|
اكيد كلنا بنعمل في المطبخ يوميا الاكل وبعدين المواعين وتنظيف الارضيه وكدا تمام اوي لو توصلنا لده يوميا لكن مع الوقت الحيطان بتتوسخ من الزيت والدواليب والادراج بتتكركب وبيكون المطبخ عجز خالص منك وعلشان ترجعيه بيلمع اول حاجه تخلصي اكل ليومين من بدري وتدخلي علي المواعين بالكامل وتخلصيها وتفضي الدواليب والادراج من الحلل ومن كل شئ وتخلي المطبخ مش فيه غير الاكل اللي في التلاجه لليومين وغير كدا المطبخ فاضي تماما والحاجات اللي هتفضيها من المطبخ حطيها بره المطبخ في مكان قريب وتمسكي المطبخ لو كان الوميتال بالسلكه والصابون وطبعا تخلي بالك من فيش الكهربا وياريت تفصلي كهرباء المطبخ علشان لو ميه جت علي الفيش غصب عنك لا قدر الله وبعدين تاخدي المطبخ يا سلام لو كان كله ايشاني يبقي هتاخدي المطبه والايشاني بالسلكه والصابون وتشطفيه بقماشه وميه نظيفه علشان القماشه تتحكمي فيها والميه متقعش منك علي الفيش بتاع الكهرباء والله لما تغلسي المطبخ بالكامل لو الوميتال وايشاني هتحبي مش تدخلي المطبخ بسي ممكن ممكن تحبي تنامي في المطبخ من فرحتك بيه اما بقي لو المطبخ بتاعك خشب فتشتري منظف للخشب من محل المنظفات وتنظفي بالملمع والقماشه لحد ما يبان عليه النظافه وتفرشي عليه مفارش شكلها نظيف او اقل شئ ورق جرايد في الادراج والدرف ولو طبعا برضه الحيطه ايشاني اغسليها بالراحه علشان ميقعش ميه علي الخشب او الفيش
اما بقي لو عندك بقع زيت حوالين البوتوجاز تستخدمي ميه نار مخففه وترشي علي الحيطان اللي عليها زيت وتسبيها خمس دقايق هتلاقيها بتفور وبعدين تغسليها بالميه والصابون والسكله تكون جامده وتغسلي جامد والبقع هتطلع معاكي بسهوله وبكدا يكون المطبخ تمام وتستني ينشف وتنقلي كل الحلل وكل شئ شلتيه من الدرف وتنظفيها بقماشه كدا لو كانت متربه وترصيها رصه جديده وحلوه وكدا مطبخك هيبقي تماااااااام باذن الله 
 |
