لكل الاعضاء وزوار منتدى نجوم مصريه ولكل عشاق اكلات الفراخ كلنا عارفين طبعا ان الفراخ من الاكلات المحبوبه والمغذيه والمفضله لدى الكبار والصغار واليكم طريقه عمل الفراخ بخطوات سهله وبسيطه وغير مكلفه يارب تنال اعجابكم
المكونات:-
صدور فراخ مخليه + حبه بصل +فص ثوم +ملح + فلفل +زعتر+ سماق +حبهان مطحون
طريقه التحضير :-
تجيبى صدور فراخ مخلية وتفرميها مع بقيه المكونات وبعد الفرم حطى عليهم قطع زيتون اخضر طبعا مخلية من البذر ( او فلفل حسب رغبتك) ومعلقة زيت ومعلقة خل علشان تضيع اى ريحة فى الفراخ دلوقتى هتحتاجى لفويل وحطى فيه عجينة الفراخ اللى عندك ولفيه علشان توصلى لشكل اسطوانة واقفليه من الجانبينوبعد ذلك حطيه فى صينية فيها كوب ماء وحطيها فى الفرن من تحت يعنى فوق النار مباشرة ولما الميه تقرب تنشف ارفعيه على الرف الفوقانى هياخد حوالى ساعة ولو حسيتى بحروقة ممكن تزودى شوية مية
لما تطلع سيبيها تهدا عشر دقائق وبعدين فكى التغليف بتاعها وحطيها فى الثلاجة لحد ما تبرد وقطعيها شرائح
بالهنا والشفا