أخى الفاضل بارك الله فيك
ربنا ينور طريقنا و نفهم الصح من الغلط
هو بيعمل شو اعلامى بدليل انه لم يفتكر الصلاه و لا الاذان الا بعد ما نعقدت اكتر من جلسه للبرلمان؟
و امبارح سمعت الشيخ حسان بارك الله فيه قال ده لا يجوز شرعا لان الاذان له حرمته و قدسيته و لازم يكون فى المكان الذى تدعو فيه الى الصلاه جماعه يعنى فى محراب المسجد .. و فى مسجد فى مجلس الشعب على بعد خطوات يروح يدن فيه و ده دليل تانى انه فضل يعملها قدام الكاميرات لان المسجد ما فيهوش كاميرات
البرلمان له حرمته و خصوصيته و قدسيته زى العمل فى اى مقر عمل او فى محراب جامعه او اى حته او منشأه هامه دى حتى الثوره كانوا بيصلوا فى الميدان جمع صلاتين علشان عارفين انهم حيقعدوا للعصر فيه
الصلاه شىء بينك و بين ربك فيها خصوصيه و خشوع و ايمان و كانك تهمس لله و ملائكته بدموعك و خشوعك مش علشان تبين للناس انك بتصلى يعنى انا باصلى الصبح فى البيت و فى الشغل ممكن يكون قدامى الظهر و العصر باصليهم فى وقت الغدا الساعه راحه و ارجع بيتى اصلى المغرب و العشا .. لا اعطل العمل و قت العمل اللى بأخذ عليه اجر لان العمل عباده .. و فى ناس بتتعمد تعطيل العمل علشان تروح الجامع بره الشغل علشان تصلى جماعه و مش بيعوضوا الوقت الضائع فى الصلاه فى العمل .. و لو صاحب العمل قال لهم عيب يقلبوا عليه و يكفروه و دى مصيبه
لكن كان فى واحده فى الشغل اول ما توصل فيها نص ساعه على الاقل تتوضا و تصلى الصبح و بعدها بكام ساعه نلاقيها دخلت الحمام تانى بالقبقاب و تشمر و تتوضا و تصلى الضحى و كمان شويه تدخل تانى تتوضا و تصلى الضهر و بعد كام ساعه تدخل و تتوضا و تصلى العصر ... ما بنشفهاش الا مبلوله و مشمره على طول و القبقاب فى ايدها او الشبشب و الفوطه و سجاده الصلا (الصينى) .. و مره زارتنا هى و جوزها فى البيت الراجل حلف لى الف يمين انها ما بتصليش المغرب و العشا فى البيت
فى ناس غاويه تضيع وقت علشان لو حد بخ فيها يبقى ضد الدين و ضد الله و رسوله و الصلاه و ده اسمه استنطاع و شو و ليس له علاقه بالايمان لان العمل ايمان و عباده و له قدسيته مش مسأله صلا هو بيعمل شووووووووووووووووو
و لكى الله يا مصر بقى عندك مجلس شعب يجتمع علشان يجزأ الشعب لبلطجى و شريف و يطالب اهالى الشهداء بقبول الديه على القتل العمد و لما ما يعرفش يحاكم وزير الداخليه على الانفلات الامنى و المدابح و على العصيان المدنى للداخليه من اول الثوره الى اليوم يعطيها رخصه لقتل الشعب بحجه انه بلطجى و الشعب يطالب البرلمان و رئيسه بتحمل مسئوليه الرئاسه المدنيه يخاف و يكش و لما يتزنق و ما يقدرش يقول هتاف الشعب (يسقط يسقط حكم العسكر) يقوم يأذن فى حرم المجلس و لو مش عايز شو كان قدم ورقه تنبيه لرئيس المجلس فى سكوت او قدم طلب تشريع استراحه فى وقت الصلاه و فى مسجد المجلس لا يؤم الاعضاء رئيس المجلس بل يأمهم اصغر فراش او عامل كافيتريا فى المجلس (هو ده شرع الله اللى عايزينه فى مصر)
و تحيا مصر و ثوره مصر و شعبها العظيم
يا اختنا الفاضلة
مشكلتك زي كل مرة
انا بصراحة بقيت اخاف ادحل معاكي في اي حوار
تلاته بالله العلي العظيم قلنا ان الراجل كلم الكتتاتني من اول الجلسات كام مرة عشان يوقف الجلسة عشان يروحوا يصلوا
والكتاتني نفض
فالراجل لما غلب حماره وحصانه
راح مإذن
موضوع بقي شرعية الاذان في المجلس صح ولا خطأ
دا موضوع تاني
بس هو كان بيحث الكتاتني يمكن يحس علي دمه
يارب تكون وصلت
واتاكدي من الفيديو بتاع ممدوح اسماعيل وان قال فيه انه كلم الكتاتني كذا مرة ومن اول الجلسات علي انهم يوقفوا الجلسات عشان يروحوا يصلوا
0000000000000000000000
طبعا هتيجي تردي وتقولي انه كان بيعمل شو عشان اشمعني سكت كل الجلسات اللي فاتت وجه في الجلسة دي وأذن :d
