يعنى ايه كلمة عدالة
يعنى الواحد مايبقاش رئيس وتاخده الجلالة
عدالة يعنى تساوى فى الحقوق
مش واحد فقيروغنى والباقى عالة
عدالة يعنى حب بين البشر
مش كره ورزالة
عدالة يعنى حقوق انسان
اعلى من حقوق الغزالة
عدالة يعنى احترام
مش قلة ادب وسفالة
عدالة يعنى توفير العمالة
مش فراغ وبطالة
عدالة يعنى طريق الخير
مش طريق الضلالة
عدالة يعنى كل الناس واحد
مش كل واحد فى حالة
يعنى نهر النيل نضيف
مش كله زبالة
عدالة مش معناها ذل
معناها عزة واصالة
يعنى تعليم عالى
مش تعليم الكسالى
يعنى اقعد فى بلدى مرتاح
مش مسافر ورحالة
يعنى حب الوطن
مش كره وندالة
مش يعنى ادخل النادى اللى احبه
لما يبقالى على النادى دلالة
مش يعنى امسك مدير
علشان ابويا رئيس مجلس ادارة
يعنى نحافظ على الحيوانات
مش نوقف سلالة
يعنى اسعار رخيصة
مش اسعار قتالة
مش يعنى انك تكره صديقك
وتخلى حياتك خيانة وثقالة
مش يعنى توقع بين واحد وحبيبته
وفى الاخر تقول زمالة
عدالة يعنى عمل
مش كلام بس وقوالة
يعنى ناس مبسوطة
مش ناس حمالة
يعنى كلامى بحق
مكتوب فى رسالة
يعنى ايه كلمة عدالة
يعنى مش كل واحد فى حالة
يعنى مش كل واحد فى حالة