نجوم مصرية
منتديات نجوم مصرية منتدى التسلية والترفيه منتدى الحب والرومانسية



ده حب

 

تكلم هامساً عندما تتكلم عن الحب



الحب جحيم يطاق . . والحياة بدون حب نعيم لا يطُاق

قد تنمو الصداقة لتصبح حباً ، ولكن الحب لا يتراجع ليصبح صداقة

الحب تجربة حية لا يعانيها إلا من يعيشها

الحب سلطان ولذلك فهو فوق القانون

الحب كالحرب من السهل أن تشعلها . . من الصعب أن تخمدها

الحب هو اللعبة الوحيدة التي يشترك فيها اثنان ويكسبان فيها معاً أو يخسران معاً

قد يولد الحب بكلمة ولكنه لا يمكن أبداً أن يموت بكلمة

الحب لا يقتل العشاق . . هو فقط يجعلهم معلقين بين الحياة و الموت

مأساة الحب تتلخص في أن الرجل يريد أن يكون أول من يدخل قلب المرأة . .

و المرأة تريد أن تكون آخر من يدخل قلب الرجل

في الحب خطابات نبعث بها وأخرى نمزقها وأجمل الخطابات هي التي لا نكتبها

الحب وردة والمرأة شوكتها

يضاعف الحب من رقة الرجل ، ويضعف من رقة المرأة

الحب عند الرجل مرض خطير ، وعند المرأة فضيلة كبرى

الحب أنانية اثنين

الحب المجنون يجعل الناس وحوشاً

ما الحب إلا جنون

الحب ربيع المرأة وخريف الرجل

الحب يرى الورود بلا أشواك

إذا أحبتك المرأة خافت عليك ، وإذا أحببتها خافت منك

الحب يستأذن المرأة في أن يدخل قلبها ، وأما الرجل فإنه يقتحم قلبه دون استئذان

الحب أعمى والمحبون لا يرون الحماقة التي يقترفون

الحب دمعة وابتسامة

ما أقوى الحب ، فهو يجعل من الوحش إنساناً ، وحيناً يجعل الإنسان وحشاً

الحب لا يعرف أي قانون

الحب هو الأكثر عذوبة والأكثر مرارة

نتائج الحب غير متوقعة

الحب هو تاريخ المرأة وليس إلا حادثاً عابراً في حياة الرجل

الحب يدخل الرجل عبر العينين ، ويدخل المرأة عبر الأذنين

الرجال يموتون من الحب ، والنساء يحيين به

الغيرة هي الطاغية في مملكة الحب

المرأة لغز ، مفتاحه كلمة واحدة هي: الحب

الحب زهرة ناضرة لا يفوح أريجها إلا إذا تساقطت عليها قطرات الدموع






الحب أقوى العواطف لأنه أكثرها تركيباً

الحب هو الدموع ، أن تبكي يعني أنك تحب

وجد الحب لسعادة القليلين ، ولشقاء الكثيرين

الحب سعادة ترتعش

إن الحب يهبط على المرأة في لحظة سكون ، مملوءة بالشك والإعجاب

تولد الغيرة مع الحب ، ولكنها لا تموت معه

شيئان يفسدان الحب .. الصمت والإهمال

الحب كالرمل في يدك‏..‏ اذا أقفلت أصابعك عليه برفق بقي في بطن يدك‏,‏ وان ضغطت عليه هرب من أصابعك‏

الذي يخاف الحب أرق من الذي يخافه

الحب الحقيقي : هو أن تحب الشخص الوحيد القادر على أن يجعلك تعيسا

أجمل ما في الدنيا: الحب والرغيف والحرية

الإهمال يقتل الحب ، والنسيان يدفنه

الحب سلطان ولذلك فهو فوق القانون

أنت لا تعرف قلبك حتى تفشل في الحب

الحب كالقمر له وجهان: الغيرة هي الوجه المظلم

الحب يقضي على الكثير من الآلام لأنه أعظمها

الدموع تروي الحب والبسمات تنعشه

الحب يجعل الزمن يمضي والزمن يجعل الحب يمضي

الحب أن تفنى في شيء والموت أن يفنى فيك شيء

الحب الحقيقي هو الذي تحس به بعد فوات الأوان

الحب هو أن تبالغ في قيمة من تعرف ، والغيرة هي أن تبالغ في قيمة من لا تعرف

الإخلاص في الحب ليس إلا كسلا في النظر إلى إنسان آخر








المقال "ده حب" نشر بواسطة: بتاريخ:
سلمى
فين ردروكم ياجماعه ولا الموضوع مش عاجبكم
ain_517
واضح انك متاثره بكاتبنا الكبير / انيس منصور ابن المنصوره
chery_star26
الموضوع جميل جداا يا سلمى
مشكوره جداااا
chery
سلمى
ميرسى لكم

على المرور الجميل
روميو
التوبيك جميل اوي يا سلمي بجد

واستمري في مشاركاتك الحلوه دي
KONEYLOVE
جميل التوبيك يا سلمى


شدى حيلك ......عايزين المزيد من الكلام الحلو ده
سلمى
ميرسى روميو على مرورك

ميرسى koneylove على المرور الجميل
nova x
أنا عايز أقول حاجة مختلفة هو كلام كويس بس أحنا المفروض نشكر أنيس منصور مش نشكرك أنتى وبعدين هل أنتى مريتى بتجربة حب عشان تكونى عارفة وحاسة كل هذه المشاعر ولا هو مجرد كلام بتكتبيه علشان تكسبى بيه مواضيع كتير وخلاص وبعدين فى نقطة كمان أنتى كنتى كتبتى موضوع أسلامى عن اللعبة بتاعت سبحان الله و الحمد لله أزاى تكتبى بعد أو قبل كدة موضوع عن الحب والكلام الفاضى ده مش شايفة أن شخصيتك متناقضة بعض الشئ أرجو التفسير لو تكرمتى
روميو
تسمحلي اسألك انت سؤال بسيط يا استاذ ( خليفه خلف خلف الله خلف خلاف ) يا تقي

انت ليه اصلا دخلت منتدي رسايل حب طالما انت مش حابب الكلام ده؟

انا مش شايف شخصيه متناقضه اكتر من شخصيتك انت

حاول تعالج نفسك بجد واكيد ان شاء الله هتبقي احسن





وكلامك جميل يا سلمي

شكرا ليكي
nova x
أديك نصيحة يا........ أسمك أيه أه روميوووووووووو لازم تعرف كل حاجة عن كل حاجة عشان تكون مميز
أنا من النوع اللى بيدخل أى مكان بس المهم ماتأثرش بيه لو كان مش كويس
كنت عايز بس أشوف الهايفين بيفكرو أزاى والحمد الله عرفت وده أولا
أما ثانيا أفتكر أن الموضوع ده اللى كتبته الأنسة سلمى وأنا برد على كلامها فباى حق أنت تدخل وترد على كلامى هى دى الأصول يا.............. وأنت تعرف أن ده مرض نفسى أسمه الفضول أكيد ماتعرفش طبعا
أظن بقى اللى محتاج يتعالج حد تانى خالص مش أنا
وأوضح شئ صغير للأنسة سلمى مش لك خااااااااااالص
أنا لما كتبت الرد بتاعى مكنش بسبب شئ بينى وبينك أنا حتى معرفكيش بس هو أختلاف رأى وأنا شايف أنك أإنسانة ناضجة وده واضح من المواضيع التانية مش ده طبعا ولذلك نضوجك ده يخليكى تاخدى الأراء المضادة بصدر رحب ومن غير زعل وده أنا متأكد منه
وأرجو منك أنك ماتزعلش منى اذا كنت قاسى شوية فى حكمى عليكى بس ده غصب عنى
أما فيما يتعلق بالدخلاء وهما عارفين نفسهم كويس أرجو أنهم مايدخلوش فى اللى مالهمش فيه
ويضعوا ألسنتهم فى أفواههم ويتسدو
مثلا زى الشخص اللى شبه الجبنة الروميو
nonosh
طبعااااا انتى موضيعك بتعبر عنك يا سلمى
انتى شخصيه جميله وعايزين نشوف اكتر من مواضيعك الجميله دى

وياريت تسمحولى في كلام كابتن نوفا ورميووووو

يا بشمهندس نوفا الكلام الى بتكتبه ده مش صح بالمره

ايه المشكله لما تكتب موضوع اسلامى ورراه موضوع عن الحب

انا عن نفسي مش شايفه فيها اى مشكله وبالنسبه لرد

روميو عليك فدى حاجه طبيعيه لان احنا في المنتدى هنا كلنا اصدقاء وانا مش شايفه
ان روميو هوا الى دخيل وياريت تتقبل تعليقي على كلامك


وعمومااااااا ابدعتى يا سلمى نيس توبيك
الناقد
أنا شايف الموضوع رائع جدا ..
أشكرك بجد على الطرح ..
ولازم واحد كده يطلع من وسط البشر ..
يعمل نفسه ..
أرسطو ...
نصيحه ..
الشجر المثمر هو من يرمى بالحجر ..
عزيزتي أستمري ..
وإلى الأمام ,,
تحياتي ..
سلمى
شوف يانوفا انا قلتلك قبل كده ف موضوع من موضاعاتى كنت بتبتقده برده وبأسلوب مش كويس قلتلك ياريت تحس من اسلوبك فى النقد يأما متردش عليه اصلا
والمفروض انك عضو جديد المفروض انك اشتركت فى المنتدى وناوى انك تكسب صداقات جديده مش اول متبدأ كده تنتقد كل الى حوليك
وبالنسبه لان روميو دافع عنى زى مقالتnonosh ده شىء طبيعى لاننا كلنا هنا فى المنتدى اصحاب ومش بنفرق حد عن التانى
وانا متشكره جدا ياروميو لانك دافعت عنى ومتكشهر ليكى يا nonosh

مثلا زى الشخص اللى شبه الجبنة الروميو........ الجمله الى انت قلتها دى بقى بتدل على انك معندكش اسلوب حوار كويس وانا مسمحلكش انك تقول تتريق على اى حد عندنا فى المنتدىوخصوصا بقى روميو لانه دافع عنى انت داخل المنتدى تتنتقد وبس

نصيحه منى ياريت يكون اسلوبك كويس شويه علشان تكون صديق كويس معانا فى المنتدى

يانوفا بلاش تتريق على حد فى المنتدى لو عاوز تستمر
انا اكتب مواضيع فى اى مكان فى المنتدى وانا شايفه انك منتقدش حد غيرى
روميو
شكرا يا سلمي وماتزعليش من الكلام ده

وانا اسف لو كنت اتطاولت في الكلام شويه بس الكابتن نوفا نرفزني
سلمى
ولا يهمك ياروميو
mostafa taha
ربنا يرحم والدتك يا سلمى
mostafa taha
ىا رب تكونى صديقه لى ياريت تبعتلى رد
nova x
يعنى كلكم عليا ماشى شكرا أنا قابل أى كلام من أى حد وراضى بحكمكم عليا ألا البنى أدم اللى أسمه سونيو ده

وشكرا ياسلمى على كلامك عليا بس أنا كان نفسى نكون أصحاب فحبيت أتعرف عليكى بس بطريقة مختلفة شوية

طبعا أنا معرفكيش بس اللى أنتى حطاها لفتت نظرى ليكى وكأن أنت الأنسانة دى أصلها بنت جميلة أوى

والأحسن فيها أنها رقيقة

يريت ماتزعليش منى ياسلمى ولا أى حد من الأعضاء الا واحد ......................... كلكم عرفينو طبعا

وأنا عشان ماتعوتش أن حد يكرهنى فى أى مكان أنا فيه ولأنى حاسس أن كلكم بتكرهونى وأولكم سلمى

أنا مش هدخل المنتدى ده تانى وان كنت بحبه جدا



سامحونى كلكم


سلام
سلمى
شكرا يامصطفى على مرورك
بالنسبه يعنى لنك قلت ربنا يرحم والدتك
ليه قلت كده او ليه مقلتش والدتى ووالدى ياريت بقى اعرف منك الرد
يسرا هانى
تسلمى ياسلمى
elkotsh
انا لسه عضو جديد وانبهرت بجد بكلامك ممكن تضيفي في الموضوع




بس بجد ممتازة





احيييكي وايدك بشده يا سلمي




elkotsh must be wins
elzayan
اولا احب احيى الاخت سلمى على هذه الكلمات الرقيقة

ثانيا احب ان اقول للاخ ان هو قال فى الرد بتاعه انه عايز يوجه الشكر لأنيس منصور

طب انت عرفت منين ان الكلام ده بتاع انيس منصور

معنىكده ان انت بتقرا له كتير عشان كده عرفت من الاسلوب ان الكلام ده ما ينفعش يكون كلام حد تانى غير انيس منصور

يبقى انت كده اللى شخصيتك فيها تناقض وبتحاول تتصيد الأخطاء للاخرين وده عيب ارجو ان انت تحاول تصلحه عشان تكسب ود الجميع

لأن الانسان بطبعه مش بيحب حد يعدل عليه

واخيرا اود ان اهمس فى اذن سلمى واقول لها : حاولى يا سلمى تنسبى الكلام للى قايله وعلى فكره ده مش هيقلل

منك بل بالعكس ده هيمنحك صفة الامانة وهيخلى الجميع يحترمك

ارجو يا جماعة ما حدش يزعل منى

اخوكم محمد الزيان
سلمى
شكرا جدا ياجماعه على ردودكم الجميله
وشكرا ليك يامحمد ان شاء الله مفيش حد زعلان
nova x
برد على الأخ اللى بيقول أنى بقرأ لأنيس منصور

أنا مش بقرأ له ولا حاجة كل ما فى الموضوع أن فى أخ زميل فى المنتدى كان كاتب أن الكلام بتاع الأنسة دى بتاع أنيس منصور بس كدة

و على ما أظن مش عيب لو أخدت معلومة من شخص ما وقلتها فى ردى
عصفور المطر
يا سلمى انتى انسانه رائعه....ورقيقه....ونحن كلنا اعضاء المنتدى اخوه واصدقاء....ولم نتعود على الكلام اللاذع والنقد الهدام....ومن يفعل ذلك فى المنتدى سوف نقاطعه تماما ونتجاهله كانه ليس موجود....وايه يعنى لما نتكلم فى الحب والدين والسياسه والشعر والفن وكل شىء طالما لم يخرج عن الاداب العامه....الى الامام دائما يا سلمى....تحياتى..
moha4332002
موضوع هائل جدا وشكرا ليكى وسيبك من الاخ اللى شكله جاى من الصحره
الناقد
ياجماعة الردود زادت عن الحد ..

وللاسف الموضوع أتنسى ..
وبقى الموضوع عباره عن منصه ..

لده قال وده عاد ..

ياجماعه أنا بقترح نرجع من تاني لعنوان الموضوع واعتقد أن في مراقبين لحل الإشكاليات ده ..

تحياتي ..
احمد طلعت كلية الحقوق
جميل جدا يا سلمى
سلمى
شكرا لمروركم جميعا
اتمنى ان التوبيك يكون عجبكم



اسم العضو:
سؤال عشوائي يجب الاجابة عليه

الرسالة:


رابط دائم

Powered by vBulletin Version 3.8.8
Copyright ©2000 - 2018, Jelsoft Enterprises Ltd
جميع الحقوق محفوظة © nmisr.com نجوم مصرية