نجوم مصرية
منتديات نجوم مصرية منتدى التسلية والترفيه منتدى السيارات - صور سيارات



تابع نجوم مصرية على أخبار جوجل




تحديد أسعار السيارات فى الأسواق المصريه , متابعة بأستمرار و تحديث فورى منى شخصيا

 

كنت شوفت الموضوع دة معمول فى المنتدى للأسف و مفيش حد بيتابعة خالص ولا حد بيفيد حد فيه
و للأسف الموضوع مثبت و العضو عدد مشاركاتة 37 فقط
فحبيت أعمله من الاول و جديد و على ضمانتى لأن أنا إلى هتابع الأسعار بنفسى و هقولكم عليها حد أقصى للتأخير حوالى 24 ساعة فقط


طريقة كتابة الأستفسار
نوع العربيه
سنة الموديل
الكماليات الموجوده فيها (جنوط - كاسيت - سماعات) و يتم ذكر الأنواع بالكامل
حالتها و هل سبق لها حوادث من قبل !!؟
حاله الدواخل (رشة أم فابريقة)

و أنا هكتبلكم الأسعار بالنسبه للسوق أو بالنسبه للمعروض حاليا
على سبيل المثال من ... جنيه إلى ... جنيه
تابع نجوم مصرية على أخبار جوجل








المقال "تحديد أسعار السيارات فى الأسواق المصريه , متابعة بأستمرار و تحديث فورى منى شخصيا" نشر بواسطة: بتاريخ:
Mohamed Zalata
موضوع مفيد جداا واكثر من رائع .. بالتوفيق
مصراوي بالامارات
اشكر لك مجهودك المميز

واستفسر عن السياره دايهاتسو تريوس فورويل 1500 cc

موديل 2012 كم قيمه الجمارك في مصر

لاني سوف احضرها مصر

ام اشتريها من مصر افضل

ولك خالص تحياتي
Mano Crazy
موضوع مفيد جداا واكثر من رائع .. بالتوفيق
ميرسى الله يخليك و إن شاء الله هتابع الموضوع يوميا بأستمرار مش زى الموضوع التانى إلى صاحبه طنشه


اشكر لك مجهودك المميز

واستفسر عن السياره دايهاتسو تريوس فورويل 1500 cc

موديل 2012 كم قيمه الجمارك في مصر

لاني سوف احضرها مصر

ام اشتريها من مصر افضل

ولك خالص تحياتي
بص عمتا بالنسبه للأستيراد و التخليص الجمركى بالكامل هتبقى بنفس السعر فى مصر أو أرخص حوالى 5 أو 10 ألاف جنيه , بس طبعا الفرق كله هيكون فى الكماليات و النضافة فى التقفيل و الكلام دة كلة دا عمتا قاعدة فى أى عربيه بتكون سواء جوة مصر او بتيجى من برة دا غير إنك هتدوخ شوية فى الجمارك و ممكن العربيه تتحجز لأيام طبعا لأن الجمارك بتحمى التوكيلات فى مصر بكل الطرق المتاحه بس لو فعلا عايز عربيه مميزة جدا و كمالياتها مفيهاش غلطة يبقى تصبر على الجمرك

سعر الجمارك ممكن تحسبوها كمان بطريقة بسيطة أوى و حسب حجم المحرك
العربيات الأقل من 1600 سى سى و منها التيريوس جماركها 61%
40% قيمة فاتوره + 15% ضريبه مبيعات + 1% تأمين و هى قيمة تراكميه و ليست بالجمع + الشحن


فالجمارك للتيريوس بعد الأضافات دى كلها حوالى = 75 ألف جنيه (والله أعلم)

بالنسبه لموضوع الموديلات دة معرفش بصراحه 2012 بالظبط لكن أكيد هتكون قريبه من 2011
سعر التيريوس زاد فى الكام شهر إلى فات بالنسبه لموديلات 2011
كل الأسعار بالنسبه للتيريوس الأوتوماتيك و 1500 سى سى و 105 حصان
بلاتينيوم g بسعر 122 ألف جنيه مصرى
بلاتينيوم gx بسعر 128 ألف جنيه مصرى
بلاتينيوم gxr بسعر 143 ألف جنيه مصرى
بلاتينيوم vxr بسعر 155 ألف جنيه مصرى
ليميتيد gx بسعر 131 ألف جنيه مصرى
مصراوي بالامارات
شكرا للمعلومات القيمه ولمجهوداتك الرائعه في الرد

واستفسار اخير

هل يوجد سياره في مصر فور ويل عاليه اي نوع 2012

بشرط لايتعدى السعر 120 الف جنيه

وماهي السيارات فور ويل الاقل من 1600 cc

ولك التحيه
Mano Crazy
شكرا للمعلومات القيمه ولمجهوداتك الرائعه في الرد

واستفسار اخير

هل يوجد سياره في مصر فور ويل عاليه اي نوع 2012

بشرط لايتعدى السعر 120 الف جنيه

وماهي السيارات فور ويل الاقل من 1600 cc

ولك التحيه

أنت تنور والله فى أى وقت ولا أستفسارأخير ولا حاجة أنا منتظراك أكيد لو عندك أى أستفسار
بالنسبه للعربيات العاليه عن الأرض الموجوده فى مصر أقل من 120 ألف جنيه
بس مش عارفة أنت مصمم على موديل 2012 ليه رغم أن مصر كلها 2011 و نادرا لما تلاقى 2012 نزلت
إلا فى الفولفو و الستيروين و دول أسعارهم خيال علمى

رينو سانديرو موديل 2012 و برضة 1600 سى سى و 90 حصان فيه منها بـ72 ألف و فيه بـ76 و الأتنين مانيوال بس الفرق فى الكماليات
رينو داستر 1600 سى سى و موديل 2012 و 110 حصان مانيوال و 2×4 بـ116 ألف جنيه
سوزوكى sx4 أوتوماتيك موديل 2011 سيدان 1600 سى سى و 119 حصان بــ120 ألف جنيه
كيا كارينز موديل 2012 و 1600 سى سى و 124 حصان مانيوال بـ115 ألف
التيجو دى صينى موديل 2012 و 1600 سى سى و فيه بقى 117 حصان دى أقل فئة بـ87 ألف
و فيه منها فئات تانيه بـ90 ألف و بـ110 ألف جنيه


مصراوي بالامارات
شكرا Mano Crazy

الرينو داستر عجبتني بس المشكله تقريبا كله مانوال

اطيب وارق تحياتي

وهصدعك لحد ما اشتري السياره واخلص


http://www.catalogscars.com/2011/09/2012.html

Mano Crazy
شكرا mano crazy

الرينو داستر عجبتني بس المشكله تقريبا كله مانوال

اطيب وارق تحياتي

وهصدعك لحد ما اشتري السياره واخلص


http://www.catalogscars.com/2011/09/2012.html

العفو على أية والله أنت تؤمر لحد كمان بعد ماتجيب العربيه
و الداستر فعلا منها 4 أصدارات كلهم مانيوال
أتنين منهم 2 × 4 و أتنين منهم 4 × 4
و أنا منتظراك لو محتاج أى مساعدة تانيه إن شاء الله
Mano Crazy
مقولتليش يا مصراوى بالامارات فكرت فأية فى كل دول ؟
لو مفيش حاجة عجباك ممكن أدعبسلك تانى على حاجات suv بس المشكلة أن الأنواع دى بتكون غاليه جدا

بس أنا من وجهه نظرى المتواضعة
الداستر فرنساوى و فيه منها داتشيا داستر رومانى الأتنين واحد و بالتأكيد هتكون كويسة أوى موضوع المانيوال دة مش مشكلة كبيرة يعنى إلا لو أنت فعلا مش بتطيقة

الكيا كارينز عربيه محترمة جدا و الكورى أثبت نفسه هنا فى مصر فى الفتره الأخيره لو مش متابع يعنى عندك السيراتو والكلام دة كله منتشر فى مصر بصورة غير طبيعية

Mano Crazy
محدش عايز يعرف حاجة تانيه !!!؟
مصراوي بالامارات
مقولتليش يا مصراوى بالامارات فكرت فأية فى كل دول ؟
لو مفيش حاجة عجباك ممكن أدعبسلك تانى على حاجات suv بس المشكلة أن الأنواع دى بتكون غاليه جدا

بس أنا من وجهه نظرى المتواضعة
الداستر فرنساوى و فيه منها داتشيا داستر رومانى الأتنين واحد و بالتأكيد هتكون كويسة أوى موضوع المانيوال دة مش مشكلة كبيرة يعنى إلا لو أنت فعلا مش بتطيقة

الكيا كارينز عربيه محترمة جدا و الكورى أثبت نفسه هنا فى مصر فى الفتره الأخيره لو مش متابع يعنى عندك السيراتو والكلام دة كله منتشر فى مصر بصورة غير طبيعية

شكرا لمجهودك جدا وبصراحه تعبتك معايا

وبصراحه فعلا مش بطيق المانيوال لانه عندي حاليا وموديل 2010 لانوس وندمت اني جبتها

لانها واطيه جدا

وعموما عايز نصيحتك من مصر افضل ولا اجيبها من الامارات؟

واطيب وارق تحياتي
Mano Crazy
شكرا لمجهودك جدا وبصراحه تعبتك معايا

وبصراحه فعلا مش بطيق المانيوال لانه عندي حاليا وموديل 2010 لانوس وندمت اني جبتها

لانها واطيه جدا

وعموما عايز نصيحتك من مصر افضل ولا اجيبها من الامارات؟

واطيب وارق تحياتي
سورى جدا على التأخير
بالنسبه لانك تجيب اللانوس من الأمارات لمصر بالنسبه للسعر يعتبر هوا هوا و لكن بوجع دماغ و قرف
لو فيها كماليات مش موجوده فى مصر أو خامات أفضل من مصر بالتأكيد أستحمل السعر و وجع الدماغ
لو مفيهاش كماليات زيادة و خاماتها فى الامارات زى مصر بالتأكيد جيبها من مصر أفضل على الأقل هتجيبها على طول بدل ماتوجع دماغك و هيا لسه فى الجمارك و الكلام دة كله
و عمتا أغلب الناس لما بتجيب حاجة من برة بيبقى السعر قريب جدا من مصر لكن بتستحمل قرف الجمارك و وجع الدماغ لأنها بتبقى مختلفة تماما عن مصر
يا رب تكون فهمت كلامى و وجهه نظرى و إن شاء الله ربنا يهديك للصواب


و المستعمله فى مصر منها كاملة و مانيوال فى حدود 65 ألف و حسب الحاله طبعا و الأضافات
مصراوي بالامارات
شكر لاهتمامك جدا

حبيت اوضح ان اللانوس
جبتها من مصر زيرو

وهي موجوده حاليا في مصر

لكن قرفت منها وعايز اغير لفور ويل

والحيره اللي انا فيها

اجيب من مصر ولا من الامارات؟

وعموما ارق واطيب تحياتي لمجهودك المميز
Mano Crazy
شكر لاهتمامك جدا

حبيت اوضح ان اللانوس
جبتها من مصر زيرو

وهي موجوده حاليا في مصر

لكن قرفت منها وعايز اغير لفور ويل

والحيره اللي انا فيها

اجيب من مصر ولا من الامارات؟

وعموما ارق واطيب تحياتي لمجهودك المميز
ماهو بالنسبه للسعر بالتأكيد هيكون السعر واحد و فيه أنواع كمان ممكن تجيبها بعد الجمارك والضرايب و الرشاوى و التخليصات و الكلام دة كله هيكون سعرها أغلى كمان من أنك تجيبها من مصر و كمان هتستنى أيام كتيرة
خايفة أقولك هاتها من الأمارات تلاقى نفسك دفعت أكتر من مصر و نفس العربيه هيا هيا بتقفليها
و خايفة أقولك هاتها من مصر تلاقى نفسك عايز تركب حاجة تقفليها و خاماتها أفضل و تندم
بس عمتا لو فى الحدود بتاعة 120 ألف يبقى من مصر أفضل على الأقل هتلاقى معاك ضمان و توكيل لكن لو جيبتها مستورده مش هتلاقى معاك توكيل و أى خدش هتعمله بره , طبعا التكلفة هيا هيا و يمكن فى بعض التوكيلات أغلى من بره الورش لكن هتتعمل أفضل طبعا جدا
مصراوي بالامارات
عندك حق كل اصحابي فضلوا اني اجيب من مصر وخلاص

عموما اشكرك جدا لاهتمامك وياريت بقى تسيبك من البرادعي علشان اديكي لفه هههههههههه

مره تانيه الف الف شكر

وكل عام وانتم بخير
Mano Crazy
عندك حق كل اصحابي فضلوا اني اجيب من مصر وخلاص

عموما اشكرك جدا لاهتمامك وياريت بقى تسيبك من البرادعي علشان اديكي لفه هههههههههه

مره تانيه الف الف شكر

وكل عام وانتم بخير
ههههههههههههههههههههههههههههههههه لأ طبعا مش هسيبنى من البرادعى يا مصراوى
أصل الراجل والله مظلوم و دة إلى مخلينى مأيده موقفى بشده
و حتى لو أختلفنا سياسيا أكيد الهم الأكبر على بلدنا أنها تبقى أفضل
و ربنا يوفقك إن شاء الله بعربيه نضيفة و محترمة والأسعار ترخص على بال ماتنزل مصر



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
انفجار كبير امام مديرية امن المنصورة وانباء عن حدوث ثلاث انفجارات اخري ... متابعة بأستمرار
أجمل و أحلى السيارات المعدلة فى العالم بتعديلات رائعة , موضوع متجدد بأستمرار
ب والتفاصيل : أحذروا الطماطم الأسرائيليه المهندسة وراثيآ المنتشره فى الأسواق المصريه
شاشة متابعة أسعار البورصة لحظة بلحظة مجانا بها مزايا وامكانيات جميلة..البورصه المصريه

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية