نجوم مصرية
منتديات نجوم مصرية منتديات شباب وبنات بنات



نصائح مفيده لست البيت

 

السلام عليكم
هنقدم النهرده مجموعه من النصائح للبيوت
فى التنظيف

للتخلّص من بُقع الحبر على الملابس.. حُطّي على مكان البُقعة عصير ليمون أو خل، وافركيها كويس لغاية ما البُقعة تختفي، وبعد كده اغسليها بطريقتك العادية.

لتنظيف الأرضيات والأسطح عند سقوط الزيت عليها.. رشّي على مكان الزيت شوية بودرة تلك أو دقيق أو نشا، وسيبيه شوية لغاية ما البودرة تمتص الزيت، وبعد كده شيلي البودرة بالمكنسة أو بفوطة جافة، وامسحي مكان الزيت بالميه.

للتخلّص من بقعة الزيت على الملابس.. حطّي كمية من بودرة التلك بسرعة على مكان البقعة، وسيبيها طول الليل لغاية ما البودرة تمتص الزيت، وبعد كده نفضيها من البودرة واغسليها بطريقتك العادية.

لتبييض الأسنان وتنظيفها من آثار الشاي والقهوة.. افركيها بثمرة فراولة مهروسة.

للحفاظ على جواربك الخفيفة أطول وقت.. اشطفيها بالماء البارد وهي جديدة، وبعد كده حُطّيها في الثلاجة لمدة ساعة أو ساعتين، وبكده تعيش معاكِ لوقت أطول من غير ما تتقطع.






لو فيه نمل في البيت وعايزه تتخلصى منو .. اخلطي خل التفاح مع قليل من الماء، ورشّيه في الأماكن اللي بيتجمع فيها النمل عندك في البيت.

لتنظيف الفرن من بواقي الطعام والدهون.. حُطّي إناء فيه كوب ميه مغلية، وولعي الفرن ودخّليه، وسيبي الميه تكمّل غليانها جوه الفرن لعدة دقائق؛ لأن البخار اللي بيطلع ده بيساعد في إذابة بقايا الطعام والدهون، وبعد كده امسحي الفرن بقطعة قماش مغموسة في الخل.

لتنظيف فرش الماكياج.. انقعيها في خليط مكوّن من 3/ 4 كوب ميه، و1/ 4 كوب خل، وسيبيها لمدة ساعتين، وبعد كده اشطفيها ونشّفيها كويس.

لمعرفة البيض الطازج من الفاسد.. حطّي البيض في الميه، لو لقيتي إنها سقطت في الميه بشكل أفقي، يبقى البيض ده طازج، ولو البيض سقط بشكل مائل، يبقى عمره من 3 : 4 أيام، ولو سقطت بشكل عمودي يبقى عمرها 10 أيام، أما بقى لو البيض طفى على سطح الميه يبقى فاسد.

لتنظيف المرايات.. استخدمي البنطلونات الجينز القديمة، وقصّيها على شكل فوط صغيرة؛ لأن الجينز بينضف المرايات، ومش بيترك وبر عليها زي الأقمشة التانية.


للتخلّص من رائحة الثوم.. افركي إيدكي ببواقي البن اللي بتتبقى بعد ما تشربي فنجان القهوة، ولو بتعاني من رائحة الثوم في الفم امضغي بعض عيدان البقدونس.


للتخلّص من بقعة مستحضرات التجميل على الملابس.. رشّي مكان البقعة قبل ما تغسليها بمنظف الزجاج، وبعد كده ادعكيها مكان البقعة بفرشة السجاد، ونشّفيها بفوطة صغيرة.

يارب النصايح دى تكون مفيده ليكم وجديده كمان








المقال "نصائح مفيده لست البيت" نشر بواسطة: Google Plus   بتاريخ:



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
نصائح مفيده للفتيات عند سن البلوغ
نصائح مفيده في حياتك اليومية
نصائح مفيده اوى للبنات
نصائح مفيده لزوجه سعيده >> متجدد
نصائح هامه مفيده لكم


Powered by vBulletin Version 3.8.8
Copyright ©2000 - 2018, Jelsoft Enterprises Ltd
جميع الحقوق محفوظة © nmisr.com نجوم مصرية