اولا كل راجل او ست بيعانو من تساقط الشعر او ان شعرهم خفيف او ان الشعر بيهيش بسرعه او بقي شعر تالف ومع كل ده محدش سئل نفسه هوه بيهتم بشعره ازاي وفيه فعلا اللي بيهتم بشعره انه بغسله علي طول وبيستخدم شامبوهات مخصوص وزيوت مخصوص ومع ذلك بيتساقط وفيه اللي زعلانه علي شعرها انه بيتساقط من غير ما تخلي بالها منه اساسا والمفروض طالما الموضوع مهم وخصوصا للبنات والسيدات هقولكم علي شويه نصايح بسيطه جدا وباذن الله يجي معاها النتيجه وطبعا مش فوريه انما نتيجه بتظهر مع الوقت...
المفروض اللي يحب يعتني بشعره بلاش تجربي شامبو وتقولي لا ده وحش او كويس المفروض لما تعرفي نوع شعرك وتستخدمي الشامبو المناسب ليه انك تفضلي تستخدمي نوعيه الشامبو ده طالما هوه النوع المناسب لنوعيه شعرك تستخدميه وتثبتي عليه علي الاقل 6 شهور واه الفتره طويله بسي احسن ما تفضلي تغيري من شامبو للتاني وشعرك هيفضل كدا علي طول انما الافضل انتظري علي اي تجربه علي شعرك 6 شهور والنتيجه باذن الله تكون تمام وده برضه في نوعيه الزيوت اللي بتستخدميها من الافضل طبعا انك تختاري نوع كويس ومعاه تستخدمي الزيوت الطبيعيه اللي من عند العطار زي زيت الزيتون وزيت جوز الهند وزيت الخروع الزيوت الخلاصه دي مهمه جدا جدا للشعر وبرضه نثبت علي نوعيه الزيوت اللي هنختارها لمده 6 شهور علي الاقل اما بقي المشط من الافضل جدا جدا طبعا المشط الخشب وكمان لما تسرحي شعرك تسرحيه بالراحه بلاش تتخانقي معاه وتسرحيه من تحت الاول وتفكيه من بعضه بالراحه والمشط الخشب بيساعد علي تنشيط الدوره الدمويه للشعر وكمان يا سلام لو لما تصحي تسرحي شعرك وتخلي المشط يمشي علي الفروه بالكامل وكمان لو تسرحيه مرتين علي الاقل في اليوم لتنشيط الدوره الدمويه لفروه الراس يبقي تمااام وخلي بالك من النتيجه من الشهر للتاني وباذن لو حافظتي علي النصايح دي هتلاقي نتايج هايله جدا جدا جدا .....