نجوم مصرية
منتديات نجوم مصرية منتدى التسلية والترفيه نكت مصرية



تابع نجوم مصرية على أخبار جوجل




نكت فظيعه جدا تموت من الضحكك

 



اعضاء وزوار منتدى نجوم مصريه النهارده عندى لكم اجمل واحدث نكت 2013 تفطس من الضحك يالا بينا نبدا النكت عشان تضحكوا و تنبسطوا ويارب النكت تنال اعجابكم



واحد بلدياتنا واقف بيقلع هدومه فى ميدان التحرير .ولما الناس سألوه بتعمل ايهقالهم اصل الكمسرى قالى عشان اروح شبرا لازم اغير فى التحري

* مرة دكتور تحاليل أمه ماتت قال : تحاليلى يا أمه .
* مرة فار فشار شاف جثة اسد قعد يجر فيها لغاية ما وصلها الغابة المهم الحيوانات كلها قعدت تهتف وتقول عاش الفار ، راح الفار رفس الاسد برجله وهو بيقول انا لما اتعصب ما برحمش .


* مرة ثلاثة فشارين راحوا الجبل واحد اعمى و واحد اطرش وواحد اقرع الاعمى قال انا شايف النملة التى فوق الجبل و الاطرش قال انا سامع دبتها والاقرع قال أنا شعرى وقف من كتر الكدب .

* مره اثنين بيفشورو علي بعض الاول بيقول الي الثاني تتصور ماما جابتلنا حله وسعها 10 فدان الثاني قوله ايه يعني انا ماما جابتلنا باميه طولها متر الاول قام قاله بتطبخوها فين دي قله في حله امك .

* مرة اتنين أغبيا عندهم حصانين .. فكانوا عايزين يعلموهم علشان ما يتلغبطوش بينهم .. الاول قطع ودن حصانه وراح قال للتاني، فالتاني قاله الله يخرب بيتك انا بردك عملت كده .. فالاول راح فقع عين حصانه ، و راح قال للتاني, فالتاني قاله الله يخرب بيتك انا بردك عملت كده .. فالاول قاله انت هتصدعنى في دماغي .. خدت انت الحصان الاسود وانا الحصان البيض .

* اتنين حشاشين قاعدين مسطولين فيهم واحد فشار قال لتانى تصدق عارف مين الكان قاعد معايه امبارح قاله مين أبو لهب و أبو جهل فقاله ياراجل دول ماتوا من زمان قاله طيب اسئل ابنى احمد قاله يااحمد قاله نعم يا بابا قاله مين الكان قاعد معايا امبارح قله والله مش فاكر بس العر بيه الكانت واقفه كان مكتوب عليها ملاكى قريش .

* واحد منحوس خبطته عربية ومات فروحه طلعت خبطتها طيارة .

* اتنين حراميه دخلوا بيت واحد منهم دخل البلكونه ، شوية وصاحب البيت دخل عليه فقالوه انت بتعمل ايه هنا؟ .. قاله انا كنت بحارب اليهود بالطياره و بدمر فيهم ، لحد لما طيارتي عطلت و انا نطيت بالبراشوت و نزلت في بلكونته . ..قاله ايوه كده تعجبنى ، مش التاني اللي قاعدلي في البانيو و بيقول علي نفسه من الضفاضع البشريه!

* مره واحد فشار قوي بيقول لصاحبه انا كنت ماشى فى الصحره طلع عليا اسد نطيت في البحر،صاحبه قاله بحر ايه بس اللي فى الصحرا، قال لا انا قلت لقيت ابو الهول اتشعلقت فى رقبته، صاحبه قاله وايه اللي جاب ابو الهول في الصحرا، فقال وانا ماشي فى الصحرا طلع عليا اسد أكلنى.. ارتحت .

* مرة إتنين مساطيل واحد بيقول التانى هما القدماء المصرين بنوا الهرم فى اد ايه .. قاله 50 سنة قاله ياه ليه ؟ قاله اصل كل ما يرصوا حجرين الحكومة تكبس عليهم

* واحد ال للدكتور والنبى انا عايز اتعالج عندك قاله خير يا ابنى قاله كل مبكلم اى حد فى اى موضوع بنسى الكلام الى انا قلته قاله هى الحالة دية بتجيلك كل اد اية قال له حالة ايه
.
* صرصار في العنايه المركزه بيسال صرصار جمبه بيقولو بيرسول ..؟ قالو لا فردة شبشب .
* الراديو:والاعب بيشوط بمشط رجله ياه بتيجى في المقص صبي الحلاق:إلحق يا معلم بيلعبوا في العدة .

* واحد غبى حط إيده في جردل فيه مية نار فحس ان صباع من اصابعه ناقصة .. فحط رأسه في الجردل عشان يدور عليه .


* دكتور اسنان كان مصاحب شله وخلع منها .

* اتنين زهقوا من التأليس عليهم فسافروا الهند.أول مانزلوا من الطائرة لقوا الهنود بينحنوا عشان يحيوهم فواحد منهم سأل الثاني هما بيحترمونا كدة ليه ؟ قال له أصلهم هنا بيعبدوا البقر.


* واحد حانوتي ربنا فتحها عليه و فتح محل فكهاني .. كل يوم في المحل يقعد ينادي :
المووووووز علينا حق !!!


* واحد غبى حط إيده في جردل فيه مية نار فحس ان صباع من اصابعه ناقصة .. فحط رأسه في الجردل عشان يدور عليه .


* واحد سباك راح للدكتور (يكشف):الدكتور ال مراته الحوض مكسور ال له مش المهم الحنفيه شغاله
.
* واحد بيسأل الحلاق ايه الراس الوحيده الي ما حلقتش للها قاله راس السنه
.
* مره حرامى سرق فرخه وراح يكله على شط النيل فشافه عسكري وقل له مسكتك ياحرامى الفراخ ، والريش جنبك اهو … فقال له الحرامي لا ياشاويش دي نزلت تستحمى وقالت لى خلي باللك من
هدومي .


* مرة اتنين في كلية هندسة عايزين يبقوا مهندسين واحد راح المهندسين والتاني مدينة نصر .
* مساطيل قاعدين بيصيدوا جراد، عدّت من فوقيهم هليكوبتر .. واحد منهم قال جت أمهم .. استخبوا استخبوا .
الزوجه لزوجها : ياريتنى جريدة عشان اكون فى ايدك كل يوم الزوج: ياريتك نتيجة اغيرها كل سنة .

* مرة ظابط اتجوز مدرسة خلفوا سلاح التلميذ
.
* واحد حب يوصل بلده بسرعة ركب القطر وقعد يجرى فيه ,

* مرة واحد بلديتنا نزل في محطة الرمل رجله غرزت .

واحدة قالت لجوزها عايزين ندبح خروف بمناسبة 25 سنة على جوازنا قام قالها و ايه ذنب الخروف فى غلطة ارتكبها حمار

* مره واحد دخل على مراته لاقاها بتخونه مع واحد من أعز اصحابه قام قتله..
قالت له غبى بالطريقة ده ح تخسر كل اصحابك


* واحد صعيدي الدكتور كشف عليه قاله عندك سرطان في المخ قالو لاحول ولا قوة الا بالله ومنين جالي المخ بس يادكتور
تابع نجوم مصرية على أخبار جوجل



* مرة في واحد متدين وفي مزيعة عملت معاه لقاء وفي أخر اللقاء سألتو بتحب تسمع ايه.....قالها عاوز مقطع من اذان المغرب

* واحد محشش مسكتة دورية قالتلوة اركب قال لا شكرا البيت قريب

* مره واحد عدى على واحد صاحبه بخيل اوى...... لقاه حاطط ايده على عين الشمال وبيبص بالتانيه... بيقوله مال عينك ؟ قالوا م انا شايفك بواحده . اشغل التانيه ليه!

* واحد !!! سكران كان بيعاكس وحدة وحشة اوي بالليل..كان بيقول لها يا وحشة يا وحشة..قالت له يا سكران قال لها طب انا سكران حفوء بكرة وانتي

* مجانين حط لهم الدكتور أغنيه ... قامو يرقصو الا واحد !! قال له الدكتوور ليه مش بترقص قال اصل انا العروسة

* ولد صغير بيقول لـ مامته .. بتضربينى ليه يا ماما .. هو انا بابا

* غبى لقى أتوبيس مكتوب عليه السيدة زينب - قلع الجزمة و ركب

* مره واحد مقاول دماغه صدعت جابلها قرار إزالة

* بلديتنا رجع من السفر لقى الشقة مليانه صراصير.. غير قفل الباب

* ظابط مرور لقى شقته ديقه عملها إتجاه واحد

* حشاش فتح محل كتب عليه نجارة الاقمشة الكهربائية لحلاقة
الاحذية الطازجة

* واحد غبى بيسال واحد صاحبه:النهارده السبت وللاالحد
قاله:الاتنين
ليه هما ضموهم امتى



المحشش والجن
محشش عايز يستأجر بيت ونصحوه لانه فيه جن يخوف
بس ما سمعش كلامهم واستأجره
جا الليل .. قام الجن و قال لزمايله هطلع اخوفه
طلع الجن و قعد جنب المحشش وقاله ممكن سيجارة ؟
بص له المحشش وقال إتفضل
نزل الجن عند زمايله وهو متغاظ وقالهم ما خافش ؟؟؟
رجع الجن نتف نفسه وخلى الدم يشرشر من جلده وطلع عند المحشش وقاله ممكن سيجارة؟
بص له المحشش وقاله إتفضل
انجن الجن ونزل لزمايله وقالهم المره دى هموته من الرعب ....
قام شال عينيه ولف راسه وكسر ايدة وطلع عند المحشش وقاله ممكن سيجارة ؟
بص له المحشش وقاله إتفضل
هنا الجن طلعت فى راسه نخله وطار عقله ونزل تحت وبهدل نفسه بهدلة
وطلع العامود الفقرى وخلى جلده مشرشر وقلب عيونه وطلع عند المحشش
وقاله : ممكن سيجارة ؟!
بص له المحشش وقاله :
مش ملاحظ أن التدخين عمال يدمر
فى صحتك







المقال "نكت فظيعه جدا تموت من الضحكك" نشر بواسطة: بتاريخ:
نكت-حشيشا
هههههههههههههههههههههههههههه
احسنت تم التثبيت
الدكتور لؤى
هههههههههههههههههههههههههههه
احسنت تم التثبيت
شكرا لك اخي الكريم



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
نكت تموت من الضحك نكت 2013-2014 مضحكه جدا تموت ضحك
بنات القناطر تستغيث ـ وسط حاله من الصراخ الهستيرى "انا بموت .. انا بموت" ـ اليكم التفاصيل
شاهد صوره شيرين وراغب علامه التي تثير الشكوك حولها وشاهد راغب علامه وحواليه محموعة من البنات بطريقه فظيعه
القصر الاكثر رعبا وغموضا فى مصر , ملف شامل صور ومعلومات فظيعه
نكت فظيعه عن الغباء جامده طحن

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية