كوكتيل نكــــــت مميزة وحلوة
واحد العجوز طلعت في bus، قاتلهم قعدوني... قعدوها،
بعدها قاتلهم خلصولي بلاصة...خلصولها،قاتلهم شربوني...شربوها،
أمالا ناض واحد الشيخ وقالهم: هبطوني، قالولو: عــــــلاه؟؟
قالهم: خايف تقول زوجوني وتلصقوها فيا
مرة واحد راح لحديقة الحيوانات
وراح عند الأسد ودخل راسه فالقفص...امالا شافو الحارس جا يجري
وقالو: ماتزيدش دخل راسك!واش قالو الراجل؟؟؟
قالو: واشبيك خو؟ مانيش راح ناكلوا...
وحدة قصيرة قالت لواحد: صح أنا قصيرة؟؟
قالها شكون قالك هكذا؟؟
قالتلو كامل الناس يقولولي نتي قصيرة...
قالها صحا نوضي نشوف إيلا صح
قالتلو راني واقفة.
واحد ساعة واقف قدام لمراية ويقول :واين شايفك وين شايفك؟
إيه سي بون تفكرت ... عند الحفاف
قالك واحد كان يجري مور التران (قطار) يطيح وينوض
والناس كامل اللي راكبين يضحكو عليه
قالك خرج واحد راسو وقالو: ياو ريح ماتجري راك قتلتنا بالضحك
رد عليه الراجل: أمالا كي متو بالضحك زيدو موتو بالخلعة ...
ياو أنا الشوفور تاع التران
قالك هذا واحد البوليسي سقسي واحد السيد
قالو:وين تسكن؟ قالو: مع خويا
قالو البوليسي: وخوك وين يسكن؟ قالو السيد: معايا
قالو البوليسي: وأنتوما لزوج وين تسكنو؟
قالو: مع بعضانا
مرة واحد المدرب تاع كرة القدم ...
كي خلاص الماتش ...
راح لحارس المرمى وقالو: راهم عمروك بيات أصاحبي ...
ولا مرة قدرت تشد البالون في يديك؟
قالو الحارس: كي نشدو أنا ... وعلاه دارو الشبكو مورايا
قالك هذا واحد السيد ناض الصباح بكري ومشى
يحل الحانوت تاعو ... أيا كي طلع الريدو ...
لقاه مسروق .. واش دار؟ .. رجع ارقد وغطى راسو
وقال:الله يسلك هذا المنام على خير
قال مرة نقطة (.) دارت حفلة .. وعرضت كل نقاط العالم..
جات فاصلة حبت تدخل الحفلة (،) ..
جاتها النقطة اللي تعس عند الباب
وقاتلها: واش الأخت .. وين راكي رايحة؟
الحفلة هذي للنقاط برك ..
قاتلها الفاصلة: لالا يالحابسة .. انا نقطة بصح طالقة شعري !