هذة شكوى من طلاب جامعة الازهر
بسم الله الرحمن الرحيم ..
بدون مقدمات كلنا شفنا اللى حصل فى مدينة الطالبات .. طالبه تمرض ثم تنتقل العدوى منها لزميلاتها ثم من زميلاتها لباقى الطالبات ومع الوقت ومع اهمال ومع تجاهل ادارة وقيادات الجامعه نلمس بأيدينا ونبصر بأعيننا على مدار 48 ساعه سيارات إسعاف تدخل "المدينه الجامعيه لمدينة الطالبات " وتخرج منها بضحيه !! بمعدل 3 حالات فى الساعه تقريبا !!
بدون مقدمات كلنا عرفنا اللى حصل فى مدينة الطالبات برابعه العدويه فى بداية السنه الدراسيه الحاليه ,, بمنتهى الشجاعه وبطلعة ثوريه لم نعهدها على فل قط .. يخرج علينا رئيس جامعة الازهر الشريف ليدلى بتصريحاته فى الصحف البراقه ويقول قررت أنا رئيس جامعة الازهر تسكين كل بنات الازهر واحتوائهم فى المدن الجامعيه الخاصه بهن وتأجير مبانى اضافيه لاسكانهن ان عجزت المبانى المخصصه عن احتوائهن .. مانشيت يحمل القارئ على احترام الشخص "اسامه العبد" ويبعث فى النفس طمأنينه وصدق وارتياح لمؤسسه تعلييميه دينيه مثل جامعة الازهر وثقه عمياء فى رئيس جامعة الأزهر ..... ولكن !! بعد أقل من أسبوعين نرى الطالبات يجلسن على سلم مبنى إدارة الجامعه يستغثن بالمسئول عن طردهن من المدينه الجامعيه فى ساعه متأخره من الليل واضطرارهن للبيات على "بلاط المدينه" !! والمبرر مستهلك جدا الا وهو " أنا بناتى بجد هم اللى يذاكروا ويجيبوا تقديرات وبناء على تقديراتهم دى بنكافئهم بالتسكين دونا عن غيرهم .. مش تيجى واحده ساقطه وتقوللى أنا عايزه أسكن !! " .. ولكن !!! هل تكتب الصحف عن مثل هذا الخبر !!؟ لا ..
بدون مقدمات كلنا شفنا الطالبات فى العام الدراسى الماضى حينما جئن للشكوى من ادارة المدينه الجامعيه للطالبات حيث فوجى الطالبات ب"ثعابين" تخرج عليهن من بين شرفات غرف المدينه !!..
بدون مقدمات كلنا شفنا طالبات طب الازهر فى العام الماضى لما قرروا يتحرروا من استعباد نفوسهم وإذلال كرامتهم وقرروا الاعتصام امام مبنى ادارة الجامعه اعتراضا على دكتوره بتسبهم بأهاليهم وبتقوللهم " انتوا شوية فلاحين و ............" وحينما تعترض طالبه على سب أبيها الذى يجلس فى بيته مطمئنا أو يرقد فى قبره مغفورا له .. تتعرض للتهديد بالرسوب فى مادة الدكتوره "صفاء " التى تألهت !!..
بدون مقدمات كلنا عرفنا الدكتور اللى سب النبى صلى الله عليه وسلم واتهمه بما لا يليق بيه وكلنا شفنا الحشود الطلابيه التى خرجت لتطالب بطرد الشخص الذى سب الذات المحمديه من الجامعه وكلنا شفنا الرد البارد من رئيس الجامعه الذى ان دل على شئ فيدل على ان الكراسى أنستهم الله فأنساهم أنفسهم !!..
بدون مقدمات كلنا شفنا طلاب طب الازهر بأسيوط الذين اعتصموا بالاسابيع فى مبنى ادارة الجامعه يطالبون بأقل حقوقهم الا وهو " مستشفى جامعى "!!!!!!!!!!!!!!!!!
بدون مقدمات كلنا عرفنا بالطلبه اللى كانت حاصله فى العام الماضى على تقدير جيد ومنتقلين من المرحله التانيه للتالته بعد ما صدر قرار تعسفى من ادارة الجامعه بحرمانهم من حقهم فى التسكين فى المدينه الجامعيه .. كلنا عرفنا بيهم وعرفنا باعتصامهم فى الجامعه لمدة اسبوع ولاضطرارهم بالاضراب عن الطعام وباضطرارهم للبيات 5 ايام على بلاط مبنى الادارة !!! وماسكنوش فى الاخر الا لما واحد منهم عمل محضر فى رئيس الجامعه فى قسم تانى مدينة نصر بيتهمه بمخالفة اللايحه !! وماسكنوش الا لما أضربوا عن الطعام وسقطت منهم حاله على الارض فى اخر يوم من ايام الاعتصام نتيجه للاضراب عن الطعام !!..
بدون مقدمات كلنا بنشوف الدم فى أكل المدينه فى وجبة الغدا !! وبنشوف الزلط فى فى العيش فى وجبة العشا !! ورغم إنى أنا شخصيا رحت لرئيس الجامعه بسرفيس الاكل بتاعى قبل كده والدم فى الاكل ووريتهوله بعينه الا اننا لسه لحاد الان بنعانى من نفس المشكله ولم يتم علاجها !! رئيس الجامعه متغرف لسفرياته فى ماليزيا واحنا منتظرين السل يصيب مدينة البنين كمان وباقى الامراض اللى هيظهر تأثيرها فينا وأعراضها علينا بعد زمن نتيجه لسوء التغذيه ..!
بدون مقدمات كلنا شفنا شهداء الثوره اللى من مختلف الجامعات بعد استشهادهم شفنا رؤساء جامعتهم يقودون المسيرات للتحرير للمطالبه بالقصاص وعدم التفريط فى ابناء جامعاتهم ماعدا رئيس جامعتنا "الخسيس" لانه معين بعد الثوره واللى معينه هو المجلس العسكرى !!
بدون مقدمات كلنا بنرفع بنطلوناتنا واحنا ماشيين فى المدينه عشان مياه الصرف اللى فى شوارع المدينه الجامعيه وكلنا شايفين مستوى "وساخة " المدينه والجامعه مقارنة بالجامعات التانيه ومقارنة بحقوق الانسان الادميه !! ومع ذلك ميزانية النضافه بتاعة الجامعه تقدر ب 4 مليون و 200 الف جنيه سنويا !! طب بيروحوا فيييييييين !!؟ فى جيب مييييييييين ؟!
بدون مقدمات كلنا شفنا الاسلوب الرخيص لرئيس الجامعه فى التعامل مع التظاهرات الطلابيه اللى بتحمل مطالب ادميه وتعليميه !! بيطلق علينا بلطجية تربيه رياضيه !! وعشان ما أظلمش حد هقول مجموعه من طلاب تربيه رياضيه وليس الكل !! لان فيهم شرفاء كتير ..!
بدون مقدمات كلنا دخلنا الجامعات التانيه وشفنا مستوى النضافه فيها ومستوى التعليم فيها ومستوى الثقافه فيها وفى المقابل شفنا رداءة جامعتنا فى كل المجالات دى !!
بدون مقدمات كلنا سمعنا اكتر من مره تعليق الدكتور اسامه العبد على اى تظاهره طلابيه تحصل فى جامعتنا وتصريحاته فى الصحف الرسميه بإن دى ليست تظاهرات وانما دى اغتصابات !! كلنا سمعناه وهو بيرمى شباب الجامعه بالباطل وبيتهمهم قدام الاعلام وفى الصحف كلها انهم بيغتصبوا اخواتهم !!..
بدون مقدمات أنا لو هرصد جميع فضائح إدارة جامعتنا لن تكفينى صفحات الفيس !! بدون مقدمات احنا هنقف يوم الحد القادم 8 ابريل 2012 وهنقولها بأعلى صوت قدام مبنى الاداره وقدام مدينة البنات فى وش الاداره وللرأى العام .. نحن نطالب بإقالة قيادات الجامعه وتطهير مكاتبها من الفاسدين ...
بسم الله الرحمن الرحيم ..
بدون مقدمات كلنا شفنا اللى حصل فى مدينة الطالبات .. طالبه تمرض ثم تنتقل العدوى منها لزميلاتها ثم من زميلاتها لباقى الطالبات ومع الوقت ومع اهمال ومع تجاهل ادارة وقيادات الجامعه نلمس بأيدينا ونبصر بأعيننا على مدار 48 ساعه سيارات إسعاف تدخل "المدينه الجامعيه لمدينة الطالبات " وتخرج منها بضحيه !! بمعدل 3 حالات فى الساعه تقريبا !!
بدون مقدمات كلنا عرفنا اللى حصل فى مدينة الطالبات برابعه العدويه فى بداية السنه الدراسيه الحاليه ,, بمنتهى الشجاعه وبطلعة ثوريه لم نعهدها على فل قط .. يخرج علينا رئيس جامعة الازهر الشريف ليدلى بتصريحاته فى الصحف البراقه ويقول قررت أنا رئيس جامعة الازهر تسكين كل بنات الازهر واحتوائهم فى المدن الجامعيه الخاصه بهن وتأجير مبانى اضافيه لاسكانهن ان عجزت المبانى المخصصه عن احتوائهن .. مانشيت يحمل القارئ على احترام الشخص "اسامه العبد" ويبعث فى النفس طمأنينه وصدق وارتياح لمؤسسه تعلييميه دينيه مثل جامعة الازهر وثقه عمياء فى رئيس جامعة الأزهر ..... ولكن !! بعد أقل من أسبوعين نرى الطالبات يجلسن على سلم مبنى إدارة الجامعه يستغثن بالمسئول عن طردهن من المدينه الجامعيه فى ساعه متأخره من الليل واضطرارهن للبيات على "بلاط المدينه" !! والمبرر مستهلك جدا الا وهو " أنا بناتى بجد هم اللى يذاكروا ويجيبوا تقديرات وبناء على تقديراتهم دى بنكافئهم بالتسكين دونا عن غيرهم .. مش تيجى واحده ساقطه وتقوللى أنا عايزه أسكن !! " .. ولكن !!! هل تكتب الصحف عن مثل هذا الخبر !!؟ لا ..
بدون مقدمات كلنا شفنا الطالبات فى العام الدراسى الماضى حينما جئن للشكوى من ادارة المدينه الجامعيه للطالبات حيث فوجى الطالبات ب"ثعابين" تخرج عليهن من بين شرفات غرف المدينه !!..
بدون مقدمات كلنا شفنا طالبات طب الازهر فى العام الماضى لما قرروا يتحرروا من استعباد نفوسهم وإذلال كرامتهم وقرروا الاعتصام امام مبنى ادارة الجامعه اعتراضا على دكتوره بتسبهم بأهاليهم وبتقوللهم " انتوا شوية فلاحين و ............" وحينما تعترض طالبه على سب أبيها الذى يجلس فى بيته مطمئنا أو يرقد فى قبره مغفورا له .. تتعرض للتهديد بالرسوب فى مادة الدكتوره "صفاء " التى تألهت !!..
بدون مقدمات كلنا عرفنا الدكتور اللى سب النبى صلى الله عليه وسلم واتهمه بما لا يليق بيه وكلنا شفنا الحشود الطلابيه التى خرجت لتطالب بطرد الشخص الذى سب الذات المحمديه من الجامعه وكلنا شفنا الرد البارد من رئيس الجامعه الذى ان دل على شئ فيدل على ان الكراسى أنستهم الله فأنساهم أنفسهم !!..
بدون مقدمات كلنا شفنا طلاب طب الازهر بأسيوط الذين اعتصموا بالاسابيع فى مبنى ادارة الجامعه يطالبون بأقل حقوقهم الا وهو " مستشفى جامعى "!!!!!!!!!!!!!!!!!
بدون مقدمات كلنا عرفنا بالطلبه اللى كانت حاصله فى العام الماضى على تقدير جيد ومنتقلين من المرحله التانيه للتالته بعد ما صدر قرار تعسفى من ادارة الجامعه بحرمانهم من حقهم فى التسكين فى المدينه الجامعيه .. كلنا عرفنا بيهم وعرفنا باعتصامهم فى الجامعه لمدة اسبوع ولاضطرارهم بالاضراب عن الطعام وباضطرارهم للبيات 5 ايام على بلاط مبنى الادارة !!! وماسكنوش فى الاخر الا لما واحد منهم عمل محضر فى رئيس الجامعه فى قسم تانى مدينة نصر بيتهمه بمخالفة اللايحه !! وماسكنوش الا لما أضربوا عن الطعام وسقطت منهم حاله على الارض فى اخر يوم من ايام الاعتصام نتيجه للاضراب عن الطعام !!..
بدون مقدمات كلنا بنشوف الدم فى أكل المدينه فى وجبة الغدا !! وبنشوف الزلط فى فى العيش فى وجبة العشا !! ورغم إنى أنا شخصيا رحت لرئيس الجامعه بسرفيس الاكل بتاعى قبل كده والدم فى الاكل ووريتهوله بعينه الا اننا لسه لحاد الان بنعانى من نفس المشكله ولم يتم علاجها !! رئيس الجامعه متغرف لسفرياته فى ماليزيا واحنا منتظرين السل يصيب مدينة البنين كمان وباقى الامراض اللى هيظهر تأثيرها فينا وأعراضها علينا بعد زمن نتيجه لسوء التغذيه ..!
بدون مقدمات كلنا شفنا شهداء الثوره اللى من مختلف الجامعات بعد استشهادهم شفنا رؤساء جامعتهم يقودون المسيرات للتحرير للمطالبه بالقصاص وعدم التفريط فى ابناء جامعاتهم ماعدا رئيس جامعتنا "الخسيس" لانه معين بعد الثوره واللى معينه هو المجلس العسكرى !!
بدون مقدمات كلنا بنرفع بنطلوناتنا واحنا ماشيين فى المدينه عشان مياه الصرف اللى فى شوارع المدينه الجامعيه وكلنا شايفين مستوى "وساخة " المدينه والجامعه مقارنة بالجامعات التانيه ومقارنة بحقوق الانسان الادميه !! ومع ذلك ميزانية النضافه بتاعة الجامعه تقدر ب 4 مليون و 200 الف جنيه سنويا !! طب بيروحوا فيييييييين !!؟ فى جيب مييييييييين ؟!
بدون مقدمات كلنا شفنا الاسلوب الرخيص لرئيس الجامعه فى التعامل مع التظاهرات الطلابيه اللى بتحمل مطالب ادميه وتعليميه !! بيطلق علينا بلطجية تربيه رياضيه !! وعشان ما أظلمش حد هقول مجموعه من طلاب تربيه رياضيه وليس الكل !! لان فيهم شرفاء كتير ..!
بدون مقدمات كلنا دخلنا الجامعات التانيه وشفنا مستوى النضافه فيها ومستوى التعليم فيها ومستوى الثقافه فيها وفى المقابل شفنا رداءة جامعتنا فى كل المجالات دى !!
بدون مقدمات كلنا سمعنا اكتر من مره تعليق الدكتور اسامه العبد على اى تظاهره طلابيه تحصل فى جامعتنا وتصريحاته فى الصحف الرسميه بإن دى ليست تظاهرات وانما دى اغتصابات !! كلنا سمعناه وهو بيرمى شباب الجامعه بالباطل وبيتهمهم قدام الاعلام وفى الصحف كلها انهم بيغتصبوا اخواتهم !!..
بدون مقدمات أنا لو هرصد جميع فضائح إدارة جامعتنا لن تكفينى صفحات الفيس !! بدون مقدمات احنا هنقف يوم الحد القادم 8 ابريل 2012 وهنقولها بأعلى صوت قدام مبنى الاداره وقدام مدينة البنات فى وش الاداره وللرأى العام .. نحن نطالب بإقالة قيادات الجامعه وتطهير مكاتبها من الفاسدين ...