في مؤتمر لسبعة من مرشحي حزب النور التابع للتوجه السلفي, اعلن القيادي السلفي سلامة عبد البديع ان التصويت لمرشحي حزب النور صدقة جارية ثوابها يصلك لمئات الاعوام, اما عدم التصويت للحزب فهو سيئة جارية ذنبها يبقي لمئات السنوات.

ومن جهة اخري قال عامر احمد باسل عضو الحزب والمرشح للانتخابات البرلمانية القادمة في دائرة بني سويف الاولي, ان قضية الشيخ ابو اسحاق الحويني والمفتي علي جمعة لم تأت في وقت مناسب بل جاءت في وقت حرج للحزب ومرشحيه ان الليبراليين والعلمانيين يستغلونها ضد السلفيين ويجعلهم يقللون من شعبية حزب النور في الشارع المصري.

اما عن سيد حسين امين الحزب فقد كانت له تصريحات حكيمة ومعبرة عن الاسلام الصحيح, فقد صرح انه لا خوف علي الغير مسلمين في مصر فهم لهم ماللمسلمين وعليهم ما علي المسلمين ويجب علي المسلمين ان يحموا معتقداتهم واعراضهم واموالهم.

-------
المصدر : جريدة الشروق العدد الصادر اليوم الاحد

ما رأيكم؟؟

على فكرة الشروق دى اصلان بتكره السلفية كره العمى وهاقولك حاجة بقى السلفين هما والاخوان الى هايكسبو الانتخبات والاخوان هايخدو اغلبية 80% يمكن

ربنا يوفقهم وعلى فكره كل من يؤمن بالله والرسول وسنته المطهره ويسير عليها وعلى نهجه فهو سلفى سنى يعنى كل مسلمين مصر سلفيين حتى الاخوان بس الفرق ان الاخوان تسعى دائما للسلطه لتطبيق شرع الله ...دا بس توضيح علشان الناس عامله السلفيين بعبع وبيخافوا منهم

طبعا الكلام ده ملهوش موقع من الاعراب واعتقد ان السلفيين نفسهم حيردوه وانا اولهم يعني على اي اساس وهو انا الوقتي لو مصوتش للسلفي اللي زيي ورايت ان مرشح الاخوان مثلا اصلح واعطيته صوتي يبقى دي سيئة جارية اعتقد الموضوع لانه لسه مش معروف محدش علق عليه من قيادات التيار السلفي لكن لما يوصلهم اكيد حيصححوا الخطا ده

للاسف استغلال تدين وطيبة المصرين
وكلام الناس دي هتودي البلد لداهيه


لك الله يامصر

اكيد الجرنال مش هيتبلي علي المرشحين دول, لكن انا مستغرب ليه هما بيقولوا كده؟؟ حتي لو كسبوا مش هاكون مبسوط لو كسبوا بالطريقة دي انهم يخوفوا الناس, لان بعد كده مش هتلاقي معارضين ليهم والا هيكونوا في ضلال مبين.

الصراحة التصريح اغبي ما يكون ولولا اني عارف ان السلفيين مش كده كنت اصدرت حكم عام عليهم, لكن دي حالة فردية غبية,

شكرا علي الردود يا جماعة نورتوا الموضوع

هم يبكى وهم يضحك
اول مرة اسمع عن السيئة الجارية واعتقد انهم اول من اخترعهااا المهم ان الكل تجاوز عن الكلمة سيئة جارية دة الفاحشة والكبائر سيئةتمحو بالتوبة والانتخابات اصبحت تصنف اية ان شاء الله
لا حول ولا قوة الا بالله
المهم انهم اجادو التعبير باستخدام كلمة عام وسنة فى خطابهم على اساس انك لو صوت لهم يبقى عام
ولو صوت ضدهم تبقى سنة وسودا على المصريين
لا مذاكرين الفقة صح
طبعا انا لا سلفى ولا اخوان كما كتب الزميل فى تعليقة ان كل من اتبع سنة الرسول سلفى بالتبعية اسف انا موحد بالله ورسولة واشهد ان لا اله الا الله محمد رسول الله
(مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ ) صدق الله العظيم
ومن تاجر بكلمات الله وحارب مسلما فى دينة فلة جزائة عند ربة
لك اللة يا مصر وشباب يعرفون الحق من الباطل

نفسي اصحي من النوم الاقي المسلمين ايد واحدة من غير فرقة, احنا وضعنا بقي صعب اوي


نورتوا الموضوع يا جماعة

kholyoo00
اول مرة اسمع عن السيئة الجارية واعتقد انهم اول من اخترعهااا
اذا كان حضرتك مسمعتش عن السيئة الجارية دى تقدر تفهم يعنى ايه سيئة جارية قبل ما تقول وتتحسب على حضرتك انك لست على علم لو فرضنا ان حضرتك مثلا وضعت صورة مخلة على موقع و دى كل اللى شفها اخد وزر حضرتك بتاخد معاه وزر واى حد بيشوفها بعده حضرتك ليك نصيب من وزرها الا ان يعفو الله عنك وفى حديث بالمعنى ده من دعا إلى هدى كان له من الأجر مثل أجور من تبعه لا ينقص من أجورهم شيئاً، ومن دعا إلى ضلاله كان عليه من الإثم مثل آثام من تبعه لا ينقص من آثامهم شيئاً الا ان اللع غفور رحيم ويقبل التوبة لكن انا بعرف حضرتك ان فى سيئة جارية وده تعريفها وبقول برضو ان الله تواب يتوب على من تاب ويغفر الذنوب ده بين الرب والعبد لكن انا بقول تانى كنت بوضح ولا افتى
وبالنسبة لموضوع حضرتك موحد بالله فالسلفية لو حضرتك قرأت منهجها هتعرف انها قائمة على لا اله الا الله محمد رسول الله
وبالمناسبة الله تكتب الله مش اللة دور على النت على الفرق بين الله واللة علشان تبقى موحد لله مش للة
وبالنسبة للخبر اعتقد ان عليه شوية بهارات صحفية لان مفيش مرشح هرشحه ويفضل مئات الاعوام ولا السنين وياسلام حضرتك جبت التايهة بالتفرقة بين عام وسنة وفقه ومش عارف ايه ياريت تشوف فقة اللة علشان تكتبها صح او شوف كتاب الله وهتلاقى ان حضرتك جبت كلمة لا موجوده فى قرآن ولا سنة
مشكلة مصر والمصرين ان كل الحكام غيبوا الشعب عن الدين الحقيقى لحد ما بقت الناس رفضاه وشيفينه متشدد مش على هواهم واللى بيقول شيخ حرم او كره يشوف الحكم بالتحريم والكرهه موجود فى الكتاب والسنة ولا لاء
زى الى بيقولوا قطع يد السارق طيب ده حكم فى القرآن واية من الايات المحكمات وربنا عارف عباده الى خلقهم وعارف ايه يصلحهم وده شرعه وحكمه نقول لا يارب انت متشدد فضيلة المفتى هيفتى يقول مش هنقطع ايد السارق احنا هنقص اظفره بس علشان الناس عايزين دين يواكب العصر ولا حول ولا قوة الا بالله ادى تغيب الدين الناس مبقتش عارفه تكتب اسم ربنا صح وهنرجع نقول الاعمال النيات طيب يا مسلم مش بتفتح القرآن تقرا فيه خالص يعنى يارب اهدى المسلمين

حتى وانتم بتصححو اخطاء الاخرين فيكم تهكم على الشخص وليس عندكم مرونة الحوار
عموما متشكر لتعريف السيئة الجارية
ومتشكر للرد اللاذع
اما عن السلفية ف لاذلت على موقفى انكم قوم متشددون وليس عندكم مرونة لجذب الاخرين اما عن شريعة الله فلا خلاف عليها من سرق تقطع يدة كما من تاجر بكلمات اللة ايضا
معزرة اذا كنت خالفت الرئى لكن الاختلاف فى الرئى لا يفسد للود قضية وبمناسبة الود ارجو ان تكسبو ارض على الساحة السياسية بدل من الشعور بالريبة
واعتزر للاخطاء بالكتابة وهذا لا يعنى انى لا اقرأ كتاب الله كما اتهمتنى بتجاهلة فى ردك
وفقنا الله جميعا لما يحبة ويرضاة

kholyoo00

متشكر يا سيدى على التصحيح اللغوى
حتى وانتم بتصححو اخطاء الاخرين فيكم تهكم على الشخص وليس عندكم مرونة الحوار
مين انتم دول ؟ مرونه هو انا قولت لحضرتك ايه ؟
انت قولت اول مرة اسمع عن كذا وضحت لحضرتك كذا علشان يكون عندك علم به
اما عن اللة فادى مصيبة يا اخى ان يكون فى مسلم ميعرفش يكتب اسم الله صح ولا حضرتك مش معيا؟
وانا متهمتش حضرتك بتجاهل كتاب الله انا تسألت مش بتشوفها فى كتاب الله؟ تسائل ليش اكثر ليه حضرتك
اخذت كلامى بمحمل التهكم والاتهام ؟؟ هقول لحضرتك ليه لو رجعت لردك على الموضوع هتعرف ان حضرتك تهكمت واتهمت علشان كده انت شايف كلامى من نفس النفسية اللى رديت بيها واتمنى ان حضرتك متزعلش لما اقولك خلى بالك انت برضو غلطت تانى وكتبت اللة ونصيحة تالتة لحضرتك ابعد صوابعك عن حرف ال ة شوية علشان حرف ال ه مهم جدا زى كده وفقنا الله جميعا لما يحبه ويرضاه واللى عايز اقوله لحضرتك ان تغيب الناس عن الدين سبب كل الاخطاء
واذا كنت زعلت منى فى اى حاجة فأنا اسف لحضرتك بس ياريت بلاش توزع الاتهامات وبلاش تكلم حد بصيغة انتم الا اذا كنت ضدد جماعة معينة فقول الجماعة الفلانية ولا تنسب اى حد لاى جماعة
واسف مرة تانية

يا صلاة النبى
انتخبنى تخش الجنة
انتخب غيرى تخش النار


واحلى من الشرف مفيش


منار