هويس الشعر العربى هشام الجخ
قصيدة أيوة بغيرة
كلمات القصيدة
أيوة بغير ... أيوة بغير
لا انا نقصان ولا ضعفان
ولا مسطول ولا سكران
ولا زايغ من عينى الضى
ولا حد احسن منى فى شىء
بس بغير
واللى قالولك غيرة الراجل قلة ثقة او قلة فهم
خلق حمير
غيرة الراجل
نار فى مراجل
نار بتنور مبتحرقش
واحنا صعايدة منستحملش
شمسنا حامية وعرقنا حامى وطبعنا حامى
واللى تخلى صعيدى يحبها يبقى يا غلبها
اصلنا ناس على قد الطيبة كلنا هيبة
والنسوان فى بلادنا جواهر
طب لو عندك حتة ماس
هتخليها مداس للناس
ولا هتقفلى اوضة عليها بمية ترباس
يمكن حتى تأجرى ليها جوزين حراس
يبقى انا لا غافل ولا جاهل
كل الفرق ما بينى وبينك انى صعيدى
يلعن ابو ده اليوم اللى حل
اللى لا ليه اخر ولا اول
اللى طلعت لقيتنى صعيدى
لو كان بايدى
كنت اعملك هندى بريش
واقلب شعرى كنيش كرابيش
والبسلك سلسلة متدلدلة خرزة وقلب
بس ازاى البسلك سلسلة !
هو انا كلب ؟
ثم العبرة مش فى اللبس
اصل المشكلة مش فى اللبس
اصل المشكلة عندك عندك
قلت هسيبها وبكرة تحس
بعده تحس بعده تحس
ده انا لو جبس كنت زعقت
ماشى صداقة وماشى زمالة
بس مجاتش على الرجالة
ماهى نسوان الدنيا كتير
وانا مبقولش تخاصمى الناس
ولا تتحجبى عن الرجالة
ولا تعتكفى وتسكنى دير
بس ياريت حبة تقدير
انى بحبك وانى باريدك
وانى زرعت حياتى فى ايدك
وانى غزلت بنات الدنيا عقود على جيدك
وانى تعبت من التفكير
وانى بغير
قصيدة أيوة بغيرة
كلمات القصيدة
أيوة بغير ... أيوة بغير
لا انا نقصان ولا ضعفان
ولا مسطول ولا سكران
ولا زايغ من عينى الضى
ولا حد احسن منى فى شىء
بس بغير
واللى قالولك غيرة الراجل قلة ثقة او قلة فهم
خلق حمير
غيرة الراجل
نار فى مراجل
نار بتنور مبتحرقش
واحنا صعايدة منستحملش
شمسنا حامية وعرقنا حامى وطبعنا حامى
واللى تخلى صعيدى يحبها يبقى يا غلبها
اصلنا ناس على قد الطيبة كلنا هيبة
والنسوان فى بلادنا جواهر
طب لو عندك حتة ماس
هتخليها مداس للناس
ولا هتقفلى اوضة عليها بمية ترباس
يمكن حتى تأجرى ليها جوزين حراس
يبقى انا لا غافل ولا جاهل
كل الفرق ما بينى وبينك انى صعيدى
يلعن ابو ده اليوم اللى حل
اللى لا ليه اخر ولا اول
اللى طلعت لقيتنى صعيدى
لو كان بايدى
كنت اعملك هندى بريش
واقلب شعرى كنيش كرابيش
والبسلك سلسلة متدلدلة خرزة وقلب
بس ازاى البسلك سلسلة !
هو انا كلب ؟
ثم العبرة مش فى اللبس
اصل المشكلة مش فى اللبس
اصل المشكلة عندك عندك
قلت هسيبها وبكرة تحس
بعده تحس بعده تحس
ده انا لو جبس كنت زعقت
ماشى صداقة وماشى زمالة
بس مجاتش على الرجالة
ماهى نسوان الدنيا كتير
وانا مبقولش تخاصمى الناس
ولا تتحجبى عن الرجالة
ولا تعتكفى وتسكنى دير
بس ياريت حبة تقدير
انى بحبك وانى باريدك
وانى زرعت حياتى فى ايدك
وانى غزلت بنات الدنيا عقود على جيدك
وانى تعبت من التفكير
وانى بغير