نجوم مصرية
منتديات نجوم مصرية منتدى التسلية والترفيه منتدى الحب والرومانسية قلوب حائرة



ادخل هنا...اكتب مشاكلك العاطفية او الزوجية اللي بتواجهها في حياتك مع حبيبك او حبيبتك...وكلنا هنساعدك

 

هذا الموضوع لكل زوار واعضاء ومشرفين منتدي نجوم مصرية :
سنحاول فية حل الجميع المشاكل العاطفية التي تخص سواء البنات او الشباب زوار او اعضاء او مشرفين
اكيد كلنا بنحب وبنتحب واكيد كلنا هنتكلم بصراحة مع بعض لو فية اي مشكلة عاطفية حصلت مع اي حد فينا سواء كان عضو او مشرف او حتي زائر باذن الله الموضوع دة هيفتح باب للنقاش في جميع المشاكل العاطفية اللي هتواجهنا في حياتنا واكيد كلنا لنا خبرة في الحب علشان نقفل باب الحيرة والتفكير ...!!!
وهنرد علي بعض كل اللي عليك انك تعرض مشكلتك هنا واحنا هنفتح باب الحوار والتفاهم والمناقشة فية وهنوجهك التوجية الصح اكيد كلنا هنخاف علي بعض ونقترح اللي فية الخير لينا كلنا
وسنعرض الحلول تحت المشكلة المعروضة سواء كان هذا الحل باقتراح من زائر او عضر اخر وساقوم بمتابعة هذا الموضوع يوميا لعرض رايي في المشاكل المطروحة انا وبعض المشرفين لنحاول الوصول باعضائنا وزوارنا الي الحل الامثل في مشاكلهم العاطفية






وسابدا باول مشكلة .....اية رايكم في موضوع التعارف عن طريق الانترنت وهل هوة ممكن يؤدي الي الزواج بزيجة سعيدة









المقال "ادخل هنا...اكتب مشاكلك العاطفية او الزوجية اللي بتواجهها في حياتك مع حبيبك او حبيبتك...وكلنا هنساعدك" نشر بواسطة: بتاريخ:
احمد عبدالكريم
أوعدك أول ما الاقيها هاتعمد اعمل مشكله معاها عشان اكتبها هنا ^_^
Mizoalex
أوعدك أول ما الاقيها هاتعمد اعمل مشكله معاها عشان اكتبها هنا ^_^

ههههههههههههههههههههههه

ليه هى عملت لك حاجه
Mizoalex
وسابدا باول مشكلة .....اية رايكم في موضوع التعارف عن طريق الانترنت وهل هوة ممكن يؤدي الي الزواج بزيجة سعيدة
صعب طبعا

لانه لو فى حب بيكون مش حقيقى

و الواقع بيكون صادم للطرفين

لانك بتكمل صورة الطرف الثانى من خيالك لانه مش قدامك


سؤالى انا بقا

هو ممكن اتنين بيحبو بعض جدااااااا و ممكن كل واحد فيهم يفدى التانى بروحه

يتحولو فاجاه لاتنين بيكرهو بعض و عايزين يدمرو بعض
paradiseman3
اكيد لا .....لان ببساطة لو فعلا في حب حقيقي يوصل لدرجة التضحية بالروح فاكيد قلبهم ميعرفش معني الكرة ابدا وميعرفش معني الطرق اللي توصلهم للكرة وحتي لو حصل اكيد هيبعدوا عن بعض بكل تفاهم وقلبهم مليان حب لبعض وهتكون لظروف خارجة عن ارادتهم فلو وصلوا للبعاد ميقدروش يوصلوا للكرة ولو حصل ووصلوا للكرة يبقي اكيد فية حد مش بيحب التاني بجد وكانوا من الاول بيضحكوا علي بعض .....صح ولا اية
Mizoalex
اكيد لا .....لان ببساطة لو فعلا في حب حقيقي يوصل لدرجة التضحية بالروح فاكيد قلبهم ميعرفش معني الكرة ابدا وميعرفش معني الطرق اللي توصلهم للكرة وحتي لو حصل اكيد هيبعدوا عن بعض بكل تفاهم وقلبهم مليان حب لبعض وهتكون لظروف خارجة عن ارادتهم فلو وصلوا للبعاد ميقدروش يوصلوا للكرة ولو حصل ووصلوا للكرة يبقي اكيد فية حد مش بيحب التاني بجد وكانوا من الاول بيضحكوا علي بعض .....صح ولا اية
او ممكن كانو فاكرين انه حب حقيقى و هو مكنش كده الله اعلم

بس ايام ما كانو بيحبو بعض كان فى تضحيه متناهية من الطرفين و كل واحد عايز التانى سعيد

لحد ما جه فترة و طرف فيهم اتغير و بدء يفكر

السكة لسه صعبه .. هل الموضوع يستاهل انى اكمله و شاف انه ما يستاهل

لانه قاس الموضوع بمقايس غلط

قاس الحب غلط

و حكم على شخصية اللى قدامه فى ظروف مش طبيعية

و اللى بيكون فى ظروف مش طبيعية اكيد بيكون مش طبيعى

و الظروف دى كان ليها وقت و هتخلص

و كانت خلاص خلصت

بس الطرف التانى ما رضى يصبر عشان يشوف و يحكم بالعدل

بس اتضح انه خلاص مقرر

و كل المميزات شافها عيوب للاسف

انت طيب و حنين و رومانسى جداا ... بس انا ما بقيت بحبك

شرير و رخم و بارد ... عشان تحبى يعنى ولا ايه

اوحش حاجه فى الدنيا انك تتظلم


الظلم .... الظلم

هو اللى يخلى اتنين بيحبو بعض يكرهو بعض


سؤالى بقا ... هى الطيبه عيب ؟؟


و الله ما بيكونو عايزين الا اللى يديهم بالجذمة
paradiseman3
الطيبة عمرها ما كانت عيب مع الناس الللي تستاهل انك تكون طيب معاها لكن في ناس متستهلش اصلا طيبتك وحبك ليها علشان كدة لازم متكنش طيب معاهم

وفي كلمة كويس عايز اقولهالك قالها تامر في الفيلم وقالها شكسبير قابلة " اكرف البت تحبك حب البت تكرفك "

شكسبير " اذا اردت شئ بشد فاطلق سراحة فاذا عاد اليك فلقد امتلكتة واذا لم يعد اليك فهو لم يكن لك من البداية "
لو جربت هتعرف حقيقي معني الحب في الكلمة دي
Mizoalex
الطيبة عمرها ما كانت عيب مع الناس الللي تستاهل انك تكون طيب معاها لكن في ناس متستهلش اصلا طيبتك وحبك ليها علشان كدة لازم متكنش طيب معاهم

وفي كلمة كويس عايز اقولهالك قالها تامر في الفيلم وقالها شكسبير قابلة " اكرف البت تحبك حب البت تكرفك "

شكسبير " اذا اردت شئ بشد فاطلق سراحة فاذا عاد اليك فلقد امتلكتة واذا لم يعد اليك فهو لم يكن لك من البداية "
لو جربت هتعرف حقيقي معني الحب في الكلمة دي
فعلا عندك حق لازم يكون حد يستاهل

الطيبة مش مع اى حد
%u0632%u0627%u0626%u0631
انا وحدة مرتبطة بواحد بقالنا سنتين بس هو غيور اوى و بيخاف عليا اوى بس فى نفس الوقت حرمنى من كل حاجة من انى اصاحب حد او انزل مع حد نروح نشترى حاجة مثلا وممنوع الخروج خالص وانا بجد تعبت انا معتش ليا اصحاب خالص والوحيدة اللى بحبها هو عاوزنى اسبها و خلانى اسبها فعلا مع انها اكتر من اختى كل دا عشان ارضيه و هو دايما لما بيلاقينى مصاحبة حد يضايق و يبقا عاوزنى ابعد عنو و لو اى حاجة حصلت يقولى هما صحابك دول احسن منى مع ان هو اللى 24 ساعة مع اصحابو و انا مش بقول حاجة بس انا دلوقتى بجد مخنوقة انا نفسى اخرج و اخد شوية حرية حتى لو بحدود و مهما اتكلم معاه مش موافق بردوا قولولى اعمل ايه ؟؟؟؟؟
Mizoalex
ضحى لحبيبك بس لحد كرامتك و افصلى
%u0632%u0627%u0626%u0631
بحب انسان ومش عارفه انساه وكنا مخطوبين وكان كلامه لي مش حلو وكان بيحبنى وسبنا بعض وراح اتجوز وخلف وانا مش قادر انساه ولسه بحبه
Mizoalex
بحب انسان ومش عارفه انساه وكنا مخطوبين وكان كلامه لي مش حلو وكان بيحبنى وسبنا بعض وراح اتجوز وخلف وانا مش قادر انساه ولسه بحبه

انسى انسى

ما دام بعد عنك يبقى مش نصيبك

و انتى اصلا بتقولى كلامه ليكى مش حلو

اقولك على الطريقة السحرية

بصى ارجعى بالزمن من اول ما بدئت علاقتكم ... و بصى على المواقف اللى كانت بينكم

بس حكمى عقلك و الغى قلبك ... هتلاقى فيه عيوب انتى ما كنتى شايفها عشان بتحبيه

و صدقينى هتلاقى الف سبب عشان تكرهيه مش تنسيه

اى انسان فيه عيوب بس .. الحب بيخلى اللى قدامك من غير عيوب

عيشى حياتك و اشغلى نفسك و شوفى احلامك اللى عايزه تحققيها اوعى تضيعى وقت اوعى

انتى بس زعلانه عشان هو اللى ساب بس مش اكتر

و ادعى ربنا و قولى الحمد الله .. مش اللى حصل ده كان احسن ما تعيشى حياتك كلها وحشه
%u0645 %u0646 %u0639
أيه موقف واحده بتحب واحد وهو بيحبها جدآ ومع بعض ٦ سنين يعني روح واحده وفي أعتراض من الأهل عشان هو مؤهل عالي وهي متوسط وعايزينها موظفه ورغم كده مع بعض ورغم أنه خطب رغم عنه وكانت في مشاكل جامده معاه وبرغم كده هي برضه معاه وبيحاول يبعد عن خطيبته وخلاص حيسيبها ألأيام إللي جايه عشان ميظلمهاش معاه ورغم كده وأقفين ضدده ومشاكل جامده جدآ معاه ومش عايزينه يسيبها عشان ميرجعش للي بيحبهاورغم كده لسه بتحبه وهو بيحبها وبيكلمهاعلي طول وميقدرش يعيش من غيرها أبدآ وحاولت تبعد عنه بس كان حيموت وهي كمان كانت حتموت من غيره دي بقي تعمل أيه وموقفهاأيه وكل حاجه ضددهم واحتارو يعملوا أيه فما هو الحل
%u0632%u0627%u0626%u0631
أيه موقف واحده بتحب واحد وهو بيحبها جدآ ومع بعض ٦ سنين وفي أعتراض من الأهل عشان هو مؤهل عالي وهي متوسط وعايزينها موظفه ورغم كده مع بعض ورغم أنه خطب رغم عنه وبرغم كده هي برضه معاه وبيحاول يبعد عن خطيبته ورغم كده وأقفين ضدده ومشاكل جامده جدآ ومش عايزينه يسيبها عشان ميرجعش للي بيحبها ورغم كده لسه بتحبه ومعاه وهو بيحبها موت وميقدرش يعيش من غيرها ابدآ دي بقي تعمل أيه وموقفهاأيه
الطائر الصغير
لازم يحاول يواجه اهله ويقولهم لا انا مش هكمل مع خطيبتى دى
NOURA 18
أيه موقف واحده بتحب واحد وهو بيحبها جدآ ومع بعض 6 سنين يعني روح واحده وفي أعتراض من الأهل عشان هو مؤهل عالي وهي متوسط وعايزينها موظفه ورغم كده مع بعض ورغم أنه خطب رغم عنه وكانت في مشاكل جامده معاه وبرغم كده هي برضه معاه وبيحاول يبعد عن خطيبته وخلاص حيسيبها ألأيام إللي جايه عشان ميظلمهاش معاه ورغم كده وأقفين ضدده ومشاكل جامده جدآ معاه ومش عايزينه يسيبها عشان ميرجعش للي بيحبهاورغم كده لسه بتحبه وهو بيحبها وبيكلمهاعلي طول وميقدرش يعيش من غيرها أبدآ وحاولت تبعد عنه بس كان حيموت وهي كمان كانت حتموت من غيره دي بقي تعمل أيه وموقفهاأيه وكل حاجه ضددهم واحتارو يعملوا أيه فما هو الحل
كلامي للراجل .. لااااازم يكلم اهله ويقولهم اني مش هقدر اكمل معها .. ويخلص الموضوع بسرعه .. وازاي اصلا خطب واحده مش عايزها !! احنا هنجرب .. مش عايزها يعني مش عايزها خلاص هي عافيه !! ده هيبقى جواز مش رحلة يومين وتخلص ..

حرام الي الاهالي بيعملوه ده والله نفسي يلاحظو نقطه ان احنا الي هنتجوز وان احنا الي هنعيش مع الشخص لوحدنا ازاي عايزنا ناخد حد على كيفهم ....

لازم يحاول مرة واتنين مع اهله في انه عايز حد معين بجد عشان الي انتو حاسينه ده =(
%u0645 %u0646 %u0639
شكرآ جدآ علي الرد هو بصراحه خلاص نهي موضوع الخطوبه خلاص بعد مشاكل وصراع جامد جدآ وبعد كده المشاكل والضغوط لسه مستمره ومش عايزينه يستمر مع إللي بيحبها وعايزين يبعد عنها وبكل الطرق ومش سايبينه فحاله وعلي طول مشاكل مع أخوه الاكبر وفالأخر خاله قاله أنهي الموضوع ده عشان المشاكل بينك وبين أخواتك رد عليه وقاله لا أنابحبهاومقدرش أعيش من غيرهادي حياتي أنا وأناحر فيها ولا مش حتجوزخالص أخواته واقفين ضدده وعايزين يبعدوهم عن بعض بكل الوسايل وقالولوا لو مبعدتش عنهاحنروح عند أهلهافالبيت وحناحنخلص الموضوع ده وهو تعب من المشاكل اليوميه والضغوط النفسيه ورغم كده متمسك بيها وهي كمان ومش حيسيبها مش عارفه أيه النهايه هل فالاخر حيسيبه براحته وحيحسه بالملل من كترالكلام معاه ولا حنفضل زي محنا كده علي طول ومفيش جديد و لا في فايده أنا تعبت جدآ من المشاكل والضغوط النفسيه وأحترت أعمل أيه هو أوفي بعده وساب خطيبته وواقف ضدد أهله وقالهم أنا مرتبط بالأنسانه اللي بحبها مش حسيبهابس أخواته بالتحديد واقفين ضدده والحكايه دخلت فالعند من الطرفين مش عارفين نعمل أيه تعبنا جدآ 7 سنين واحنابنحاول والأخرأيه حنكون مع بعض ولا الحال حيفضل علي ما هو عليه أرجوا الرد
%u0645 %u0646 %u0639
شكرآ جدآ علي الرد هو بصراحه خلاص نهي موضوع الخطوبه خلاص بعد مشاكل وصراع جامد جدآ وبعد كده المشاكل والضغوط لسه مستمره ومش عايزينه يستمر مع إللي بيحبها وعايزين يبعد عنها وبكل الطرق ومش سايبينه فحاله وعلي طول مشاكل مع أخوه الاكبر وفالأخر خاله قاله أنهي الموضوع ده عشان المشاكل بينك وبين أخواتك كفايا كده رد عليه وقاله لا أنا بحبها ومقدرش أعيش من غيرها دي حياتي أنا وأناحر فيها ولا مش حتجوز خالص أخواته واقفين ضدده وعايزين يبعدوهم عن بعض بكل الوسايل وقالولوا لو مبعدتش عنها حنروح عند أهلها فالبيت وحنا حنخلص الموضوع ده وهو تعب من المشاكل اليوميه والضغوط ورغم كده متمسك بيها وهي كمان ومش حيسيبها مش عارفه أيه النهايه هل فالاخر حيسيبه براحته وحيحسه بالملل من كترالكلام معاه ولا حنفضل زي محنا كده علي طول ومفيش جديد أنا تعبت جدآ من المشاكل والضغوط النفسيه وأحترت أعمل أيه هو أوفي بعده وساب خطيبته وواقف ضدد أهله وقالهم مش حسيبها بس أخواته بالتحديد واقفين ضدده مش عارفين نعمل أيه تعبنا جدآ 7 سنين واحنا بنحاول بس والأخر أيه حنكون مع بعض ولا الحال حيفضل علي ما هو عليه أرجوا الرد ضروري جدآ لو سمحتم
%u0632%u0627%u0626%u0631
ممكن اكتب مشكلتي وحد يساعدني أنا عمري 14 سنه
paradiseman3
اتفضلي اكتبي مشكلتك كلنا هنساعدك
NOURA 18
شكرآ جدآ علي الرد هو بصراحه خلاص نهي موضوع الخطوبه خلاص بعد مشاكل وصراع جامد جدآ وبعد كده المشاكل والضغوط لسه مستمره ومش عايزينه يستمر مع إللي بيحبها وعايزين يبعد عنها وبكل الطرق ومش سايبينه فحاله وعلي طول مشاكل مع أخوه الاكبر وفالأخر خاله قاله أنهي الموضوع ده عشان المشاكل بينك وبين أخواتك كفايا كده رد عليه وقاله لا أنا بحبها ومقدرش أعيش من غيرها دي حياتي أنا وأناحر فيها ولا مش حتجوز خالص أخواته واقفين ضدده وعايزين يبعدوهم عن بعض بكل الوسايل وقالولوا لو مبعدتش عنها حنروح عند أهلها فالبيت وحنا حنخلص الموضوع ده وهو تعب من المشاكل اليوميه والضغوط ورغم كده متمسك بيها وهي كمان ومش حيسيبها مش عارفه أيه النهايه هل فالاخر حيسيبه براحته وحيحسه بالملل من كترالكلام معاه ولا حنفضل زي محنا كده علي طول ومفيش جديد أنا تعبت جدآ من المشاكل والضغوط النفسيه وأحترت أعمل أيه هو أوفي بعده وساب خطيبته وواقف ضدد أهله وقالهم مش حسيبها بس أخواته بالتحديد واقفين ضدده مش عارفين نعمل أيه تعبنا جدآ 7 سنين واحنا بنحاول بس والأخر أيه حنكون مع بعض ولا الحال حيفضل علي ما هو عليه أرجوا الرد ضروري جدآ لو سمحتم


ايه كل ده !!!!! متأكدة ان كل الرفض ده كلو عشان المؤهل المتوسط بس !!!! مستحيل ! مش لدرجة دي يعني !

انا مش عارفة والله اصله هيجي يتقدم ازاي واهله مش موافقين !

يصلوا استخاره ... والي عايزة ربنا هيكون !

%u0632%u0627%u0626%u0631
انا بحب واحد ومامتى عرفت مش عرفة انساة علشان بحبة
ahmed711
انا بحب خطيبتي جدا وهي بتحبني بس هي عنيده ولما تزعلني مش بتعتذر بسهولة ولازم انا اصلحها الاول وبعدين هي تصالحني والحمد لله كتبنا الكتاب واعتقدت ان العند ده هيقل بس لا كمان المشكله اما بتزعل مش بتقول لازم اتحايل ساعه او اتنين لحد ما اعرف بس بعدها بتتصالح بسهوله وزعلنا قريب وهي قعدت تصالحني بس انا كنتزعلان فزعلت هي وبعدين سابتني زعلان مع اني عمري ما سيبتها تنام زعلانه ورغم كده كلمتها تاني يوم وحاولت اصلح بس عاندت فزعلت انا جدا فحاولت تصالحني بس انا قافل جدا احنا بنتصالح يوم ونزعل 3 ايام مش عارف اعمل ايه
%u0645 %u0646 %u0639
أنت عودتها علي كده من الأول وحتفضل كده عشان هي متأكده أنك متمسك بيها وبتحبها مش بتحبها تزعل منك لوأنت غلطان أو هي غلطانه فلازم تحاول تخليها تتعود هي إللي تصالحك وترن عليا سيبها يوم وأتنين وأسبوع وهي لما تحس في تغير عن الأول من نحيتك حترن وأكيد حتصالحك وبألحاح وعشان هي متأكده أنك أنت بترن عليها وبتصالحها هي بتعمل كده وتعودت علي كده منك خليها تحس أنك ممكن تضيع منها ومتصالحاش ولا حتي ترن عليها لحد مهي ترن عليك حاول تغير إللي أتعودت عليه منك عشان المستقبل وربنا يوفقك أن شاء الله
%u0632%u0627%u0626%u0631
مرحبا شباب وصبايا انا بنت اصلي من فلسطين بس عايشه باسرائيل من بعد الاحتلال المهم تعرفت على النت على شاب عراقي كتيير منييح وهو كمان بحبني وتعلئنا ببعض كتيييير لدرجة انو منموت ازا في دئيئه ما حكينا مع بعض بس للاسف ما منشوف بعض الا بالصور:-( سؤالي الاول هل ممكن يكون حب حقيقي وينتهي بالزواج؟؟ وسؤالي التاني هل شخص عندو جنسيه عراقيه ومن العراق بس اصلو تركي بيئدر يفوت على اسرائيل؟؟؟
%u0632%u0627%u0626%u0631
انا بحب واحد هو بيعمل حركات بتخليني احس انه بيحبني وانامحتاره وعايز ة اعرف هوبيحبني ولا لأ
%u0632%u0627%u0626%u0631
انا نفسى حد يفيدنى بحل
انا بحب واحد وارتبطت بيه وهو قدى فى السن واحنا فى سنة التخرج يعنى تقريبا يومين وهنتخرج وحصل مشاكل مع اهلى لمعرفتهم فهو جه البيت عندى بمجرد طلبى منه دا وعرفهم بنفسه واتفق معاهم على ميعاد بعد التخرج انه يخطبنى فيه لانه محتاج يتخرج ويشتغل ويجيب لى شبكة ومش عايز يعتمد على اهله وانا وافقت مع انى اتربيت ان دا غلط ودايما بحسسه ان كل حاجة مفروض وقتها بعد الخطوبه حتى كلمه بحبك اللى بيطلبها منى..امه وابوه عارفنى واخواته وبيكلمونى احيانا يطمنوا عليا وكذلك اهلى هو بيتصل بيهم يعنى تقريبا حكم مخطوبين

المشكلة بقى انى فى اكتر من موقف محستش انه هو الراجل اللى انا محتاجاه انا بحبه وبموت فيه كمان وحنين جداااا بس ملوش مواقف تبهرنى كده ..هو يحب يقول كلام حب كويس اوى يعملى حاجة بتفرحنى بس مبحسش انه راجل احيانا مش بخيل بس عمره ماعزم يدفع حساب حاجة بسيطة انا بشتريها مثلا معاه مع انى برفض دا بس بتمنى يعزم حتى..وتقريبا كل مابعتمد عليه بحس انه بيخذلنى بنسبة معينه..بحس انى انا الراجل فى العلاقة دى مش هو وهو قالى الكلمة دى قبل كده يمكن لانى اتربيت على تحمل المسئولية وان الست لها شغلها وعملها وان الرجاله صنف زباله ولازم تعتمدى على نفسك الخ
بليز قولولى انا مفروض اعمل ايه
Prince of love.oag
طب انا عندي مشكلة صعبة ممكن حد يساعدني فيها
ناصر عبد العظيم.
إن الحب من طرف واحد هو أكبر عذاب فى الحب كلة

فأنا حبى هو الحب من طرف واحد فلو ممكن أحد يساعدنى بس فى حدود الإلتزام والجدية أرجو سرعة الرد

وإن أحد رد على سؤالى سأقول لة مشكلتى

أشكركم من كل قلبى أخوكم ناصر
Prince of love.oag
ممكن حد يساعدني في مشكلتي الي هنا http://www.nmisr.com/vb/showthread.php?t=513186



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
ركن الفضفضة : ادخل اكتب وقول واحكي وفضفض عن كل اللي في نفسك
ادخل و اكتب الشي الذي تفــتقـــده في حياتك ..
هل تقبل أن تحضر زفاف حبيبك أو حبيبتك ؟
هل تقبل ان تحضر زفاف حبيبك او حبيبتك
هل تقبل حضور فرح حبيبك او حبيبتك


Powered by vBulletin Version 3.8.8
Copyright ©2000 - 2018, Jelsoft Enterprises Ltd
جميع الحقوق محفوظة © nmisr.com نجوم مصرية