نجوم مصرية
منتديات نجوم مصرية المنتدى العام أخبار مصرية



تابع نجوم مصرية على أخبار جوجل




شاهد بالصور حالات تحرش جنسي بالبنات مع ثالث ايام عيد الفطر , والامن فى اجازة

 

وسط غياب امنى واضح فى ثالث ايام عيد الفطر المبارك انتشرت حالات التحرش الجنسي بالبنات وسط غياب امنى ووضح ان من يقوم بحالات التحرش هم شباب لايملكون اى عقل وتتحكم فيهم شهواتهم فهم شباب صغير لم يجد من يوجههم فنزلوا هم واقرانهم يتبادلون الرهانات على من يعاكس اولا , والمعاكسة ياسادة لم تعد كلمة فقط بل انها تطورت لتصبح اكثر من ذلك بشكل يخدش الحياء وسط غياب لأى اعلام يوضح لهؤلاء بشاعة من يقوموه وغياب الامن عن اغلب التجمعات وعدم وجود قانون يغلظ عقوبة المتحرش مما ادى الى انتشارها بقوة , والحقيقة ان البعض يحمل الفتيات الاسباب التى تؤدي الى ذلك بقول انهم يشجعون الشباب على ذلك واقول لهم ان الشباب ينزلوا من بيوتهم مع الشيطان على القيام بذلك فلايهمهم كون الفتاة محجبة من عدمها انهم فقط ينتظرون اللحظة التى يتربصون بها , ولو نلاحظ فهم لايقدرون ابدا على ان يقربون من فتاة بصحبة شقيقها او قريبها على سبيل المثال لانهم جبناء يعلمون انهم يقومون بفعل خاطئ وذنب وياليتهم توقفوا بل تمادوا مع صيحات الشيطات فى اذانهم

انا اطالب بتغليظ العقوبات على المتحرشين وان يكونوا عبرة لمن لايعتبر , ويجب تكثيف الامن المعتاد على التعامل مع تلك المواقفو خاصة فى الاماكن المزدحمة بحيث يمكنهم التعامل باحترافية مع هذا الموضوع الشائك , ويجب على وزارة الشباب بالتعاون مع وزارة الرياضة بحث عن بدائل رياضية تدفع الشباب الى استغلال طاقاتهم وان يتم توظيفهم فى الاجازة فى شركات على سبيل التدريب مقابل اجر يحصلوا عليه ليكونوا اعضاء نافعين , للأسف التعليم فى مصر نشر حالة من الاحباط بين صفوف الشباب جعل الغالبية يلجأون الى ذلك كطريقة لاثبات الذات بعدما فشلت طرقهم جميعها فى اثبات ذواتهم


أسباب تفاقم مشكلة التحرش :
1- غياب الامن اعقاب ثورة يناير , حيث استباح بعض الشباب النزول الى الشارع من اجل اغراضهم الدنيئة معتمدين ان الشرطة غائبة ولن تتمكن من تتبعهم
2- كل شاب من دول حاسس نفسه فاضي ولديه طاقة فيبحث عن مخرج ليخرج طاقته فيه ولان دور الدولة غائب ودور الاسرة ايضا لايجد اسهل من ان يعمل نفسه ( دكر ) ويعاكس بتحرش
3- الاسرة للأسف الشديد مش فاضية لعيالها وطول النهار الاب خارج البيت من شغل لشغل لتوفير حياة كريمة والام بتعمل الاكل وتمسح وتغسل يعنى مافيش حد فاضي يسال الولاد فين
4- خروج البنت لوحدها فى الشارع , وده فى حد ذاته عامل كبير , البنت لما بتخرج فى الشارع وتحديدا فى الاعياد وكمان بملابس غير محتشمة تزيد من فرص التحرش بها وده مش معناه اننا بندي فرصة للولاد دول لكن فى الحقيقة الموضوع نسبة وتناسب يعنى لو فيه بنت محجبة قد تتعرض للتحرش برضه ولكن نسب تعرضها اقل بكثير من نسب الفتاة الغير محجبة
5- نؤمن ان كل فتاة لها الحق فى ارتداء ماتحب طالما انه لايخالف التقاليد او الاعراف ,

حلول مشكلة التحرش الجنسي :
1- لو الشباب ده نجحنا فى اننا نوظف طاقته فى اشياء مفيدة زى البحث العلمي او وظائف تدريبية او فى الرياضة لن يجد وقت امامه للقيام بتلك الافعال لان الرياضة او البحث العلمي ينمى العقل والاخلاق والفكر ويجعل الشخص مسئول ولكن غالبية الشباب يشعرون بالضياع مع كل مايقومون به ويشعرون ان المجتمع هو الجاني ويجب عليهم الانتقام من كل مافيه ومن كل عناصره ,
تابع نجوم مصرية على أخبار جوجل



2- انه دور الاعلام الان من اجل الارشاد والتوجيه لانه حان الوقت الان للائمة المساجد فى الوعظ للشباب ان يتقوا الله فى بنات الناس لانه ان اتقوا الله فتح الله عليهم واكرمهم









المقال "شاهد بالصور حالات تحرش جنسي بالبنات مع ثالث ايام عيد الفطر , والامن فى اجازة" نشر بواسطة: بتاريخ:
منار الزائرة :)
العيب على البنت فعلا
ايه اللبس الاوفر ده
وايه اللياقة الاوفر دى

بلد ما عرفتش تربى صحيح
الشاطر حسن
البنت أحد أهم اسباب المشكلة بدليل قوله تعالى (( يا أيها النبي قل لأزواجك وبناتك ونساء المؤمنين يدنينّ عليهنّ من جلابيبهنّ ذلك أدنى أن يُعرفنّ فلا يؤذينّ )) فلو تحجبت بالحجاب الشرعي فلن تؤذى إن شاء الله إلا من حالات فردية من بعض منحرفي الفطرة.
ولا ننكر وجود سبب أخر لكنه أقل أهمية لدى بعض الفساد والفاسدين من الشباب
%u0632%u0627%u0626%u0631
هل بالله عليكم قبل ما نحكم على البنات والشرطه فين الاب من خروج بنته بلبس ديق ومغرى اين الاب والاخ والام بل بلعكس يشترون لها الملابس بحجه الزواج بسرعه لكى تعجب الشاب
ايتن
بئا العيب ع البنت دلوقتي ..

طيب وبالنسبة للي بيعاكس واحدة منقبة دا اية يعني والبنت من حقها تخرج وتلبس اللي هي عيزاة مش من حق حد يعاكسها العيب ف تربية الولد نفسة ما هو اكيد لية اخت بتلبس زي اي بنت هو فاكر لما يعمل كدا يبئا راجل ميعرفش انة حيوان واللي بنشوفة ف الشارع انهم بين سن 12 سنة واللي 20 يعني ف قلة تربية من الاهل لو ف غلط يبئا ع الولد وتربيتة مش لقية سبب واحد تبئا البنت سبب ف اللي بيحصل والمعاكسات اللي بتبئا ع الموب دي اية ناخد بالنا من لبسنا ف البيت كمان يعني ؟؟


ثانكس
mr.kareem
العيب على البنت فعلا
ايه اللبس الاوفر ده
وايه اللياقة الاوفر دى

بلد ما عرفتش تربى صحيح
الله ينور عليكي فعلا العيب ع البنت اولا
ابوحجازى
العيب اولا واخيرا على اهل الولد واهل البنت
ليالي الحنين
بئا العيب ع البنت دلوقتي ..

طيب وبالنسبة للي بيعاكس واحدة منقبة دا اية يعني والبنت من حقها تخرج وتلبس اللي هي عيزاة مش من حق حد يعاكسها العيب ف تربية الولد نفسة ما هو اكيد لية اخت بتلبس زي اي بنت هو فاكر لما يعمل كدا يبئا راجل ميعرفش انة حيوان واللي بنشوفة ف الشارع انهم بين سن 12 سنة واللي 20 يعني ف قلة تربية من الاهل لو ف غلط يبئا ع الولد وتربيتة مش لقية سبب واحد تبئا البنت سبب ف اللي بيحصل والمعاكسات اللي بتبئا ع الموب دي اية ناخد بالنا من لبسنا ف البيت كمان يعني ؟؟


ثانكس

معاكي ف كلامك
اما العيب ع البنت يبقي الولد ماترباش ولا عارف دينه
ولو نقول ان البنت لبسها وحش برضو مايدهوش الحق انه يتحرش بيها
والي بيقول ان العيب ع لبس البنت ههههههه يبقي هو بيعاكس
وحجته .. ماهي الي لبسه وحش
وانت مالك انت هي لبسه ايه
ماتغض بصرك
ISLAMAZ
زمان كان فيه عضوة شهيرة بالمنتدى (تم ايقافها و الحمدلله)
لما كنا بنطالب و بنساند المطالبين بتطبيق الشريعة و الامر بالمعروف والنهى عن المنكر (كما أمرنا بذلك ديننا العظيم)
كانت بتهاجمنا و بتقول (مصر بلد الأزهر) و (المصريين متدينين و ملتزمين) و ان (شباب و بنات مصر زى الفل)
و ان (احنا مش زى السعودية ولا هنبقى زى السعودية)

فأرجو منها و من الجميع ان يفيق على الواقع الأليم و المستقبل الأكثر ايلاما اذا لم نبدأ الاصلاح من الآن و نعود لشرع الله
سهم--
زمان كان فيه عضوة شهيرة بالمنتدى (تم ايقافها و الحمدلله)
لما كنا بنطالب و بنساند المطالبين بتطبيق الشريعة و الامر بالمعروف والنهى عن المنكر (كما أمرنا بذلك ديننا العظيم)
كانت بتهاجمنا و بتقول (مصر بلد الأزهر) و (المصريين متدينين و ملتزمين) و ان (شباب و بنات مصر زى الفل)
و ان (احنا مش زى السعودية ولا هنبقى زى السعودية)

فأرجو منها و من الجميع ان يفيق على الواقع الأليم و المستقبل الأكثر ايلاما اذا لم نبدأ الاصلاح من الآن و نعود لشرع الله
كلام بليغ......................
سهم--
هل بالله عليكم قبل ما نحكم على البنات والشرطه فين الاب من خروج بنته بلبس ديق ومغرى اين الاب والاخ والام بل بلعكس يشترون لها الملابس بحجه الزواج بسرعه لكى تعجب الشاب
والأب بيبقى مبسوط وبيتباهى ببنته قدام الناس وهي لابسة الخليع، مش فاهم ان حياءها ولبسها الوقور هو اللي يشرفه قدام الناس.
سهم--

معاكي ف كلامك
اما العيب ع البنت يبقي الولد ماترباش ولا عارف دينه
ولو نقول ان البنت لبسها وحش برضو مايدهوش الحق انه يتحرش بيها
والي بيقول ان العيب ع لبس البنت ههههههه يبقي هو بيعاكس
وحجته .. ماهي الي لبسه وحش
وانت مالك انت هي لبسه ايه
ماتغض بصرك
طبعا الولد اللي بعاكس يبقى قليل الأدب ومش متربي.

لكن تفتكري ان البنت اللي تلبس اللبس ده متبقاش قليلة الأدب؟

وتفتكري ان البنت عايزة الولد يغض بصره؟ إمال هي بتلبس كده ليه؟ مش عشان الولد يبص عليها؟
زهير ابراهيم
العيب على البنت فعلا
ايه اللبس الاوفر ده
وايه اللياقة الاوفر دى

بلد ما عرفتش تربى صحيح
يبدو انك عايشه بره مصر ده اولا
الامر التاني المشكله مش بلبس البنات
المشكله ان هناك حيوانات ساءره بالشارع دون رقيب
هولاء يجب نقلهم لحديقه الحيوان ليالفوا ويبقوا بشر
ويفتكروا ان ليهم احوات سائرات بالشارع برضو



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
بالفيديو التحرش بالبنات علي كوبري قصر النيل في اول ايام عيد الفطر

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية