المصدر مواضيعي في الفيس بوك
يارب حد يقول معاد
نبدء
شوفوا يومهم عامل ازاى يوم النتيجـه (البكالوريا)تررررررن تررررررررن تررررررررررن
الام : الو
هشام : الو..... ازيك يا طنط عامله ايه
الام : الحمد لله و انته عامل ايه يا ابنى
هشام: تمام الحمد لله ممكن اكلم عادل
الام : و الله عادل نايم دلوقتى بس لو فى حاجه ضرورى ممكن اقولهالو .....
و لا تحب اصاحيهولك
هشام : ياريت يا طنط تصحيه معلش يعنى
الام : حاضر يا بنى
يا عااااااااااااااااااااادل يا عاااااااااااااااااااااااادل كلم صحبك هشام على التليفون
عادل : حاضر يا امى انا كونت قايم اصلا
عادل : الو ........... مين معايه
هشام : كونداليزا رايس
عادل : يا بنت الايه و مال صوتك احلوكده ليهه
هشام : يا عم انا هشام انته هاتستظرف على الصبح
عادل : بس احنا المغرب دلوقتى يا اتش
هشام : تصدق يلا انا حيوان اصلا ان انا اتصلت بيك علشان اقولك انك اتزفت نجحت
عادل : طيب ما انا عارف
هشام : عارف ايه ..... عارف انك نجحت
عادل : لا ...عارف انك حيوان
هشام : ايوه يا عم هزر هزر ما هو الناجح يرفع ايدو
عادل: اشمعنهه
هشام : انته هاتخشلى افيه
عادل :خلاص يا عم .... المهم التقدير ....هاه التقدير ايه
هشام : مش فاهمك الحقيقه ....ممكن توضحلى النقطه دى
عادل : بقولك التقدير انا جبت تقدير ايه
هشام : يا عم انته هاتعيش دا انته لولا درجات الرافه كانت بقت تالت سنه ليك فى رابعه
عادل : يا عم انته هاتزلنى
هشام : عم ايه انته شايفنى واقف تحت بيتكوم مشلح الجلبيه و بقول مسكره يا جوافه
عادل : مكنتش اعرف ياد ان كليه تجاره بطلع ناس بالمرح و الخفه دى كلها
هشام : يلى معلش عيد الام بقه
عادل : بلا عيد الام بلا عيد العمال المهم انت عملت ايه
هشام : انا الحمد لله طلعت بجيد
عادل : و هو احنا عندنا ماده اسمها جيد...لا حول و لا قوه الا بالله ..يلا ربنا معاك يا اتش
هشام : يخرب بيت الزفت الى بتشربو ومطينلك دماغك ده انا جبت تقدير جيد ياض
عادل : طيب كويس ربنا يوفقك و مقبول من جيد مش هاتفرق
هشام : على رايك سينا من سونيا
عادل : هاه هانعمل ايه دلوقتى
هشام : الحقيقه مش عارف ....محتار بين بيض بالبسطرمه و فول بالسجق
عادل : يا راجل .... مش تقول انك محتار كده
انا اقولك بص انته تعمل عبيط
هشام : خلااااااااااص يا عم انا اسف
عادل : اسفك مش مقبول ...بس بجد هانعمل ايه بعد ما اخدنا البكالوريوس
هشام : هانبدا بقه رحلت البحث على شغل كويس علشان ناكل عيش
عادل :و انتو معندكوش عيش فى البيت و لا ايه
هشام :لا معندناش و مين قالك ان احنا معندناش
عادل : لا ابدا جالى هاتف
هشام : و جبتو على كام
عادل : لا هو اتمختر و جالى لوحدو
هشام : بس انا بجد مخنوق اوى من حكايه الشغل دى يا عادل
عادل : هـــــــه .....يارب
هشام : يارب ياعم .. بس انته عارف الوسايط و الكلام ده مالى البلد
عادل: تحيا جمهوريه مصر العربيه يا عم
ماتخفش يا عم ربنا هايفرجها انشاء الله
هشام : و الله يا على ان لولا كلامنا و تهريجنا مع بعض فى بلدنا دى كان الحال رسى بينا على حاجتين
يا اما كنا ولعنا فى نفسنا
يا اما كان اتولع فينا
وحوي يا شباب
