بعد انتهاء المرحلة الأولى والثانية قام مكتب تنسيق القبول بالجامعات بفتح باب التحويل وتقليل الاغتراب لمدة ثلاثة أيام واستمر باب التحويلات مفتوح لمدة أربعة أيام وأغلق مكتب التنسيق موعد التحويلات يوم الأحد الموافق 12/8/2012 الساعة الرابعة عصرا وقام بزيادة يوم آخر وانتهى يوم الاثنين الماضى ومن يومها والطلبة فى انتظار موعد ظهور نتيجة التحويلات وكأن القدر قد كتب على طلبة الثانوية العامة هذا العام المعاناة بكل ما تعنيه الكلمة من قسوة فبعد ارتفاع درجات القبول بالجامعات جاءت معاناة التحويلات ومازال موقع التنسيق على كلمة واحدة وهى ( ترقبوا ظهور نتيجة التحويل وتقليل الاغتراب ) فمتى تظهر النتيجة وما هى أساب التأخير ... ومن مصادر موثوق منها تعمل بداخل مكتب التنسيق تعرفنا على اسباب التاخير وهى :-

زيادة أعداد الراغبين فى التحويل بين الكليات من طلاب المرحلتين الأولى والثانية فى تأجيل اعلان نتيجة التحويلات للأسبوع القادم عقب انتهاء اجازة عيد الفطر. وتواجه اللجنة العليا للتنسيق صعوبات شديدة فى اعادة توزيع الطلاب الذين تعدى عددهم 60 ألف طالبا على الكليات ، خاصة وأن معظمهم ينطبق عليه شروط التحويل.

واضطر د. سمير شاهين المشرف على موقع التنسيق الالكترونى الى ارجاء عملية التوزيع لحين اعادة دراسة قواعد التوزيع الجغرافى ، وبحث امكانية فتح التحويل داخل القاهرة الكبرى الى أقسام اللغات لتلبية رغبات العديد من المتفوقين الذين ضاعت أحلامهم فى الالتحاق بكليات القمة.

يذكر ان مشادات كبيرة قد نشبت خلال اليومين الماضيين بين العديد من أولياء الأمور ومسئولو التنسيق احتجاجا على منع أبنائهم من التحويل.

مع تحياتى

بعدما بعبت و كافحت انا وزملائي جاءت الضربه القاضية في الامتحانات الصعبه و نتيجة التنسيق و بعد كل دة لسا عايزين تخلونا نعاني اكتر مع نتيجه التحويل علي فكرة دي اصعب سنة شفنا الظلم و بكينا و بعد كل ده واحد جاء لة كلية ف اسيوط و هو من الدقهلية يعمل اية و قدم تحويل و هو يائس خلاص من ان طلبه ميتوفقش يا رب يقبل التحويل ادعوا له و كل من كافح و الطالب دة هو انا

في اي دوله نعيش 0مص دمائنا في الدروس الخصوصىه0 وجع في قلوبنا من الامتحانات حرق اعصابنا في التنسيق0ذبحنا بسكينه بارده في نتيجه تقليل الاغتراب 0من هو المسئول عن ذلك وكيف الحل

حسبي الله ونعم الوكيل انا ناقص انام احلم بترقبوا في الثانوية ترقبوا في التنسيق ترقبوا في التحويل ترقبوا ..........

الله يخرب بيت محمد مرسي وشه نحس من ساعت ما تولي الحكم و الله يخرب بيتكل الاخوان وكل من يتبعهم

ربنا يستر عليا انا شكلى كده مكتوب عليه اخرج بره طنطا واروح صيدلة القاهرة
بس برجع واقول لعله خير

ربنا يستر علينا ايومين الجايين

د.محمد مرسي رئيسك وغصب عنك غير مسؤول تماما عن هذا التأخير انا كمان ابني اتظلم ومستني نتيجة التحويل ...الراجل لسة ماسك من يومين بس انا عاذرك لانك لسة طفل صغير مش عارف حاجة .... احنا يا بني طول عمرنا مرميين ف السجون ويكون دي اخرتها من طفل زيك

بعد الانتظار ده كله ولسة مش ضامنين نحول ولا لا حسبي الله ونعم الوكيل

عندكم حق يا ا خوانا الواحد هيلقيها منبن فى الدنيا من صدمة النتيجة أو التنسيق أو التحويل الواحد قرب ينتحر ويسيب لعل تتصلح بس ما أعتقدش دى بلد ماشية بالعكس بس هنعمل ايه بلدنا ولازم نستحملها

يجب ظهور النتيجة في اقرب وقت وقبول كل من استوفي الشروط ويكفي انهيار اعصابنا

التنسيق امتى بقى هو مكتوب علينا المعاناة حتى واحنا بندخل الجامعة حتى الدخول مش عارفين ندخله انتوا بتحببونا فى البلد والتعليم ولا بتكرهونا فيهم

لسه نظام حسنى شغال ارحمنا ياسيادة الرئيس د/مرسى ابنتى حاصلة على 85% ولسه مش عارفه الكلية بتعتها

انا اتخنقت انا جايب 90% والتنسيق رمانى اداب الزقازيق وكل غلطتى انى حولت حقوق ومعترضش على الزقازيق والله بس شكلهم كده بيحبوا يذلوا الناس

تحويلات كثيرة لم تقبل خاصة الكليات الغير مناظرة مثل طب اسماعيلية والعلاج الطبيعى بالقاهرة ..

رغم أن الطالب جايب مجموعها هل هناك تفسير ؟

وهل يمكن للطالب أن يرفع قضية على أساس أنه حاصل على مجموع الكلية ولم يتم تحويله إليها ...