الفيرس اللي موجود دلوقت هوا سلالة جديدة من فيروس كورونا لم يتم اكتشافها من قبل لدى الإنسان والمعلومات الخاصة بكيفية انتقاله وشدة خطورته وتأثيراته السريرية لسه محدودة شوية لأن الحالات اللي تم الإبلاغ عن إصابتها بيه مش كتيرة جداً، يعني لم يصل إلى درجة الوباء
الجدير بالذكر إنه بدأ ينتشر في بعض دول الخليج وشمال انجلترا، وبدأت البلدان تعمل حسابها عشان الناس اللي جايين من الدول اللي ظهر فيها الفيرس
عموما الفيرس أعراضه تشبه أعراض البرد لأنه بيصيب الجهاز التنفسي العلوي وبتكون كحة وحمى وصعوبة في التنفس، في الحالات الصعبة بيتسبب في الالتهاب الرئوي والفشل الكلوي والعياذ بالله
لكن الفيرس دا ضعيف لما بيخرج من الجسم مع العطس مثلا وبيموت خلال 24 ساعة ومع التنظيف والمطهرات بيتم القضاء عليه
ربنا يحفظنا أجمعين