نجوم مصرية
منتديات نجوم مصرية منتديات شباب وبنات بنات طبخ و وصفات



كفتة الفراخ المحشية بالجبنة

 

كفتة الفراخ المحشية بالجبنة




المقادير:
4 صدور فراخ
ملعقة صغيرة زعتر
ملعقة صغيرة كزبرة
ملعقة صغيرة حبهان مطحون
ثمرة بطاطس متوسّطة
ملح وفلفل أسود

للحشو:
10 مكعبات جبنة كريمي (ممكن تستخدمي جبنة نستو أو شيدر)
2 ملعقة كبيرة بقدونس مفروم
½ كوب مشروم مفروم

للتغطية:
2 بيضة
2 كوب بقسماط ناعم
½ ملعقة صغيرة ملح
رشة فلفل أسود
زيت ذرة للقلي

الطريقة:
1- اسلقي البطاطس نصف سوى وقطّعيها شرائح، وسيبيها لحد ما تبرد تماما.

2- افرمي صدور الفراخ وشرائح البطاطس مع بعض في المفرمة، وبعد كده تبّليها بالملح والفلفل والكزبرة والزعتر والحبهان، واعجني الخليط كله بإيدك كويس.

3- لتحضير الحشو؛ اخلطي المشروم مع الجبنة والبقدونس، وقلّبيهم مع بعض كويس.

4- خدي كمية مناسبة من الكفتة وافرديها على إيدك، واحشيها بكمية مناسبة من الحشو، ولفّيها على شكل صوابع، وكرّري الخطوة دي لغاية ما كل الكمية تخلص.






5- اخفقي البيض في طبق وحطي عليه الملح والفلفل، وحطّي أصابع الكفتة في البيض وبعد كده في البقسماط.

6- حمّري الكفتة في زيت ساخن وغزير، وبعد كده طلّعيها على مناديل ورقية علشان تتشرّب الزيت، وعند التقديم زيّنيها بالبقدونس.. وبالهنا والشفا.








المقال "كفتة الفراخ المحشية بالجبنة" نشر بواسطة: بتاريخ:



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
طريقة عمل الفراخ المحشية بالخضار
طريقة عمل الفراخ المحشية
اسباجيتي مع كرات كفتة الفراخ
كفتة الفراخ
كفتة الفراخ شيف شربيني


Powered by vBulletin Version 3.8.8
Copyright ©2000 - 2018, Jelsoft Enterprises Ltd
جميع الحقوق محفوظة © nmisr.com نجوم مصرية