تعالوا شوفوا طريقــــــــــة عمل الكيـــــــــك بالشوكولاته

جيبالكم النهاردة طريقة عمل الكيك بالشوكولاتة ونصيحة عشان متهبطش منك لازم يكون الفرن علي درجة حرارة متوسطه مينفعش يكون بارد ومتفتيحيش الفرن كذا مرة لا بتفتحى مرة واحده وبعد 15 دقيقة وكمان الدقيق لازم يكون مظبوط عشان لما تطلع من الفرن متبقاش زي السفنج وتنزل الهوا .


نبدا فى التحضير :-
المقادير :
 كوب زيت
 كوب سكر
 كوب لبن او كيس لبن نيدو الصغير
 4 ملاعق كبار كاكاو بودر
 بيضة
 فانيليا
 كوب دقيق
 كيس بيكنج بودر
التحضير :
فى البداية جهزى الفرن على درجة حرارة ومتوسطة وبعدين اخلطى الزيت والسكر واللبن والكاكاو واضربيهم كويس وبعدين خدى من الخليط ده 3\4 الكوب واتركية جانبا ده الصوص وبعدين ضعى علي الكمية اللي في الخلاط البيضة والفانيليا واضربى وبعدين حطى البيكنج بودر والدقيق تكونى نخلاه واضربى كويس بالمضرب تمام كده هاتى صنية وادهنيها سمنة او زيت وتبطنيها بالدقيق وحطى الخليط وبعدين تدخليها الفرن ومتفتحيش عليها الا لما تحسى انها استوت وبعد ما تستوى حطى عليها الصوص وسبيها فى التلاجة شوية وبالهنا والشفا .

الكمية دى تكفى 12 شخص .

وقت الطهى : 35 دقيقة