السلام عليكم ورحمه الله وبركاته

اكيد كلنا سمعنا عن يوم الكساء اللي عاملاه جمعية رساله يوم 29
الفكرة ان الجمعية بتجمع من الناس الملابس من اول رمضان

وبيبدأوا في فرز الملابس الجاهزة والمستعملة والرجالي والحريمي لحد يوم 29
عندهم طبعا قائمة بأسماء الناس اللي محتاجة فعلا اللبس ده
كمان بيتعاملوا مع جمعيات خيرية كتيير بتمدهم بأسماء تانية

الجمعية بدأت بفكرة يوم الكساء من سنتين
السنة اللي قبل اللي فاتت جمعوا (400 الف)قطعة ملابس من الناس
السنة اللي فاتت جمعوا (نصف مليون)
السنة الحمدلله جمعوا لحد انهاردة (اكتر من مليون قطعة ملابس)بحمد لله

الجمعية حققت نجاح رائع ولسة في تقدم مستمر الحمدلله

اد ايه لما تروح جمعية زي دي
تشوف شباب محترم وطاهر بيحب الخير
وتشوف حب وتعاون جميل اوي بين المتطوعين
بعيدا عن اي مصلحة او اي اغراض تانية غير انهم نفسوا يرضوا ربنا
وتحس ساعتها بس ان الدنيا لسة بخير

سؤالي:
انت عملت ايه لحد دلوقتي؟
من اول رمضان عملت حاجة تقول بيها انا رمضان السنة كان في حاجات جميلة عملتها

ساهمت بجهدك وبشبابك اللي ربنا هيسألك عنه؟
طيب اتبرعت حتي ولو بمبلغ بسيط من مصروفك؟
اسعدت كام اسرة او كام طفل وشفت السعادة في عيونهم؟


معملتش اي حاجة من دول
اوعي تزعل
لسة ادامك فرصة ان شاء انك تروح امكن كتيير وتبقي سبب في اسعاد المئات بزيارة واحدة
وبمجهود بسيط اوي انت ممكن تكون بتعمل زي اضعاف عشان شغل او غيره

1-روح جمعية رسالة في اي فرع قريب منك(عندهم 50 فرع في مصر)
2_ممكن كمان تروح مستشفي 57357 الصرح الجبار اللي انا بفخر انه طالع من مصر وبجهود مصرية
3_ممكن تتبرع بملابسك المستعملة(مبقولش جديد)بس يبقي صالح للاستخدام
وهما هيجولك لحد عندك لو مش فاضي
4-اتبرع بميلغ بسيط لاي جمعية موثوق فيها

ومتنساش اننا في رمضان واللي هتعمله هيبقي مضاعف اضعاف كتير عن الايام العادية
احنا كلنا ذنوب واخطاء
ويمكن يكون عمل بسيط زي ده يكون سبب في دخولنا الجنة

والسلام عليكم ورحمه الله وبركاته

موضوع فعلا جميل
وان شاء الله يتقبل منا
وجزاكي الله كل خير
شكرا للموضوع مرة
وتسلم ايدك

فعلا والله موضوع رائع

سبحان الله هو احنا محتاجين جمعيات عشان نقدر نعمل الخير

ع فكره مع احترامى ليكى احنا عندنا فرع لرساله بس بيعاملوا المتطوعين وحش جدا
ياريت تنبهى على الحكايه دى

قد ايه موضوعك رائع وجميل بارك الله فيكى وجعله فى ميزان حسناتك
قال الله تعالى {مَنْ ذا الَّذِي يُقْرِضُ اللَّهَ قَرْضاً حَسَناً فَيُضاعِفَهُ لَهُ أَضْعافاً كَثِيرَةً وَاللَّهُ يَقْبِضُ وَيَبْسُطُ وَإِلَيْهِ تُرْجَعُونَ} [البقرة: 2/245].
صدق الله العظيم
شكرا لموضوعك ومستنى اشوفك فى الرحلة

ع فكره مع احترامى ليكى احنا عندنا فرع لرساله بس بيعاملوا المتطوعين وحش جدا
ياريت تنبهى على الحكايه دى

انا رحت لفروع كتير في رساله
وعمري ما لقيت منهم غير معامله محترمة جدا
وناس بجد ملقتش كتير زيهم
يمكن اللي رحتها متكنش جمعية رسالة

والله جمعيه رساله وانا متاكد و انتى متطوعه طيب فى قسم ايه

بارك الله فيكي
على هذا الموضوع اللي بتدعي فيه لفعل الخير
وجعله الله في ميزان حسنات

اوجه فعل الخير كتير

اسهل طريقة يا جماعة وبسيطة للي معندهوش وقت يروح او يجي
او مكسوف من مبلغ صغير معاه مش عارف يتبرع به فين
هو الاتصال من موبايللك
للتبرع لمستشفى سرطان الاطفال
على ارقام 1468 او 2357
او التبرع لبنك الطعام المصري
على رقم 2080
والدقيقة بجنية ونصف

يعني لو كل ما تشتري كارت اتبرعت بثمن دقيقة واحدة
مش حتحس بيها وإن شاء الله ربنا يجازيك خيرا

شكرا لكي حنان

لا بصراحة جمعية رسالة جمعية محترمة

وجزاكى الله خيرا وجعله فى ميزان حسناتك

موضوع فعلا جميل
وان شاء الله يتقبل منا
وجزاكي الله كل خير
شكرا للموضوع مرة
وتسلم ايدك

وجزاك كل خير
ربنا يقدرنا علي فعل كل خير
ان مقدرناش نعمل ونفكر في ده واحنا شباب
هنعمله امتي
اسعدني مرورك

فعلا والله موضوع رائع

سبحان الله هو احنا محتاجين جمعيات عشان نقدر نعمل الخير

معاك حق
احنا مش محتاجين جمعيات عشان نعمل خير
بس منقدرش ننكر انها بتشجعنا كتيير
انا واحدة من الناس مكنتش هعمل حاجة من غير جمعيات زي دي
لان مكنتش عارفة اعمل الخير ازاي
وده حال كتير من الشباب

اشكرك علي مرورك العطر

قد ايه موضوعك رائع وجميل بارك الله فيكى وجعله فى ميزان حسناتك
قال الله تعالى {مَنْ ذا الَّذِي يُقْرِضُ اللَّهَ قَرْضاً حَسَناً فَيُضاعِفَهُ لَهُ أَضْعافاً كَثِيرَةً وَاللَّهُ يَقْبِضُ وَيَبْسُطُ وَإِلَيْهِ تُرْجَعُونَ} [البقرة: 2/245].
صدق الله العظيم
شكرا لموضوعك ومستنى اشوفك فى الرحلة

جزاك الله خيرا علي اضافتك للايه
مرورك نور الموضوع واضاف ليه
اشكرك

والله جمعيه رساله وانا متاكد و انتى متطوعه طيب فى قسم ايه

انا كنت موجودة في اقسام زي فرع مصر الجديدة
وفرع المهندسين

وبعدين انا نفسي اعرف ليه هياعملوا الناس وحش
ده هما نفسهم يلاقوا متطوعين كتير ويشاركوا معاهم في عشرات الاقسام
اشكرك علي المرور

بارك الله فيكي
على هذا الموضوع اللي بتدعي فيه لفعل الخير
وجعله الله في ميزان حسنات

اوجه فعل الخير كتير

اسهل طريقة يا جماعة وبسيطة للي معندهوش وقت يروح او يجي
او مكسوف من مبلغ صغير معاه مش عارف يتبرع به فين
هو الاتصال من موبايللك
للتبرع لمستشفى سرطان الاطفال
على ارقام 1468 او 2357
او التبرع لبنك الطعام المصري
على رقم 2080
والدقيقة بجنية ونصف

يعني لو كل ما تشتري كارت اتبرعت بثمن دقيقة واحدة
مش حتحس بيها وإن شاء الله ربنا يجازيك خيرا

شكرا لكي حنان

جزاك الله كل خير
دي كمان طريقة حلوة اوي للي معندوش وقت خالص ومش قادر يتواصل مع جمعيات زي دي
اشكرك جدا علي الاضافة الجميلة
ربنا يكرمك ان شاء الله

لا بصراحة جمعية رسالة جمعية محترمة

وجزاكى الله خيرا وجعله فى ميزان حسناتك

فعلا جمعية جميلة ومشهورة في مصر وليها فروع كتير في جميع انحاء الجمهورية
ربنا يكرمك
شكرا علي المرور