انا مصريه ومتجوزه من 7 اشهر بعد خطوبه 3 سنوات زوج مسافر احد البلاد العربي بعد الزوج ب 45 يوم قبل الزوج مكنش يعدي يوم غير ما يكلمني ومكنش بيقدر علي زعالي لكن بعد الزوج بقا يعدي اليوم من غير ما يكلمني بقا يزعل مني لما اقوله وحشني ارجع بقا والله بقا يزعل مني لما اقوله كده في زوج يزعل من زوجته لما تقوله ارجع انت وحشني ويتخنق معاها ويسبها تنام زعلانه !!! يااااااااه لدرجه كده الرجل بيتغير بعد الزوج معن وهو مسافر كان هموت عليا لكن اما سافر بقا متغير معايا !!! اقوله حبيبي انا عمتلك حاجه يقول لا بس ضغط الشغول بس والله انا تعبت تعبت تعبت اووووووووووووي منه تعبت لدرجه اني مبقتش حسه بوجده معايا لدرجه انه خالص مبقاش يوحشني وغير كده انا بقيت احن لحبي الاولين معن كان حب من طرف واحد دلوقتي انا حسه اني عايزه اطلق منه لاني مش حسه بي اعمل ايه انصحوني

لا تتسرعى فى الحكم على زوجك
فربما يكون زوجك بيحبك جدا
لكن بعدك عنه ضاغط عليه نفسيا
وكل مابتكلميه بيحس ببعدك عنه أكتر فبيتعب أكتر
ولما بتقوليله وحشتنى ، بيتعب أكتر لإنك إنت كمان وحشاه ومافيش فى إيده حاجة يعملها
فبيتعب أكتر وبيتعصب لإنه تعبان من بعدك عنه وهوا قليل الحيله
فأصبرى حتى يرجعلك فى أقرب أجازة
ويا إما يأخذك معاه ، يا إما يرجع وتعيشوا زى الناس ما هى عايشه


وحبك الأول إيه بس وإنتى باقيتى ست متجوزة؟!!!!!
ألا يكفيكى أنه كان من طرف واحد
لكن جوزك بيحبك جدا
إفتكرى أول 45 يوم وإنتوا مع بعض وهما هايثبتولك حبه ليكى

ربنا يجمع شملكم تانى وما يفرق بينكما أبدا
ويؤلف بين قلوبكما ويجعل بينكما الحب والمودة والرحمة