كتير من الشباب والبنات تتعرف على بعض عن طريق الانترنت الموضوع يبدا بصداقة عادية جدا وكلام عادى بعد كدة يتعودا انهم يكلمو بعض بعد كدة تبقى اكتر من تعود وفجاة يعترفلها بحبه وكتير من القصص سمعنها شبه كدة وفى الاخر ينتهى الموضوع لاىسبب ممكن الظروف او المشاكل او احنا مختلفين اهو حجة وخلاص يا جماعة الحب عشرة ومواقف انما المحادثات من النوع دة مش الاساس اللى يبنى عليه حب قوى وصادق مش بس اننا نعجب اى نحب شخص عن طريق كلام مكتوب ليه نسمح لحد انه يلعب بمشاعرنا عن طريق كلام صوابعه بتكتبه ممكن يكون اللى بتحبيه كويس والى بتحبها كويسة طيب هتقولى لاهلك عرفتيه منين ؟؟؟؟؟ وانت كمان هتقولهم ايه ؟ هتبقى متردد تكلمهم لانك حاسس ان علاقتك بالبنت اللى المفروض بتحبها علاقة سرقة ونفس الكلام بالنسبة للبنات . طيب بالنسبة للبنات لو حد غريب متعرفيهوش اتصل عليكى على التليفون وكان طالب اى رقم هل هتتكلمى معاه ولا هتقوليله الرقم غلط وهتقفلى السكة ؟؟؟؟؟ والشات نفس الكلام انتى بردو متعرفيهوش بس الفرق ان فى الشات بتتكلمى مع حد متعرفيهوش انتى بس بتتكلمى مع كلام مكتوب واحب اقول للبنات والشباب انكو سهل جدا انك تقع فى الحب وعشان منظلمش الشباب او البنات خلو بالكو ولو فعلا الولد بيحبك اديه رقم والدك لو بيحبك زى ما بيقول هيبان وهيثبتلك انو عايز علاقتكم تكون فى النور ولا مش بيحبك او ان الكلام اللى قاله مجرد كلام مكتوب من الكيبورد مش من قلبه هيتحجج باى مشكلة او ظرف وهينهى علاقته بيكى ومش هيكمل معاكى .

.
.
.

جزاك الله خيرا
وشكرا لك على الطرح المميز