لكل اخواتى اعضاء وزوار منتدى نجوم مصريه ولكل محبى التورته النهارده عندى لكم نوع من الحلويات اللى معظم الكبار والاطفال بتحبها وهى طريقه عمل تورته الفواكه بالخطوات وبطريقه سهله وبسيطه جدا وغير مكلفه ويارب تنال اعجابكم
المكونات
عدد10 بيضات بلدى او مستورد
1/2كوب سكر بودره منخول ناعم..
عدد 2 كوب دقيق
فانيليا
طريقه التحضير
جيبى اناء وضعى فيه البيض والسكر والفانليا واضربى بالمضرب الكهربائى وبعد ذلك ضعى الدقيق
بخفة شديده على حوالي خمس دفعات وبعد ذلك صبى الكيك في قالب مناسب..بعد دهنها بالسمن و الدقيق. ودخلهيا في فرن ساخن ثم نهدئ عليها النار حوالي 50 دقيقه ثم نطفئ الفرن و اتركهيا بداخله عشان لما تقابل هواء بارد مباشرة بتهبط فنتركها حوالي 20 دقيقه ثم اقلبيها على منخل سلك..
لتزين التورته
شرائح خوخ. + كريز اخضر.+ فراوله مغطاه بالشيكولاته السائلة + شرائح تفاح + كريم شانتيه ابيض و بالشيكولاته + ثلاث اصابع من بسكويت الشيكولاته او جلاكسى فلوتس+ رقائق جلاتين للتلميع ان لم يتوفر لديكم ممكن تستخدمى جيلي
ثم بعد ذلك قسمى الكيك نصفين ونضيف الكريم شانتيه الابيض..
وغطى التورته اولا بالكريمه البيضاء و بعدين اعملى طبقات من الخوخ و التفاح و الفراوله..و اهم شيء عشان التفاح لا يسود و ضع الجلاتين عليه حتى يحميه من الهواء..
شكل التورته النهائى اعلى