المقادير:
فرخة مقطعة اربع اجزاء
بصلتين مقطعين
طماطمتين
عصير مقدار زيت وخل
بهارات الكبسة (ملح وفلفل وكمون)
الارز المصرى او بسمتى زى ماتحبى
التحضير:
الفراخ هنقطعها اربع اجزاء وهنحطها في ميه فى حلة عليها معلقتين خل
ونسيبها تغلي لغايه لما الريم بتاعها يطلع ونشيله بعد كده نطفي عليها ونصفيها
هاتى حلة تانية وحطى فيها حوالي ربع كوب زيت وحطى فيه البصل المتقطع وقلبى كويس لغايه لما يذبل ويصفر بعد كده هنحط الفراخ ونقلبها لغاية لما تتحمر
كده نضيف بهارات الكبسة ونقلب كويس ونضيف عصيرالطماطم ونقلب تاني شويه كده
وبعدين ضيفى ميه على الفراخ ونسيبها تستوي ونزود الميه لو قلت لغايه لما الفراخ تستوي ونظبط الملح زى ما بتحبها ملح زيادة او مضبوط ونسيب الفراخ بقى نيجى للرز
اغسلى الرز كويس ونصفيه وكمية الرز زي العادي الي انتي متعوده عليه على اد على الافراد اللى هياكلوا وحطيه الرز في حلة وضيفى شوربة الفراخ اللى اتسلقت فى الاول
لو كانت قليله ضيفى ليها شويه ميه المهم انها تغطي الرز ونسويه زي الرز يعني لما الميه تنشف نوطي النار عليه خااالص لغايه لما يستوي وحطى عليه عند التقديم مكسرات وزبيب وممكن الاكتفاء بالزبيب فقط والفراخ طبعا
وبالهنا والشفـــــــــــا