نجوم مصرية
منتديات نجوم مصرية منتديات شباب وبنات منتدى طلبة جامعات مصر



تابع نجوم مصرية على أخبار جوجل




تعليم الانجليزية بطريقة صحيحة .. تعلم نطق الانجليزية .. تحدث الانجليزية بطلاقة

 

تعليم الانجليزية بطريقة صحيحة هى احد اهم اهداف الشاب الناجح الباحث عن عمل او الذى يسعى من اجل منحة دراسية او يعد دراسات عاليا .. لماذا تحتاج ان تعلم الانجليزية بطريقة صحيح
عزيزى القارئى زائر وعضو منتدى نجوم مصرية لو فاكر ان الانجليزى الى كنا بنتعلمه فى المدارس ده انجليزى صح تبقى واهم .. انا كنت زيك يا عزيزى وطبعا مين يقدر ينسى اسطورة ال B الخفيفة و P التقيلة ... علشان ابقى معاك صريح الكلام ده هجص اساسا مفيش حاجة اسمها تقيلة ولا خفيفة .. ليه هى طماطم بنوزنها .. ما علينا
اللغة هى مهارة تحتاج الى تعليم و ممارسة صحيحة .

طيب سؤال هو انت هاتحتاج تتعلم اللغة الانجليزية بطريقة صحيحة ليه؟



[ALT="تعلم نطق الانجليزية"]http://s4.postimage.org/aisqkskwd/engo.jpg[/ALT]
بص ياباشا
انت هاتحتاج تتعلم انجليزى علشان

1-

لو انت شاب وبتبحث عن وظيفة

فى كثير من الشركات الكبيرة هاتلاقى نفسك لابس فى مقابلة عمل بالانجليزى يعنى هاتعمل الانترفيو بتاعك بالانجليزى

2-

لو انت ناوى تهاجر

وتهج من البلد بالطبع هاتحتاج اللغة الاكثر استخداما فى العالم وهى اللغة الانجليزية ولا انت هاتروح هناك تشاور ولا هاتكتب على ورق كوتشينة زى احمد زكى فى النمر الاسود

3-

لو انت طالب دراسات عاليا

وبتبحث عن منحة دراسية طبعا محتاج التويفل وخلافه علشان تقدر تفوز بالمنحة الدراسية

4-

لو محتاج انجليزى

و مش تبع ال3 الى ذكرتهم قبل سابق


طيب هانتعلم الانجليزى ازاى ؟




اى لغة فى الدنيا عبارة عن
كلمات ( كتابة وقراءة) + محادثة ( استماع ونطق ) = لغة
كلما ذاد عدد الكلمات الى انت عرفها كلما ذادت قدرتك فى اللغة
القراءة المهم فيها انك تقدر تقراء السطر وتفهم هو عايز ايه ..
المحادثة .. دية بقى بستخدم لسانك وودانك فيها وهو تجيد الاستماع وتقدر تفسر الكلام الى بيتقال .. يعنى يا وحش تقدر تتابع الفيلم الاجنبى من غير ترجمة وطبعا انت زى الفل .. اما بقى النطق فهو انك تجيد نطق الحروف و الكلمات الانجليزية .. اه بقى الكارثة الى عندينا فى التعليم كانت فى فى النطق و الاستماع .. طبعا حفظ الكلمات مكانش فيها مشكلة وانا هنا هاركز على الموضوع ده .

بص ياباشا
انا اولا الطريقة دية علمهالى مستر مصطفى عوض مدير شركة اميكو للسياحة فرع الاقصر وليه الفضل فى ذلك ..

1-استخدم القواميس انجليزى / انجليزى

.. طيب هاتقولى ياعم انت كلمة مش عارف معناها ازى اشوفها فى قاموس انجليزى انجليزى .. ما هو ده السر ياباشا ..دلوقتى انت لما تستخدم قاموس زى بتاع اكسفورد او لونج مان الى بيتوزع علينا فى اعدادى او ابتدائى ده يباشا بيوصلك معنى الكلمة بامثلة انجليزي علشان يحسسك بالكلمة وكمان بيكتابلك طريقة نطقها .. اه لانه فيه حروف النطق

[ALT="قاموس انجليزى"]http://s4.postimage.org/haj5nn9vx/foreign_language.jpg[/ALT]

2-لازم تتعلم حروف النطق

.. اه فيه حروف للنطق وانا عن نفسى اتعلمتها من خلال موقع ال BBC شروحات جامدة .. اه الرابط http://www.bbc.co.uk/worldservice/le...r/pron/sounds/ اه هنا يابشا فيه 44 حروف نطق وليهم طريقة كتابة وطريقة نطق .. والشروحات بالفيديو ورائعة وبتمارين تخليك لبلب انجليزى وهاتقدر تستخد القواميس الانجليزى الانجليزى
تابع نجوم مصرية على أخبار جوجل


[ALT="تعلم الانجليزية"]http://s4.postimage.org/alcm7mojx/bbc.png[/ALT]


3-الممارسة

.. طبعا لازم تمارس اللغة علشان تزيد مهارتك خصوصا مهارة الاستماع والنطق و المهارات دية مفيش مشكلة .. طيب ازاى يا عم الحج .. الاستماع استمع مثلا للاخبار فى قناة زى ال CNN او Dubai One الانجليزى بتاع القناة دية ممتازة و النطق ده اتصاحب على انجليز او امريكان بلاش جنسيات اخرى على السكاى بى او جوجل بلس واتناقش فى الموضيع التى تخص مجالك وطبعا هاتنطق الكلام طبعا فى الاول غلط وهو مش هايفهمك و هاتحول مرات لغاية ما تتعلم و تحسن من مهارتك

الموضوع مفتوح للنقاش وها حدثه كل فترة باذن الله






المقال "تعليم الانجليزية بطريقة صحيحة .. تعلم نطق الانجليزية .. تحدث الانجليزية بطلاقة" نشر بواسطة: بتاريخ:
%u0632%u0627%u0626%u0631
افكار قيمة وخدمة عظيمة ومفيدة



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
تحدث الانجليزية بطلاقة وجميع اللغات واحترف الكمبيوتر فى ibi

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية