السلام عليكم ورحمة الله وبركاته
أعضاء وزوار المنتدى الكرام من الملاحظ انه بمجرد ارتفاع اسعار كروت الشحن من جميع الفئات انطلقت العديد من بوستات وصور تسخر من هذا الوضع الجديد الذي فرضته شركات المحمول الثلاث على الشعب المصري الذي أصبح غير قادرا على تحمل المزيد من الغلاء في اسعار السلع و الاستغلال الواضح من شركات المحمول والتجار للأزمة الحالية في مصر واليكم أجمل ما كتب عن هذا الموضوع من بوستات اساحبي والصفحات الأخرى و فن المصريين في السخرية مما يتعرضون له من ازمات
من صفحة اساحبي
إتصلت بخدمة عملاء فودافون بقوله أنا نزلت أشترى كارت شحن ب 10 ..لقيته ب 13 ليه ؟
قالى لأ يا فندم الزياده 15 % يعنى 11 ونصف
قولتله ليه بردو طيب ؟
قالى دى ضريبه إحنا كنا بندفعها عن المشتركين للحكومه
قولتله إنت شخص كذاب ..وأنتم شركه نصابه...قولى ليه ؟ سكت ..قولتله بقولك قولى ليه ...قالى ليه ؟
قولتله لأن الضريبه اللى بتتكلم عليها دى أنتم بتاخدوها 50 قرش كل شهر ومطبقه من فتره والكلام دا أنتم قولتوه ساعتها
يبقى إنت مش عارف بتقول إيه يا إما بتتعمد تكذب
قالى يا فندم لأ دى ضريبه تانيه الحكومه مزوداها
قولتله كذاب بردو .. لأن ضريبة الحكومه 3%ولسه ما إتطبقتش ..لكن أنتم رفعتوا 15 %
يعنى إنت كذاب تانى وشركتك شركه نصابهوحراميه وبتستغلوا الشعب
وإحنا مش هنسكت ...ولو فاكرين غير كدا تبقوا لسه مفهمتوش
وياريت لما تكون مش عارف ما تبررش للشركه وتسمع كلامهم وتكذب بالنيابه عنهم
قالى يا فندم فى بيان على الموقع بخصوص الموضوع
قولتله كذاب للمره الثالثه أنا فاتح الموقع ومفيهوش بيانات
قولتله أنا عارف إنك خدمة عملاء وملكش ذنب
بس ياريت توصل الكلام دا لمديرك ...هترجعو فكلامكم بمزاجكم أو غصب عنكم
وياريت ما تكدبش تانى بقى
