مقادير الطبقة الاولى:
بقايا الكيك
او ممكن صنع كيك عادي ب:2 بيضات ـ نصف كاس ديال الزيت ـ السكر علا حسب الدوق ـ فاني ـ خمارة ديال الحلوة ـ و الدقيق باش تجمعو الخليط و تدخل طيب في الفران المهم تكون طبقة رقيقة ماشي منفوخة بزاف
عصير الليمون لسقي الكيك
مقادير الطبقة التانية :
3 ملاعق كبار ديال الكاسترد
نصف لتر من الحليب
السكر حسب الدوق
الا متوفرش الكاسترد ممكن استعمال كريمة باتيسيير
مقادير الطبقة التالتة:
فواكه مشكلة
مقادير الطبقة الرابعة :
علبة فلان كريم كراميل
ماء
طريقة التحضير:
اخدو بقايا الكيك و نطحنوهم مزيان تم نفرغوه في مول كيتحل من الجنب و نضغطو عليك شويا باش ميتفرتتش
تم كنسقيو بعصير الليمون
ناخدو الحليب و نديروه فوق البوطة باش يغلا مع السكر
و ناخدو الكاسترد و نضيفو ليه 4 ملاعق ديال الحليب و نخلطو مزيان
ملي يفيض الحليب كنحيدوه من فوق العافية كنضيفو ليه خليط الكاسترد مع التحريك بسرعة لانه دغيا كيتقال
تم كنضيفوه علا الكيك و نبسطوه جيدا تم كندير طبقة من الفواكه المشكلة كل وحدة و الرغبة ديالها ولي متوفر عندها
م كناخدو الفلون و نزيدوه لكاس ديال الماء و نديروه فوق البوطة باش يغلى
تم نفرغوه فوق الفواكه و ندخلوه بسرعة للفريكو واحد خمسة ديال الدقايق باش يقساح الفلون واحد الشوية و ميتقلعوش الفواكه من بلاصتهم
وهاهو وجد بالصحة و الراحة