بسم الله الرحمن الرحيم

سريعآ وربما قبل أنتهاء مناظرة عمرو موسى والدكتور عبد المنعم أبو الفتوح مرشحى الرئاسة بدأت تظهر الكثير من التعليقات الساخرة على المناظرة بين المرشحين على الفيسبوك وتويتر

ننقل لكم بعض منها تبعآ

-المناظرة دى عامله ازاى واحد فلول (عمرو موسي) بيقول أنه مش فلول مع واحد إخوان ( أبوالفتوح) بيقول أنه مش إخوان ، يبقي أكيد المناظرة لازم تكون برعاية سنيكرز لأن انت مش انت ، وأنت جعان

- أنا لسة حاسة إن ناقص كل واحد يبقى قدامه لمبة واللي يدوس الأول يجاوب =
D


- أول ملحوظة لفتت نظري هو انه أبو الفتوح أطول من عمرو موسى.....تصفيق حاااااااااار


- سمعتوا صوت الحاجة الى وقعت فى الاستديو ايه الى وقع يا ترا‎


- صينية الشاي وقعت



-يعني إيه مناظره بين عمرو موسي وابوالفتوح
.
.
.
.
يعني هتقولهملي حسني حسني
هقولهملك ثوار ثوار


- هل هناك تلفزيون في زنزانة مبارك؟؟؟

- "طنطاوي يتفرج على(أون تي في) يقول: أنتوا مصدقين نفسكوا يا روح .... !! "

- مراسل : يدخل الآن عمرو موسى وأبو الفتوح إلى غرفة الملابس بعد التسخين والإحماء.

- مراسل : الأمن يغلق أبواب الأستوديو والمدرجات مشتعلة من جانب جمهور المرشحين والروح الرياضة تملا المكان.‏

- ابو الفتوح اطول انا حنتخبه

-المناظرة دى عامله ازاى واحد فلول (عمرو موسي) بيقول أنه مش فلول مع واحد إخوان ( أبوالفتوح) بيقول أنه مش إخوان ، يبقي أكيد المناظرة لازم تكون برعاية سنيكرز لأن انت مش انت ، وأنت جعان

فعلا هو دة

من خلال المناظرة دي .. أعلن تأييدي لــ دوريتوس بدل من شبسيكو مضلع )

كل دى اعلانات انا نست كنت هتفرج علي ايه ::d

..........................................

عجباني اوي حركات عمرو موسي

شمال ويمين ويمين وشمال كأنه حارس مرمي ومستني حد يشوطه

من فوائد مناظرة النهاردة إن الشعب المصري قاعد بيتفرج على الكنبة أوعلى السرير نايم او في القهوة والمرشح الرئاسي واقف بقاله ساعتين يحاول إقناعه إنه الأصلح .. أنا كشعب انبسطت

أبو الفتوح غسل ابو الفلول
...............