اصعب لحظه ممكن يمربيها انسان هي لحظه الفراق

بجد يا جماعه انا كرهت جدا كلمه فراق لاني حسيت بمراره الكلمه دي اوي

مرتين حطم الفراق قلبي والفراق ده مليش اي ذنب فيه ولا الطرف التاني ليه ذنب

هي هتتجوز وتسافر وكل ده في خلال شهرين

محدش يتخيل مدي الصدمه اللي كنت فيها لما سمعت منها انها هتتجوز خلال شهرين

وانا يمكن ذنبي اني حبيت بكل مشاعري

و الانسانه اللي بحبها كل ذنبها انها سمعت كلام اهلها وده يمكن مش عيب فيها

ممكن يكون تأثير اهلها عليها اقوي من حبها ليا

انا اسف يا جماعه اني بشيلكم همي بس مشلاقي حد اتكلم معاه غيركم

واتمني اني الاقي حد يسمعني لاني بجد شبه متدمر

اعذروني

اصعب حاجة فى الدنيا لحظه الفراق بين حبيبن خاصة لو بيحبو بعض جدا

الله يكون فى عونك بس اعذرها هى اكيد مش هتقدر تقف قدام اهلها

واكيد لو ليك نصيب فيها الظروف كلها هتتغير

واقول يارب وامورك كلها هتتحل ان شاء الله

شكرا يا سونا علي ردك

وشكرا اكتر علي اهتمامك

حاسه بيك وهى الله يكون فى عونها من الاهل صعب وانا جربت الموقف ده هى اكيد مش حاسه حاول تعذرها وتنساها وانت ان شاء الله ربنا يرزقك بحب يستمر العمر كله وبدون فراق

شكرا يا كوكي علي مرورك ورايك

أكيد ياأحمد هيه كمان بتحبك
وبعدها عنك غصب عنها
وأكيد انت اغلى انسان عندها
هيه ممكن تكون ضعفت
بس أكيد هيه غصب عنها ممكن تكون اتحطت فى موقف
صعب ............ صعب اوى
وأكيد هيه بتتمنالك الخير
وربنا يوفقك فى حياتك ياحمد

شكرا يا سلمى علي ردك

واحب اقوللها انها هتفضل في قلبي طول عمري وبجد انا كمان بتمنلها الخير

واحب اني اسمع عنها كل خير وتبقي اسعد انسانه في الدنيا كلها

احسن حاجة فعلا ياحمد انك قلت تتمنلها الخير
يبقى انت فعلا بتحبها وقدر ظروفها لان اى بنت مبيبقاش فى ايديها حاجة
تعملها قدام اهلها بجد وربنا يوفقك ويوفقها

شكرا يا جولييت علي مرورك

وبشكرك علي ردك الجميل

لعلمك يا روميو هى بتحبك بس ضغط الاهل أنا بتهيقلى أنى عرفاها
هى مش بأيدها حاجه لعلمك كل البنات مش بأيدهم حاجه ربنا معاك ومعاها

شكرا يا اسيره علي اهتممامك وعلي رايك

بس انتي تعرفيها ازاي

بقولك حاسه أنى أعرفها يمكن ذكاء منى
أو غباء أوى ودماغى راحت لبعيد

لا أكيد ذكاء

ع العموم ممكن تطلع صح او غلط

بشكرك علي مرورك يا جميل

صديقى الغالى...احمد...علمتنى الحياة ان لا احزن على ما ضاع منى...ولا افرح لما جائنى....هكذا هى الدنيا ...فليس كل ما يتمناه المرء يدركه...قد يكون ما ضاع منى هو اغلى شىء فى حياتى...لكننى لن استطيع ان اعاند الظروف ..لانها اقوى منى.....وانت عزيزى الغالى تعيش تجربة قد تكون صعبة للغايه ...فيما يبدو انك قد احببت بعمق ...لان من لا يحب بعمق لا يمكن ان يترك ذلك الحب اثرا عليه ولا حتى يحزن على فواته...مؤكد ان هناك ظروف قهرية تحول بينك وبين حبيبتك...مؤكد ان حبيبتك تحبك مثلما احببتها...لان من يعرف ذلك القلب الوفى لا يستطيع الا ان يحبه....ولكن ...دع الايام تفعل ما تشاء وطب نفسا اذا حكم القضاء.....سوف تعانى فى البداية ...وقد لا يزول ذلك الحب من قلبك ...الطريق امامك طويل وسوف تمر بتجارب كثيرة....وحسنا ما فعلت انك تمنيت لها الخير...ومؤكد انك سوف تسعد بسعادتها....نصيحتى اليك اخى الحبيب ان تقطع اتصالك بها حتى لا تعذبها وتعذب نفسك....وتاكد انها لا يجب ان تحدث شخصا اخر وهى على مشارف الزواج ان كنت تتمنى لها الخير فعلا...يجب عليك كانسان نبيل ومحب وعاشق ان تتركها لحياتها الجديدة...وسوف تمر بك الايام وتتذكر هذا الحب وهذه اللوعة وتضحك من نفسك......اكان ذلك حلما...ام اننى كنت اهذى.........ارق امنياتى....وعايز اشوفك دايما بخير...

اولا يا ابراهيم انا سعيد بردك لانك من الشخصيات اللي الواحد بيتمني يسمع نصيحتهم

فعلا يا ابراهيم احنا اتفقنا اننا نقطع الاتصال وهي اللي بادرتني بالكلام ده

وزادت في نظري لما لقيتها بتدوس علي قلبها عشان توفي للانسان اللي ملوش ذنب وهيرتبط بيها

طبعا تعبت كتير وانا ببعد بس لاني حاسس انها هتبقي سعيده ارتحت نسبيا

يمكن عشان حبيتها اكتر من نفسي

وانا ان شاء الله هركز اكتر في شغلي ومستقبلي

وبجد بتمنالها الخير والسعاده

شكرا يا عصفور المطر

معلش ياأحمد حاول تنسى
علشان تقدر تكمل حياتك
وياريت متندمش ابدا فى يوم على الحب ده
علشان تقدر تحب تانى بنفس مشاعرك الجميلة دة
وياريت تفتكرها ديما بكل خير ومتزعلش منها
كتير الواحد بيعمل حاجات او بيقول حاجات غصب
عنه بس بيبقى لازم يقولها او يعملها حتى لو هيتجرح بعدها
او هيندم

معلش لو طولت عليك

اولا يا فيروز انا بشكرك علي ردك

واللي بيحب مايكرهش ابدا اللي بيحبه

انا والله بتمنالها السعاده حتي لو مع انسان تاني

ومقدر ظروفها وضغط اهلها عليها

وبجد يا فيروز نورتيني

انسى ولسه الدنيا ياما فيها

شكرا يا محمد علي مرورك