ساعدونى انا كنت مرتبطة بالواحد و سابنى عشان انا مش بتكلم و مش بعرف افتح مواضيع ده طبعى بس انا عايزة اتغير و هو سابنى من اسبوعين و مش عايز يرد عليا اعمل ايه عشان يرجعلى و يرد عليا تانى ساعدونى قوليلى طريقة اخليه يرد عليا
|
لو بجد كان بيحبك مكنش سابك ابدا وكان هو هيفتح معاكى اى موضوع علشان تتكلمى معه
هو لو بيحبك اكيد هيرجعلك تانى اما لو كنتى بالنسبةله مجرد تسلية عمروا ما هيرجع لك تانى اما انتى متعملش حاجة خالص انت لو فضلتى تتصلى بيه هو هيزهق منك الولد مش بيحب البنت اللى بتجرى وراءه يحب دايما يجرى وراء البنت |
مهم جدا تفكري بشكل مختلف هو طبعا خايف "يتدبس" انا اسف لكن اكيد ده فكره لكن لو هو بجد بيحبك اكيد مكنش هيسيبك بكل سهولة كدة فكري الاول هل هو يستاهل التفكير فيه ولا هو عاملها حجة علشان يسيبك لو انتي متأكدة من اخلاقه وانه كويس ياريت تفكري تتغيري بس مش تقلدي حد او تتكلمي في كلام فاض يعني تبدأي تفكري في حاجات جديدة وتبني شخصية فيها ثقافة وخبرة وحاجات تانية اتمني تكوني فهمتي ومزعلتيششششششش |
شكرا على الردود بس هو كان كويس قوى معايا و ادانى فرص كتير انا بقالى سنة بكلمه . بس زهق انا مش عارفة اعمل ايه
|
ايه ده اللى هو عملوا ده لو كان بيحبك كان هو هيساعدك انك تتكلمى
عيشى حياتك واتعلمى تكونى اجتماعيه اتكلمى معانا فى موضعنا واتعودى على المشاركه واكيد هتتحسنى |
طيب انتى اصلا طبيعتك كدة مش بتحبى الكلام
ولا لسة مش اخدة علية فمبتعرفيش تتكلمى معاة فى مواضيع لو انتى طبيعتك كدة يبقى المشكلة دى هتقابلك معاة او مع غيرة فانتى حاولى تنفتحى وتتاقلمى مع الناس وتشتغلى لو انتى مخلصة لازم تكونى كدة عشان مش يمل بس متزعليش منى موضوع خطيبك داة مينفعش انتى الى ترجعية لازم هو الى يرجع من نفسة داة لو هو بيحبك بجد واكيد هو الى خسران واحدة بتحبة كدة ربنا يوفقك يارب |
قلة الكلام هو أمر ايجابى ويعبر عن حيائك وهى من افضل صفات البنت المحترمة , اصبرى وان شاء الله ربنا يعوضك بانسان اخر يقدر صفاتك كما هى
|
أنا أعتقد ان الراجل عموما يحب الفتاة المتكلمة التى تفتح مواضيع جديدة معه ويا حبذا تكون عن مشكلاته اليومية
وعلاقاته توحدى مع مشكلاته واحاسيسه ومشاعره يحبك والالتقاء الفكرى بين الجنسين هو اهم علاقة بين الفتى والفتاة وللاسف فاننا فى تربيتنا نعطى مشاعر سيئة للفتاة عن الجنس الآخر وحش كاسر لا تتكلمى مع الذكور ممكن يطمعون فيك وللأسف فإن الجنس فى العالم العربى مرتبط بالرزيلة وقلة الادب والشتيمة على الرغم هو المصدر الاساسى للوجود الانسانى البشرى على وجه الارض |
شكرا على ردودكم و ارجو الرد
|
هو لو بيحبك بجد مكنش سابك وهو كان قتح مواضيع واستحملك بس ده بيتسلى من الاخر
|
ارجو الرددددددد
|
هو مش بيحبك لو بيحبك هيبقاك بعيوبك ومزاياكى
وبعدين مش كون انتى مبتتكلميش يبقى ده سبب انه يسيبك عشانه اسمعى كلامى ومترنيش عليه تانى ألا أذا هو رجعلك وحسيتى انه بيحبك أتمنالك السعاده |
انا رأى مختلف شوية الابيحب بيتغير علشان حبيبة يعنى انتى مش لازم تقعدى وتقولى عايزة اتغير عايزة اتغير لا انتى ابدا شوفى اية الحاجات الابيحبها واعمليها واية الموضوعات الابيحبها يعنى مثل الكورة هواياتة هتلاقيك بداتى من نفسك تحكى معاة وتناقشية هو ممكن يكون عايزك تكلمى او تفكرى تتغيرى وان شاء الله هيرجع
|
انتي عايزة رد غير الي قالهولك علشان انتي مش مقتنعة بكل دة
عايزة ترجعيلو وتلاقي طريقة ترجعيه ليكي بس هتندمي لو رجعتي ليه عايزة ترجعيه من غير ما تصلحي من نفسك اقولك كلميه وارغي معاه زي واحدة صحبتك هتلاقيه بيرجعلك لانك دة الي انتي عايزاه انك ترجعيلو وبس حتى لو كان بيتلكك وسابك علشان موضوع هايف زي دة هما عايزين ايه ولا ايه ؟ حيروووووونا معاهم وانتي الي بتجري وراه نفضيلو طنشيه ادلو استمارة ستة وهيرجدعلك متوقفيش حياتك عن شخص معين طالما سابك لسبب تافه دة عمرو ما هيبقى عليكي في الكبير فتصوري لا قدر الله حصليتك حاجة تشوه او حاجة كدة هيبيعك بالسهولة وحكاية الفرص الي دهالك دي حاجة هو اقنعك بيها وانتي صدقتيها سنة يا حبيبتي وهو صابر معاكي لالالا والله فيه الخير على العموم الناس هنا نصحتك وقالتلك ربنا يعوضك انما انتي عايزة رد انك ترجعيلو ازاي لان دة الي عايزاه من جواكي وبتدوري عليه في ردودنا اهو طريقين ياما تطنشيه وتظهريلو انك اتغيرتي وهيرجعلك ياما كلميه وارغي وهزري معاه واكديلو انك اتغيرتي علشانو وهو لو عايزك وبيحبك ما هيصدق ويرجعلك غير كدة لو محصلش يبقى بايع من الاخر سوري لو كنت قاسية في ردي عليكي |
لالالالالالالالالالالا هو الراجل بيحب البنت الرغاية يعنى مش يعدو هما الاتنين ساكتين وكدة
يعنى بيحب البنت تتكلم مش يعد هو يتكلم وهى ساكتة يا بتضحك بتكون حاجة تشل يعنى بس بسيطة كويس انا دخلت فى الوقت المناسب بصى يا ستى اولا وقبل اى بتنجان فى الحوار احب اقولك طلانا انتى عرفتى السبب يبقى هتعرفى تعالجى الحوار كلة اول اتصلى بية من نمرة غريبة واتكلمى معاه قولى له فين الحب وفين وعدنا ببعض وقولى له انك بتحبية وعايزة تشوفية هو هيلين صدقينى والله لما يسمع الكام كلمة دول ولما تتقابلو حاولى تتكلمى فى اى حاجة ان شالله فى الكورة هتلاقية بيرغى معاكى يعنى ارعى فى اى حوار فى حياتكم لو كدة اعملى علية حوار يعنى قولى له زى باقى البنات مش عارفة امبارح رحنا فين واخترعى اى حوار بس تتكلمو يعنى انا لما بعد مع اى واحدة البت تعدى تتكلم يعنى بصى تلات تربع كلامها كدب والباقى فشر هو الراجل بيحب البنت اللى تاكل دماغة اللى تضحك علية يعنى الواحد بيحب اللى تضحك علية لكن انتى ساكتة وهو يعد يتكلم مش هينفع صدقينى والله اتكلمى معاه فى اى حاجة الفى علية حوار اى حاجة بس تتكلمى وحاولى تعملى معاه مشكلة يعنى وانتى اعدين وفى واحدة معدية من ادامكم قولى له انت بتبص علية واعملى نفسك زعلانة هيتمسك بيكى اكتر قولى له مش عارفة مين اتقدم ليا هتلاقية بقى عامل زى المجنون يعنى حاولى تخلى الغيرة تشتغل فية جامد خلية ياكل فى نفسة وهو اعد هيحبك اكتر لكن انت هتعدى شايفك ادامة ولا فى جديد ولا اى حاجة روتين اكيد هيكون فى ملل جاولى تهزر معاه كدة يعنى بس الاول كلمية من نمرة غريبة علشان يرد وقولى له انك عايزة تشوفية ودى مافيهاش كرامة لانك انتى اللى غلطانة ومافيش كرامة فى الحب الراجل ممكن يبكى ادام حبيبتة يبقى البت مش تيجى علي نفسها شوية يعنى تعالى على نفسك واتصلى بية وقولى له كدة ولما تشوفية حاولى تتكلمى والحوار دة اضمنى انك هتعدى تتكلمى فية شهر بحاولة وحياة ربنا انا مرة عملت حوار على اللى بحبها على ازازة كنز المهم انك تتكلمى وتلاقى حوار |
شكرا على ردودكم جمعيا
|
ولا تعبريه وانسيه خالص ولما تشوفيه ارمى الشوز بتاعك فى وشه
|
علي فكرة اللي بيحب حد بيقبل مميزاتة وعيوبة
وانا لو منك اتقل علية |
انتي عايزة رد غير الي قالهولك علشان انتي مش مقتنعة بكل دة
عايزة ترجعيلو وتلاقي طريقة ترجعيه ليكي بس هتندمي لو رجعتي ليه عايزة ترجعيه من غير ما تصلحي من نفسك اقولك كلميه وارغي معاه زي واحدة صحبتك هتلاقيه بيرجعلك لانك دة الي انتي عايزاه انك ترجعيلو وبس حتى لو كان بيتلكك وسابك علشان موضوع هايف زي دة هما عايزين ايه ولا ايه ؟ حيروووووونا معاهم وانتي الي بتجري وراه نفضيلو طنشيه ادلو استمارة ستة وهيرجدعلك متوقفيش حياتك عن شخص معين طالما سابك لسبب تافه دة عمرو ما هيبقى عليكي في الكبير فتصوري لا قدر الله حصليتك حاجة تشوه او حاجة كدة هيبيعك بالسهولة وحكاية الفرص الي دهالك دي حاجة هو اقنعك بيها وانتي صدقتيها سنة يا حبيبتي وهو صابر معاكي لالالا والله فيه الخير على العموم الناس هنا نصحتك وقالتلك ربنا يعوضك انما انتي عايزة رد انك ترجعيلو ازاي لان دة الي عايزاه من جواكي وبتدوري عليه في ردودنا اهو طريقين ياما تطنشيه وتظهريلو انك اتغيرتي وهيرجعلك ياما كلميه وارغي وهزري معاه واكديلو انك اتغيرتي علشانو وهو لو عايزك وبيحبك ما هيصدق ويرجعلك غير كدة لو محصلش يبقى بايع من الاخر سوري لو كنت قاسية في ردي عليكي يالهوى دة انتقام ههههههههههههههههههههههههههه بس بجد والله العظيم ردك عجبنى اووووووووووووووووووووووووووووووووى اووووووووووووووووووووووووووووووووووووووووووووووووو وووووووووووووووى اووووووووووووووووووووووووووووووووووووووووووووووووو ووووووووووووووووووى طب تقول اية على واحد ساب واحدة علشان رنت علية بالموبايل فهو صحى وهو كان عايز ينام يعنى كان تعبان شوية |
انا عضو جديد وشدني الموضوع اسمحي لي اقول رأي الشخصي
في البداية عايز اسال سبب تمسكك بيه هل علشان هو حد حاسة انك مش هتعوضيه تاني (حد كويس) ام انك حاسة انك السبب باسلوبك او او او حددي سبب تمسكك بيه الاول و هل هو يستهال و لا لأ كمان حاسس ان الموضوع ناقص حاجة في حاجة لم تذكريه علشان شايف السبب تافه وفي نصيحة احب اقولها لك خلي ثقتك بنفسك اكثر |
يعنى ارعى فى اى حوار فى حياتكم لو كدة اعملى علية حوار يعنى قولى له زى باقى البنات مش عارفة امبارح رحنا فين واخترعى اى حوار بس تتكلمو
يعنى انا لما بعد مع اى واحدة البت تعدى تتكلم يعنى بصى تلات تربع كلامها كدب والباقى فشر هو الراجل بيحب البنت اللى تاكل دماغة اللى تضحك علية يعنى الواحد بيحب اللى تضحك علية لكن انتى ساكتة وهو يعد يتكلم مش هينفع صدقينى والله معلش يا جون بس البت اعده تعيط وانت بتقولها تحور عليه ده البت بتحبو بس طبعها مبتكلمش كتير بصي لو هو بيحبك كان قبلك على عيبك الى هو انك مش رغايه بس |
سبب تمسكى بية انه كان كويس قوى معايا و حاسة ان انا اللى غلطانة و اللى خليته يسبنى
|
طب معلش
هو فى كتير هنا قال حلول انتى فكرتى فى الحلول دى او عملتى اى خطوة علشان يرجع ولا سيبتى الموضوع يعنى معلش قولى لى دلوقتى الموضوع وصل لحد فين علشان نكون حضرين الكلام بس ونعرف لو كان ينفع ولا ما ينقعش |
انا بتصل بيه بس على موبايله و هو مش عايز يرد عليا و معملتش اى حاجة تانى عشان مش عارفة اعمل ايه
|
طب ما تبعتى له رسالة
او كلمية من رقم تانى قولى له انك عايزة تتكملى معاه وتحلى المشكلة |
يا ايمي حاولي تنتهزي اي مناسبة قريبة عيد ميلاده مثلا اي مناسبة كويسة
وحاولي تتصلي من رقم غريبة وحاولي تكلمي بثقة نفس وديه مهمة جدا يا ايمي الولد يحب قوة شخصية البنت حتي لو بيحاول يبين عكس كده وتكوني محضرة قبل المكالمة الموضوع كويس ولو حاول تغيير الموضوع او يستفزك خليكي ثابتة اتمني لك كل توفيق |
شكرا على ردودكم
|
هرد عليك رد بسيط (قاله لنا المولى عز وجل )
ومن يتقى الله يجعل له مخرجا ويرزقه من حيث لايحتسب اصبرى يااختى الكريمة واعلمى ان قلة كلامك ليس عيبا فيكى وانما هو ميزة فيكى تؤكد على حياؤك وهذه افضل صفة فى اى بنت فحافظى عليها ولا تبادرى ابدا بالاتصال به او الجرى وراءه واعلمى انه اذا شعر الولد بأن البنت تجرى وراءه سيهرب منها ويحاول استغلالها عليكى بالابتعاد عنه تماما وانتظرى حتى يكرمك الله بخير منه , وكونى على يقين بالله واعلمى انه من ترك شيئا لله عوضه الله خيرا منه صدقينى قلة كلامك هو افضل مميزاتك فحافظى عليها , ونسأل الله ان يهدينا الى كل خير واسعد بتعليقك على ردى المتواضع |
شكرا على الرد
|
لالالالالالالالالالالالالالالالالالالالالالالالالا لالا
والله انا من رايى تعملى هجمة مرتدة وتروحى انتى لية وتكلمية وهو مش هيقدر يسيبك ويمشى هيعد ويسمعك وانتى بتتكلمى كلمة حنية على حتة دلع على حتة عطف على نظرة شوق على نتشاية حب يعنى على حتة هادية كدة وفكرية بحب زمان و كدة يعنى ورجعى الماية لمواسيرها تانى وان شاء الله ربنا يكرم ويوفق بس والله زى ما قولت لك اعملى هجمة مرتدة وابقى ادعيلى |
مواضيع مشابهة: | ||||
› ساعدونى فى حل مشكلتى : بيتخانق معايا عشان انا مش بتكلم معاه |