نجوم مصرية
الرئيسيةمنتديات نجوم مصرية منتديات شباب وبنات اغاني - كلمات الاغاني



تابع نجوم مصرية على أخبار جوجل



كلمات البوم كاريوكى "مطلوب زعيم"

 
بسم الله الرحمن الرحيم



مطلوب زعيم

مطلوب زعيم
لشعب طول عمره عظيم
لشعب كان فاعل زمان
لكنه هان
حتى انه ثار
بإيدين كبار وإيدين صغار
مفعول به بيقسموا ويفرقوا
و يقطعوا فى عين اللي جابوا
واللى جابوا ابوه
علشان يموت او ينتهى

مطلوب زعيم
لشعب حكامه خانوه
وتوهوه وغيبوه واللي انتبه منه
وفاق غموله عينه كمموه
وسلموه فى المعتقل
لكلاب جعانه يقطعوه
لكنه رغم القهر قام زئر وزام
وفى اسبوعين زلزل حصون الجلادين
هد النظام فوق راس جميع المفسدين

مطلوب زعيم
يحمى الحدود
يعدل ما بين الناس تمام زى الفاروق
ويكون حنين على الفقير
وع اللي فاسد يفترى
يهدم على دماغه الشقوق
ويعقله فى المشنقه
او يرفعوا على راس خذوق

مطلوب زعيم
ميقولش على الخواف حكيم
ويكون كمان سمعه سليم
يسمع لنبضة قلبنا
ويكون مكانه فى وسطنا
ما يعيشى ابدا فى القصور
والبعض منا للأسف ساكنين قبور
يشرب و ياكل اكلنا
و يعيش كواحد مننا
يسمعلنا ويشور وياخد راينا
وقت الخطر نتلم حواليه كلنا
ونضحى وياه بعمرنا

مطلوب زعيم
ع المسؤليه يكون امين
ويكون جرئ ويكون شجاع
مش امعه وحته بتاع
يعرف يقول للظلم لأ
ويموت ولا يفرق فى حق

مطلوب زعيم
نقدر نحاسبه بالقانون
اونعزله لو للامانه يوم يخون
لا يشترط للشكل ايه
لا يشترط للسن ايه
لا يشترط للمله ايه
شرطه الوحيد يكون بشر
بالاختصاااااار مطلوب دكر

صوت الحريه

نزلت وقلت أنا مش راجع
وكتبت بدمى فى كل شارع
سمعنا اللي مكنش سامع
واتكسّرت كل الموانع

سلاحنا كان أحلامنا
وبكرة واضح قدامنا
من زمان بنستنى
بندور مش لاقيين مكاننا

فى كل شارع فى بلادى
صوت الحريه بينادى

فى كل شارع فى بلادى
صوت الحريه بينادى
رفعنا راسنا فى السما
والجوع مبقاش بيهمنا
أهم حاجة حقنا
ونكتب تاريخنا بدمنا

لو كنت واحد مننا
بلاش ترغى وتقول لنا
نمشى ونسيب حلمنا
وبطل تقول كلمة أنا

فى كل شارع فى بلادى
صوت الحريه بينادى
فى كل شارع فى بلادى
صوت الحريه بينادى

يعدى الصيف

يعدى الصيف
ويجي الشتاء
وانا زى ما انا
تفوت ايام
واسمع كلام
عن حلم راح وانتهى

نفسى انادى بأعلى صوتى
نفسى اهرب من سكوتى
نفسى اكسر الحواجز
ف مكانى متكتف وعاجز
نفسى اغير واتغير

يعدى الصيف
ويجي الشتاء
وانا زى ما انا
تفوت ايام
واسمع كلام
عن حلم راح وانتهى
نفسى اختار طريقى
نفسى اهرب وافك ايدى
نفسى اتكلم واقول
نفسى ازعق واثور
نفسى اغير واتغير

تابع نجوم مصرية على أخبار جوجل


يعدى الصيف
ويجي الشتاء
وانا زى ما انا

حلمى انا

اناااااا
مش هنحنى ولا بنتمى
ليك يا زمااانى
اناااااا
مش هتسند ولا هتولد
فيك يا زمانى

حلمى انااااااا
ازرع ورود .. مكان الحدود
بين البشر
امسح دموع .. طفل موجوع
وحاسس بالخطر

حلمى انااااا
فى عيون الناس
لكنه تاه .. وسط الاحداث
لكن اناااااا مش ناسى
انااااااا مش ناسى
ومش قادر ابدأ من جديد

انااااااااا
مش هنكسر ولا هتهزم
فيك يا زمانى
اناااااااا
مش هرتوى من بحر
غرقانه فيه كل احلامى

حلمى انااااااا
ان العيون .. متشوفش لون
للإنسان
نلغى الحروب .. ونجمع قلوب
تدوق السلام

حلمى انااااا
فى عيون الناس
لكنه تاه .. وسط الاحداث
لكن اناااااا مش ناسى
انااااااا مش ناسى
ومش قادر ابدأ من جديد

الواد بتاع المزيكا

انا الواد بتاع المزيكا
وبغنى كلام بلوتيكا
ماسك جيتارى الانتيكه
وبغنى ليا وليكه

حبيت انا وانا عارف
ان الامل ضعيف
العيشه صعبه والحاله كرب
واللي فى الجيب خفيف

ولا شقه ولا عربيه
ولا مهر ولا مهيه
بس اللي شوفته فى الحياه
ممكن اغنيه ف اغنيه

دخلت انا من الباب
نطيت دغرى من الشباك
قولتها يا طنط اسمعينى
انا نفسى اكمل نص دينى

قالتلى يا بتاع المزيكا
روح لاموكا وابيكا
غلطان انا من البدايه
ومحلتيش غير غنايا

ولا شقه ولا عربيه
ولا مهر ولا مهيه
بس اللي شوفته فى الحياه
ممكن اغنيه ف اغنيه

انا الواد بتاع المزيكا
وبغنى كلام بلوتيكا
ماسك جيتارى الانتيكه
وبغنى ليا وليكه
ولا شقه ولا عربيه
ولا مهر ولا مهيه
بس اللي شوفته فى الحياه
ممكن اغنيه ف اغنيه


غريب فى بلاد غريبه

فى وشوش الناس انا اتئملت
وفهمت معانى واتعلمت
شوفت الغلبان المهموم
وشوفت الشر جوا العيون
شوفت الدين والايمان
وشوفت الفجر والنسيان
غريب فى بلاد غريبه
غريب فى بلاد غريبه
فى بلاد غريبه
فى بلاد غريبه
انا شوفت ناس تتباع بالمال
واب بيشقا على لقمه حلال
يتعب يشقا يشيل الهم
يفرح يزعل مش مهم
وفلوس كتيييييير زى المطر
وناس غلااااابه بياكلوا الحجر
وانااااا غريب فى بلاد غريبه
غريب فى بلاد غريبه
فى بلاد غريبه
ناس شغاله والرزق عال
وناس تتبطر وتشكى الحال
شباب كتير عاوز يتغير
مش لاقى حلمه نفسه يعبر
واللي ساب حبيبته واتفرقوا
وضاع الحلم عشان اناااااا
عشان اناااااا
غريب فى بلاد غريبه

افرد جناحك

انت كل حاجه بتحلم بيها
انت املك الوحيد
وكل حاجه بتدور عليها
جوه منك بتناديك

انسى كل اللي فات
اكتب بنفسك كتاب
صحى حلمك اللي بات
زعق وقول اللي جواااك

افرد جناحك .. وطير فى الهوا
سقفك بعيد .. فوق فى السما
افرد جناحك .. وطير فى الهوا
سقفك بعيد .. فوق فى السما

فى لحظة سكوتك فكر
وجوا نفسك دور
ارسم لون وصور
وافتح قلبك ونور

طريقك مش بعيد
صدقنى انت مش وحيد
انت كل شيئ جديد
دلوقتى وقتك اكيد
افرد جناحك .. وطير فى الهوا
سقفك بعيد .. فوق فى السما
افرد جناحك .. وطير فى الهوا
سقفك بعيد .. فوق فى السما

هيحاولوا دايما يبعدوك
ويغموا عينك ويرجعوك
عايزينك تعيش وتموت
وكأنك اصلا مش موجود
افرد جناحك .. وطير فى الهوا
سقفك بعيد .. فوق فى السما
افرد جناحك .. وطير فى الهوا
سقفك بعيد .. فوق فى السما

افرد جناحك .. وطير فى الهوا

مصراوى

انت مصراوى ولا خلاص مش ناوى
هتشيل الحمل معانا ولا خلاص تنسانا
بتحب بلادى ولا نسيت اجدادى
بتغنى اغانى زمان ولا عامل مش غاوى
وتقول يا ليل يا عين ع الليله ديه
وتغنى اغانى زماااان الميه ميه
وتقول يا ليل يااااا ع الليله ديه
وتغنى اغانى زماااان الميه ميه
انت مصراوى وبدمك تفديها
بتغير عليها ودمك حامى ولا ناسيها
دايما بتشكى ومش عجبك الحال
طب ما تورينا الهمه وكفايه كلام
متقولش دا كان زماااان احنا النهارده
نتعب نشقا ونعلا وربك هيرضى
انت مصراوى ولا خلاص مش ناوى
هتشيل الحمل معانا ولا خلاص تنسانا
بتحب بلادى ولا نسيت اجدادى
بتغنى اغانى زمان ولا عامل مش غاوى
وتقول يا ليل يا عين ع الليله ديه
وتغنى اغانى زماااان الميه ميه
وتقول يا ليل يااااا ع الليله ديه
وتغنى اغانى زماااان الميه ميه


 









مواضيع مشابهة:
وزير الاعلام المصري يمنع ازاعة اغنية "مطلوب زعيم دكر"......مع كلمات الاغنية
كلمات اغنية مطلوب زعيم لفرقة كاريوكى
كلمات البوم نبيل شعيل 2012
اغنية مطلوب زعيم فرقة كايروكي و امير عيد و كلمات الاغنية من البوم مطلوب زعيم الجديد cairokee band
كلمات البوم رامى صبرى""" غمضت عينى"""

فيس بوك  تويتر  يوتيوب 

Powered by vBulletin Version 3.8.8
Copyright ©2000 - 2024, Jelsoft Enterprises Ltd