موقعة الحواوشي.. آخر افيهات الفيسبوكيين
- تؤكد حركة 6 أبريل أنها شاهدت ضباط أمن دولة متنكرين في ساندويتشات حواوشي، وأمن الدولة يؤكد أنه لا يوجد لديه ضباط على شكل ساندويتشات
- أحمد شفيق وزع بونبوني و عصام شرف وزع شعارات والجنزوري وزع حواوشي .. القادم سيكتفي بتوزيع الورد على القبور
- طريقة عمل الحواوشي: لحمة مفرومة وبصل وتوابل + معلقتين من السم الهاري واخلطيهم جيدا
- إلى المواطن أحمد ابراهيم المقيم في دار النحاس لا تأكل الحواوشي، الحواوشي به سم قاتل أطلب كنتاكي يا برنس
- يعنى يقولولنا نشترى مصرى .. عشان نتسمم !
- في مجلس الوزراء في بلادي.. حواوشي بيسمم ولادي
- فلفلة: لا يوجد لدينا حواوشي
- يالي ساكت ساكت ليه.. أكلت حواوشي ولا إيه
- لا ياعدوّى هتلاعبنى هلاعبك بالحواوشى
- موقعة الحواوشي
- وعلى فكرة بقى.. اللي عامل حوار "الحواوشي" ده "كنتاكي".. علشان تقضي على حملة "اشتري مصري"
- نفسى هفتنى على حواوشى !
أعمل ايه دلوقتى
شكلى هقضيها ريش وأمرى لله
اللى أوله كنتاكى آخره حواوشى
- الله يمسيك بالخير ياعيسوى
كنت هتطلع تقولنا معندناش حواوشى!!
- لا تأكل الحواوشى الذى ارسله الفلول اليك .. الحواوشى به سم قاتل
- العادلي لمبارك أنا جربت القمع منفعش جربت الضرب بالخرطوش منفعش جربنا الرصاص الحي منفعش ، مبارك: جرب الحواوشي
- مضت موقعة الجمل ولم يحاسب أحد
ومضت موقعة ماسبيرو ولم يحاسب أحد
ومضت موقعة مصطفى محمود ولم يحاسب أحد
والآن موقعة الحواوشى.. لغز يحتاج لحل