريبا أختارت الزهرى
أنا عاوزه أعرف التفسير ضرورى لوسمحتم و شكرا

لوسمحتو ردوا عليا

هناك خلاف بينى وبين زوجتى وتركت على اثره الشقه واخذت ابنتنا معها منذ اكثر من3شهور وتطلب الطلاق ولم ارى ابنتى منذ تركها المنزل وقد رأيت رؤيه فى المنام ان اخو زوجتى جاء الى شقتى ومعه بنتى وأخذ يتحدث معى ثم بعد فتره قصيره جاءت زوجتى الى شقتى وجلسنا انا وهى واخوها على السرير واخذنا نتحدث حديث ودى مع بعض وعزمت على زوجتى بلبن زبادى و ابلغتنى انها لسه أكله طبق حلو والدتها عملتها وأخذها أخوها وأكلها ورؤيه أخرى أن زوجتى تضع ملابسى وترتبها فى الدولاب ورؤيه أخرى ان زوجتى تحضر لى ملابسى لألبسها ورؤيه أخرى ان زوجتى تطلب منى فى الموبايل ان احضر عيش وأن عائد فما تفسير هذه الرؤى ؟؟؟؟؟؟؟؟ وهل هذه رؤى وبشرى من الله أم حديث نفس ؟؟؟؟؟؟

عندي اخت حلمت بانها شافت المسيح الدجال