السلام عليكم ورحمة الله وبركاته

موضوع بيحصل كتير شويه او يعنى كتير اوووى

طيب لية مش لاقين حل؟؟ وليه مفيش حاجه بتنفع؟؟

ليه وليه وليه وليه ؟؟؟؟؟؟


رغم اننا ساعات بتيجي على بالنا افكار جميلة جدا جدا جدا

وبجد ممكن الافكار ديت لو اتنفذت بتفيدنا فى كل حياتنا

وكمان ساعات الانسان بيكون خلاااااص لسه هياخد كويك دسيجن (قرار سريع )



وف الاخر يلاقي الف وتلتميت واحد يطلعلوا كذا وسيلة

بحيث انها تدمر الفكرة بتاعته او القرار بتاعه

وف الاخر كل افكارنا وهممنا بتتهد

ومش بنعمل اي حاجه مفيدة ف حياتنا

بسبب كل الكلام الوحش اللي بيتقال

زي مثلاً

"هو انت يا حبيبي هتعمللى نفسك زويل "

"ولا كمان تطلع تنافس ابراهيم الفقي احسن بكتابك العبيط ده"

وكمان واحد يقولك

" يعني يا بنى ادم هو انت اللي هتغير الكون "



بصراحة بعضنا بيحبط وبييأس وف الاخر يخرج من الدنيا بلاشيء

مصطفى صادق الرافعي قال حاجة جميلة جدا بيقول

" إن لم تضف شيئاً على الدنيا

فستصبح انت زائداً عليها "

السوال دلوقتى

هو انت عملت اييييييييه ف حياتك لغاية دلوقتي تفتخر بيه

سواء كنت طالب - موظف - عامل - خريج - دكتور - مهندس ..............

واحب اقولكو كلمة من القلب بجد ويارب تدخل القلب

إذا كنت ذا رأي فكن ذا عزيمة فإن فساد الرأي أن تترددا

في البلد ديه أنت جاوب أنت ممكن تعمل أيه

قوللي بألله عليك

حاقولك بأه الكلام أللي بيتقال

أللي بيفيد بيفيد نفسه أللي بينفع بينفغ نفسه

وأللي بيتكلم كتير ما بيعملش حاجه وأحنا أحسن شعب في الكلام الكتير

للطلاب هو في تعليم أصلا في بلدك

للموظفين طبعا الكل يعلم معنى كلمه موظف في مصر

للعامل الحمد لله أنه لاقي شغله يأكل بيها نفسه

للخريج أيه لزمته ده بأه عاله على المجتمع

للدكتور والمهندس كويس أنهم لقيين شغل

الأجوبه محبطه لأن ده حال بلدك

الله يرحمنا جميعا.