اعتقاد أن البنات ما وراهاش حاجة غير الكلام فى الموضة وتسريحات الشعر والماكياج و مين عاكسنى ومين بصلى مين هايموت ويكلمنى .. وان فيه جزء منهم بيتوتى يعنى مالهوش غير فى شغل المطبخ والقعدة أمام التليفزيون وحفظ الاغانى والافلام.. ومين قال ايه ويقصد ولا مايقصدش . . طبعا أنا مابتكلمش عن المراه المصرية .. لكن أنا بتكلم عن البنت المصرية اللى لسه مشافتش دنيا المرمطة واللى الكل بيبصلها على انها كائن ضعيف مسالم وممكن يستغل بسهولة ويسلم برضه بسهولة .. يعنى مش أكتر من انها سمكة ممكن اصطيادها بطعم مناسب وجذاب .. وبعدين شويها وأكلها بالهنا والشفا " احتمال " بس اللى أكيد ان مش كل البنات راكدين فى الميه ولو طلعوا منها يموتوا .. فيه بنات كتير عايشين على الارض وشايفين الدنيا وفاهمين قطارها ماشى ازاى ومحطاته فين .. ودول بنات ذكية وبتفهم , بيشوفوا من بعيد لبعيد وبيتعلموا من بعيد بدون مايقربوا للخط الاحمر.. بس للأسف الناس برضه بتبصلهم على انهم متحررين وعارفين اللى فيها وبتعتبر ذكائهم نوع تانى ممكن يستغل أسوأ استغلال علشان كده تلاقى الناس بتتعامل مع النوع ده من البنات ببجاحة وبأقصر الطرق وده باعتبار ان ذكاءهم هايخليهم يمشوا أمورهم.. وفيه بنات بقى بتجيب من الاخر لانهم عارفين ان مهما عملوا ومهما راحوا موصومين بوصمة انهم بنات فى مجتمع الولد فيه هو بس اللى من حقه يعمل أى حاجة ويقول اللى هو عايزه من غير ماحد يعلق , والغريبة ان لسه فيه ناس لحد دلوقتى بتردد جملة " دا ولد وهو حر مفيش حاجة هاتضره " . أما البنت فلازم يقفولها على الوحدة ويراقبوا تصرفاتها وقالت ايه ولمين وكانت واقفة بتتكلم وهى بتضحك ولا وهى مكشرة ده باعتبار ان البنت لما تضحك أو تبتسم وهى بتتكلم تبقى خرجت عن حدود الادب وتبقى بترسم وبتعيش الدور.. ولو اتكلمت وهى مكشرة تبقى برضه بترسم دور الادب والبنت اللى عايشة حياتها جد.. وياما تحت السواهى دواهى وراء التكشيرة دى أكيد فيه مليون سر وسر.. أما بقى لو البنت هادية بطبعها أو رقيقة يبقى يا سلام على السهوكة والرسم اللى على تقيل ويبقى هما دول البنات اللى نافعة واللى بتحاول تمشى أمورها بالصوت الهادى والمياصة والسهوكة.. ايه فى ايه؟! لاكده عاجب ولاكده عاجب ساكتين وحشين بيتكلموا برضه وحشين.. وفى الاخر هيفضلوا فى نظر الناس حبة بنات تافهة وهايفة مهما عملوا والحل الاكيد ان كل بنت تعيش زى ما هى عايزة وميهمهاش أى حد ولا كلام الناس كده كده بيتكلموا بسبب أو من غير سبب يبقى مفيش فايدة من خوفكم.. ومافيش أحسن من التنفيض وتكبير الدماغ للكل.. مش انتو بنات هايفة.. أوكى اخليكم هايفين بس محدش يبقى يحاسبكم.. وأهى هيافة بهيافة.. المهم تعيشوا مبسوطين مش مقهورين اشطة عليكم يا احلى بنات فى الدينا والله التوبيك دة عشان خاطر عيونكم انتوا وبس ويارب يعجبكم مستنى احلى اراء فى الدنيا |
تسلم الايادي موضووع جميل
|
امممممممم اخيرا حد رد علينا ميرسى برنسيسة
نورتى يا فندم |
ههههههههههههه
والله عندك حق لادة عاجب ولادة عاجب المهم نعيش مبسوطين موضوع جميل تقبل مرورى |
والحل الاكيد ان كل بنت تعيش زى ما هى عايزة وميهمهاش أى حد ولا كلام الناس كده كده بيتكلموا بسبب أو من غير سبب يبقى مفيش فايدة من خوفكم..
ومافيش أحسن من التنفيض وتكبير الدماغ للكل انت كده جبت من الاخر وهو ده اللي حاصل فعلا احلي حاجه انك تمشي بدماغك اصل انا اكيد مش هكون اسيره لعادات وتقاليد مجتمع ذكورى متخلف وفكرتنى بجحا والله لاكده عاجب ولا كده عاجب ولا حتى كده ميرسى علي التوبيك |
ههههههههههههه
والله عندك حق لادة عاجب ولادة عاجب المهم نعيش مبسوطين موضوع جميل تقبل مرورى |
والحل الاكيد ان كل بنت تعيش زى ما هى عايزة وميهمهاش أى حد ولا كلام الناس كده كده بيتكلموا بسبب أو من غير سبب يبقى مفيش فايدة من خوفكم..
ومافيش أحسن من التنفيض وتكبير الدماغ للكل انت كده جبت من الاخر وهو ده اللي حاصل فعلا احلي حاجه انك تمشي بدماغك اصل انا اكيد مش هكون اسيره لعادات وتقاليد مجتمع ذكورى متخلف وفكرتنى بجحا والله لاكده عاجب ولا كده عاجب ولا حتى كده ميرسى علي التوبيك |
اه والله لا كده عاجب ولا كده عاجب
تسلم علي التوبك الهايل ده وياريت فعلا كل واحد يعيش زي ما هو عايز وشايف ايه الصح من الغلط تسلم الايادي |
ميرسى اوى نورتى
|
ههههههههههههههه فعلا معاك حق
الناس مستحيل يعجبها حاجة لا كدة ولا كدة وبجد احنا فى مجتمع الولد |
عندك حق فعلا لا كدة بيعجب ولا كدة بيعجب بس احلى حاجة ان محدش يعمل حاجة عشان حد
المفروض يعملها عشان الغلط والصح بس الغلط والصح اللى مش من وجهة نظر الناس انا اقصد الغلط والصح اللى بيقولنا ربنا نعملة و مش نعمله بجد موضوع جمييييييل تسلم ايدك |
ثانكس على الرد نورتى
|
علفكره الناس مش بتعجبها اي حاجه واي حد الناس بتتكلم علي كل حاجه احنا احسن حاجه نمشي بدمغنا وخلااااص بس مش بدمغنا اوي احسن نقع ونتكسر ناخد راي الناس اللي حولنا انا باخد راي كل الناس وبمشي اللي في دماغي برده
|
فعلا كلامك تمام
يرسى على ردك نورتى |
هههه
عندك حق |
ميرسى لردك نورتى
|
ههههههههههههههههههه
صح معاك حق انا عن نفسي بعمل اللي احبه وميهمنيش راي حد مدام مش بعمل حاجه غلط |
عندك حق وانت جبت كل حاجة
وبعدين احنا المفروض ميهمناش الناس يهمنا خالق الناس شكرا على الموضوع الى خلى البنات تنفجر ههههههههههههههههه |
عندك حق كلاااااااااااامك تمااااااااااااااااام
شكراااااااااا على الموضوع |
ههههههههههههههههههه
صح معاك حق انا عن نفسي بعمل اللي احبه وميهمنيش راي حد مدام مش بعمل حاجه غلط |
عندك حق وانت جبت كل حاجة
وبعدين احنا المفروض ميهمناش الناس يهمنا خالق الناس شكرا على الموضوع الى خلى البنات تنفجر ههههههههههههههههه فعلا لازم نخاف ربنا بس مين بقا دلوقتى بيقول كدا ثانكس يا بوب على ردك انا عارف واله ان البنات بس سامحونى بقا ههههههه |
عندك حق كلاااااااااااامك تمااااااااااااااااام
شكراااااااااا على الموضوع شكرا على ردك نورت ياغالى |
الناس مش وراها غير الكلام وبس ومهما اتعمل بيكلمو بردو
والي بيفضل يبص ويسمع لكلام الناس عمرو ما هيعيش حياتو زي ماهو عايز عمرو ما هيرتاح خااالص نايس توبيك تسلم الايادي |
شكرا على الرد نورتنى
|
بس انا شايفه ان البنت لو طبقت اللى دينها بيقول عليع فى ادب الحوار مع الناس
وازاى تمشى فى الشارع ازاى تتكلم تكلم مين وماتكلمش مين ايه اللى حرام وايه اللى مش حرام اكيد مافيش مخلوق على وجه الارض هيقدر ينظر لها نظره مش كويسه ودا اكيد بفضل ربنا لاتباعها تعاليمه وتعاليم رسوله |
تمام والله ردك مقنع برضه
نورتى |
مواضيع مشابهة: | ||||
› كيف تجعل من نفسك شخصية هادفة؟! | ||||
› وزيرة القوى العاملة: يوم السبت اجازة رسيمة بمناسبة عيد العمال | ||||
› اجعل من نفسك شخصية هادفة؟!! |