انا حقول لك على طريقة تخلى الارز عمره مايعجن منك
اولا لازم تظبطى كميه الميه
نوع الارز برضه هو متحكم فى المياه
نوع الشعريه وكيفية تحميرها
نبداء بالمياه لازم تغطى الارز وتزيد حوالى نصف عقلة اصبع عنه
الارز اذا كان طويل الحبة انقعيه ربع ساعة فى مياه مغليه واشطفيه بعد كده وصفيه
لوالارز كبير ومدور شويه ده عاوز الانتباه له اثناء الطهى ويضاف اليه المياه فى المنتصف السوا وقبل النهايه علشان يكون تام النضج
الارز العادى وده اللى حتكلم عنه النهاردة
المقادير كيلو رز
ربع كيلو شعريه نوع كويس
2 ملعقة سمن و2 ملعقة زيت ذرة
ولو مش بتسخدمى السمن يبقى 5 ملاعق كبيرة زيت درة
ملعقة كبيرة ملح
الطريقة
اولا الحلة التيفال من اساسيات نجاح العملية
نسخن الزيت فى الحلة وبعدين نضع الشعريه ونحمرها لغايه ما لونها يبقى دهبى شويه ومش اصفر ولا بنى مفهوم يا بنات
وبعد كده نضيف الارز يكون مغسول كويس ومصفى من الميه خالص خالص
ونقلب شويه وبعدين نضيف معلقة الملح ونستمر فى التلقليب لغايه مانحس ان الارز اخشن فى الحلة وكمان كله اتوزع فيه الماده الزيتيه اوكى ساعتها بقى نضيف الميه تكون مغليه ولازم زى مقلت تغطى الارز بالكامل وزيادة حاجة بسيطة ونقف ونغطى الحلة كويس ونقف جنبه لغاية ما يغلى ويبداء يتشرب الميه
اول ما يشرب ميته نضع الشياطة تحته ونوطى النار عليه جدااااااا
وبعد 6 دقايق نقلب الارز نفتح الحلة ونلقب الارز بهدوء ونضع فنجان مياه مغلى فى الوسط ونغطى الحلة باحكام اهم حاجة تغطية الحلة ونتركه حتى تمام النضج وبالهنا والشفا