اللى مستنى واللى مستنية

للى مستني التلفزيون المصري يبطل هجص ...زى اللى مستني فيفي عبده تبطل رقص

واللى مستني مبارك ياخد اعدام ..زى اللى مستني ابو اسماعيل يضرب برشام
واللى مستني بلدنا تبقي ديمقراطية.. زى اللى مستني البيبسي ينزل م الحنفية
واللى مستنى دستور جديد وحكومة شديدة ...زى اللى مستنى شاكيرا تسكن فى المزرعة السعيدة
واللى مستني بنزين في المحطة . .زى اللى مستني جالاكسي تبقى بالشطة
واللى مستنى تحقيق وقصاص فوري .. زى اللى مستني المصرى ياخد الدروي
واللى مستنى مبارك بجد يتحاكم ..... زى اللى مستنى المشلول يبقى ملاكم
واللى مستنى العسكر يسلم السلطة ... زى اللى مستنى عيد ميلاد من غير تورته
واللى مستني البرلمان يشيل الحكومة ... زى اللى مستني تشوف فيل منغير زلومة
واللى مستنى مبارك يدفع التمن غالى .....زى اللى مستنى توم كروز فى الجزء الخامس من الدالى
واللى مستنى العسكر يتأدب ،، زى اللى مستنى الرقاصه تتحجب
واللى مأمن للدكتور في الامتحان ،،زى اللى مأمن للشرطه في الميدان
واللى مستني المصري ميقولش للضابط يا بيه ... زى اللى مستني أحمد شفيق ميقولش إيه...
واللى مستني التلفزيون المصري يبطل كدب ....زى اللى مستني الشعب المصري مياكلش لب
واللى مستني سوزان تطلع مظلومه ...زى اللى مستني صعيدي معندوش شومه

مواضيع مشابهة:
› كل اللى يدخل يقول اسم ممثل واللى بعدة بيقول بيحبة ولا لا؟

رسالة إدارية

إلغاء التغييرات